लूका 2:49 - डोटेली नयाँ करार

⁴⁹ उनले तिननलाइ भण्यो, “तमनले मलाइ क्याकि खोज्या? म आफना बाका घरमि हुनु पणन्छ भण्न्या तमनलाइ था थेइन ब?”

डोटेलि

⁴⁹ इसुले भुन्‍यो “तमले मुलाइ क्‍याकि खोज्‍या? मु आफना परमेस्‍वर पिताका घरमि हुनपणन्‍छ। भन्‍या कुरडि कि तमलाइ थाँ थेइन?”

लूका 2:49 ပူးပေါင်းရင်းမြစ်များ

मत्ती 21:12

पइ येशू रे उनरा शिष्या यरुशलेम सहर आइबर मन्दिरको आगनमी पुग्या। पइ उनले मन्दिरमि बलिदानकि निउति प्रयोग अरिन्या जनाबर रे अन्य चिज कीन बेच अद्द्यालाइ यइ क्षेत्र बठेइ बाइर निकाल्दियो। रे रुप्या साँट्या मान्सनकि टेबुल रे बलिदानकि निउति परेवा बेच्या बस्या मान्सनकि कुर्सिलाइ घोप्टेइ दियो।

लूका 2:48

उनलाइ धेकिबर उनरा इजा-बा छक्‍क पड्या, रे उनरी इजाले भण्यो, “ए चेला, तुइले हामलाइ यिसो कि अरि? हेर, तेरा बा रे म हइरान होइबर तुलाइ खोज्जाथ्या।”

यूहन्नाले लेख्या सुसमाचार 4:34

येशूले तिननलाइ भण्यो, “मेरो खानाइ त्यो परमेश्वरको इच्छा भण्या माण्नु हो, जइले मलाइ पठाया हो, रे त्यो काम पुरा अद्दाइ उनले मलाइ दिया छ।

यूहन्नाले लेख्या सुसमाचार 5:17

तब येशूले तिननलाइ भण्यो, “परमेश्वर, मेरो पिताले दिना दिन काम अरिराइछन, रे म लगइ काम अद्दइ लाछु।”

यूहन्नाले लेख्या सुसमाचार 5:36

तर मसित जी गवाही छ, त्यो यूहन्ना भण्ना ठुलो छ। क्याकि जइ काम पुरा अद्दाइ पिताले मलाइ दिइराइछ, तिन काम म अद्दाछु, तिनइले मेरा बारेमि गवाही दिइराइछ कि पिताले मलाइ पठाया हो।

यूहन्नाले लेख्या सुसमाचार 6:38

क्याकि म आफ्नो इच्छा होइन तर मलाइ पठाउन्याको इच्छा पुरा अद्दाइ स्वर्ग बठेइ ओलीबर आया हु।

यूहन्नाले लेख्या सुसमाचार 8:29

जइले मलाइ पठायो उन मसित छन। पिताले मलाइ एकलोइ छाड्या आथिन क्याकि उनलाइ सदाइ खुशी पाड्डया कुरणी म सदाइ अद्दउ।”

यूहन्नाले लेख्या सुसमाचार 9:4

जइले मलाइ पठायो, उनले मलाइ जिम्मा दिया काम दिनइमी छिटाइ भण्ना छिटाइ अद्दु पणन्छ। रात आउछ, जब कसइले केइ काम अद्द सक्दइन।