लूका 18:32 - डोटेली नयाँ करार

³² क्याकि उ और गैर-यहुदि मान्सनका हातमि सुम्पिन्या हो, रे तिननले उइको खिसि काट्ट्या हुन, रे उइसित दुर्ब्यहार अद्दया हुन, रे उइलाइ थुक्द्या हुन।

डोटेलि

³² क्‍यालाइकि उ अउरजातिनका हातमि सुम्‍पिन्‍या छ, रे तिनुनले उइको खिसि अद्‌या छन, अत्‍याचार अद्‌या छन् रे थुक्‍द्‍याछन्।

लूका 18:32 ပူးပေါင်းရင်းမြစ်များ

मत्ती 16:21

येशू कसेरी यरुशलेम सहरमि जानु पणन्छ, यहुदि मान्सनका अगुवा रे धर्म-गुरु रे यहुदि मुख्य पुजारि रे मोशाको कानुन सिकाउन्यावाला बठेइ भौत दु:ख भोग्दु पणन्छ, मद्दु पणन्छ रे तेसरा दिनमि मर्या बठेइ जिउनो हुनु पणन्छ भणि उनले तइ बेला बठेइ आफना शिष्यालाइ बताउन लाग्या।

मत्ती 20:19

उइलाइ खिसि काट्ट्या हुन, कोर्रा लाउन्या हुन, रे क्रुसमि झुण्न्याउन भणि तिननले उइलाइ गैर-यहुदि मान्सनका हातमि सुम्पिन्या हुन, तर उ तेसरा दिनमि मर्या बठेइ जिउनो होइबर उठन्छ।”

मत्ती 22:6

औरले तइका नौकरलाइ समाइबर तिननसित दुर्ब्यहार अर्यो रे तिननलाइ मारिदियो।

मत्ती 26:67

तब तिननले उनरा मुखमि थुकिबर उनलाइ मुक्‍कि हाण्न पस्या, रे कसइ-कसइले यिसो भण्नाइ मुक्‍कि हाण्यो,

मत्ती 27:2

तिननले येशूलाइ बादिबर लैया रे पिलातस हाकिमको राज महलमि न्याय अद्दाइलाइ लैया।

मर्कुस 14:65

तइ पछा कोइ उनलाइ थुक्द लाग्या, कोइ मुक्‍कि हाण्न पस्या, रे तिननले उनरा आँखा बुजिबर भण्न लाग्या, “यदि तु अगमबक्ता हइ भण्या, भण कइले तुलाइ हाण्यो!” रे मन्दिरका चौकिदारनले उनलाइ समाइबर थप्पडी हाण्यो।

मर्कुस 15:1

परभातइ यहुदि मुख्य पुजारिनले यहुदि मान्सनका अगुवा, मोशाको कानुन सिकाउन्यावाला रे सब यहुदि महासभा सदस्य सित बसिबर येशूलाइ आरोप लाउन्या सल्लाह अर्यो। रे तिननले येशूलाइ यहुदिया राज्यको रोमिको पिलातस हाकिमको राजमहलमि न्याय अद्दाइलाइ लैयाथ्यो।

लूका 18:33

तिननले उइलाइ कोर्रा लाउन्या हुन रे माद्दया हुन, रे तेसरा दिनमि मर्या बठेइ जिउनो होइबर उठन्छ।”

लूका 23:1

सब यहुदि महासभाका सब सदस्य उठीया, रे येशूलाइ पिलातस हाकिमको राजमहलमि न्याय अद्दाइलाइ लैया।

लूका 23:11

राजा हेरोदले आफना सिपाइनसित मिलिबर उनलाइ तिरस्कारपूर्ण ब्यबहार अर्यो, रे उनरो खिसि काट्यो। तइ पछा उनलाइ चहकिलो लत्ता लाइबर पिलातस हाकिमका वाँ पठाइदियो।

लूका 23:35

मान्स कलिबर हेद्दाथ्या। सासकले उनरो खिसि काट्टाइ भण्यो, “एइले औरलाइ बचायो, यो परमेश्वरका ख्रीष्ट रे उनरो चुनिया जन हो भण्या यइले आफइलाइ बचाउ।”

यूहन्नाले लेख्या सुसमाचार 18:22

येशूले यिन कुरणी भण्न्या बेला नजिकै कल्लिया मन्दिरको एक चौकिदारमि हइ एकले इसो भणबर एक थप्पडी लाइदियो, “कि तु यहुदि प्रधान पुजारि लाइ इसेरि जबाफ दिन्छइ?”

यूहन्नाले लेख्या सुसमाचार 18:28

तइ पछा तिननले येशूलाइ कैयाफाका वाँ बठेइ रोमीका ठुला हाकिम, पिलातासका महलमि लैया। त्यो परभातइको समय थ्यो, रे यहुदि मान्सन महलमि पस्या थेइन। तिननमि हइ यदि कोइ भितर पस्या भयाले तिनन असुद्द हुन्थ्या रे तइलाइ निस्तार काजबारको भोज खान्या अनुमति मिलनथेइन।

यूहन्नाले लेख्या सुसमाचार 18:30

तिननले जबाफ दियो, “उ कुकर्मि नभया भएले हाम तमरा वाँ खाली क्याइ ल्याउनेइथ्या रे?”

यूहन्नाले लेख्या सुसमाचार 18:32

आफ कसेरी मद्द पड्या हो भणि तइको संकेत अरिबर येशूले भण्या बचन पुरा होउ भणबर इसो हुन्नाथ्यो।

यूहन्नाले लेख्या सुसमाचार 18:35

पिलातस हाकिमले भण्यो, “तमलाइ था छ कि म यहुदि होइन। तेरा आफनाइ जाति रे यहुदि मुख्य पुजारिले तुलाइ मेरा वाँ सुम्पेका छन, तइले कि अर्या हो?”

प्रेरित 2:23

परमेश्वर बठेइ ठहराया पक्‍का उद्देश्य रे पइल्लिको ज्ञान अन्सार उनलाइ तमरा हातमि सुम्पिदियो। तमनले उनलाइ अधर्मि मान्सनको सायताले क्रुसमि किला ठोकिबर मार्या।

प्रेरित 3:13

हामरा पुर्खा अब्राहाम, इसहाक रे याकुबका परमेश्वरले आफना सेवक येशूलाइ मर्या बठेइ जिउना बनाइबर भौत आदर दियो, तर तमनले उइलाइ माद्दाइ यहुदि अगुवानका हातमि सुम्पिदिया, रे पिलातस हाकिमले उनलाइ छाड्दिन्या बिचार अर्या लगइ तमनले उनलाइ जन छाड भण्या।