लूका 20:10 - डोटेली नयाँ करार

¹⁰ फसल काटया बेलामि फल लइन्नाइ अंगुरको बारिका मालिकले आफ्नो एक नौकरलाइ अदिया बनाउन्यावाला खेतालाका वाँ पठायो। तर अदिया बनाउन्यावाला खेतालाले तइ नौकरलाइ हाणबर पठायो।

डोटेलि

¹⁰ फल पाकिसक्‍यापाछा अंगुर खेतिबटहइ केइ फल ल्‍याउनाइलाइ अंगुर खेतिका मालिकले आफना एक नउकरलाइ अधिया अद्‌या किसानका वाँ पाठायो। रे किसानले तइलाइ हाणिबर रितोइ पठाइदियो।

लूका 20:10 ပူးပေါင်းရင်းမြစ်များ

लूका 13:34

“ए यरुशलेम सहरका मान्सन हो, भौत पइल्ली बस्स्या तमनले अगमबक्तालाइ मार्याछौ, रे तिनन मान्सनलाइ ढुंङाले हाण्या छौ जइलाइ तमरा वाँ पठायाथ्यो। जसेरि पोथीले आफना चल्लालाइ आफना पखेट्टा तल्तिर बटुलन्छ, तसेरि कति बेर मइले तेरा बच्चालाइ बचाउन्या मन अर्या, तर तुइले माणिनि।

लूका 20:11

तइले आजी अर्खा नौकरलाइ पठायो, तर तिननले तइलाइ लगइ चुटिबर बेइजत अरिबर रितोइ पठाइदियो।

लूका 20:9

उनले मान्सलाइ यो काहानि भण्यो: “एक मान्सले अंगुरको बारी लायो, रे अदिया बनाउन्यावाला खेतालालाइ कमाउनाइ दियो, रे आफ लामो यात्रामि गया।

यूहन्नाले लेख्या सुसमाचार 15:16

तमनले मलाइ चुन्यानु, तर मइले तमनलाइ चुन्या रे तमनलाइ नियुक्त अर्या, ताकि तमन जा रे फल फला रे तमरो फल रइ रओस। तबइकिलाइ तमनले पितालाइ मेरा नाउँमि जी मागला त्यो उनले तमनलाइ दिन्या हुन। क्याकि तमन मेरा शिष्या हौ।

रोमी 7:4

यिसेरी मेरा बिश्वासि भाइन हो, जब तमन ख्रीष्टसित मर्या, तमन कानुनको अधिकारकिलाइ लगइ मर्या। आब तमन ख्रीष्टका हउ जो मर्या बठेइ जिउना भया छन, ताकि तमन परमेश्वरकीलाइ फलदाइ जीवन जिउन सक।