लूका 16:19 - डोटेली नयाँ करार

¹⁹ “एक जानो धनि मान्स थ्यो, जइले भौत महंगा लत्ता लाइबर दिन दिनै सबहइ निको खाना खानथ्यो।

डोटेलि

¹⁹ “एक जनो धनि मान्‍स थ्‍यो, जो महङगा मलमलका लत्‍ता लाइबर दिनदिनि मोजमज्‍जा अरन्‍थ्‍यो।

लूका 16:19 ပူးပေါင်းရင်းမြစ်များ

मर्कुस 15:17

तिननले उनलाइ बैजनि रङका लत्ता नाटक अद्दाइलाइ लाइदियो जसो कि उन एक राजा हुन, रे उनरो हासो अददु पास्या। उनले काँडा भयको हाङ्गाको मुकुट बनाइबर खिसि काट्टाइ निउति उनरा मुन्टामि लाइदियो जसो कि उन एक राजा हुन, रे उनरो हासो अददु पास्या।

मर्कुस 15:20

जब तिनन उनरो खिसि काटीबर थग्या, तिननले बैजनि रंगका लत्ता फुकाइ दियो रे उनराइ लत्ता लाइदियो, रे उनलाइ क्रुसमि माद्दाइलाइ सहर बठेइ बाइर लैया।

लूका 15:13

केइ दिन पछा आफ्ना भागको धन-सम्पत्ति बेचिबर कान्छो चेलो टाडा देशमि पैसा लइजाइबर गयो, रे ताँ मोज-मज्जामी आफ्नो धन-सम्पत्ति उडायो।

लूका 16:1

येशूले आफना शिष्यालाइ यो काहानि भण्यो, “कोइ धनि मान्सको एक जाना ब्यवस्थापक थ्यो। तइले आफ्नो मालिकको धन-सम्पत्ति उडाउन्नाछ भण्न्या दोस तइको बिरुद्दमि लागिरइथ्यो।

लूका 16:18

“उदहारणकि निउति जइले आफनी स्वानी छाडिबर अर्खीलाइ ब्या अरन्छ, तइले व्यभिचार अरन्छ, रे बैकान बठेइ त्यागिएइ आइमाइलाइ ब्या अद्या मान्सले लगइ व्यभिचार अरन्छ।”

लूका 16:20

धनि मान्सको ढोकामि लाजरस नाउँ भया एक भीकारि मान्सलाइ ल्याइबर राखिदिन्थ्या। त्यो घाइघाले भरिरइथ्यो।

प्रकाश 17:4

तइ आइमाइले बैजनि रे रातो लत्ता लाइराइथि, उइले आफ्ना शरीरलाइ सुण, रत्न रे मोतिले सिङारिएइ थी, तइका दाइन हातमि सुनको कटउरा थी जो दाखमद्यले भरियइ थी जइले घिनलाग्दो काम रे फोहोर यौन ब्यबहार जणाउन्छ।

प्रकाश 18:16

“हाइ! हाइ! त्यो महानगरी, जो मलमल, बैजनि रे चम्कन्या रातो लत्ता लाइबर सुण, रत्न रे मोतिले सिङारिरइथी।

प्रकाश 18:7

तमले तइ सहरलाइ चरम पिडा रे दुःख दिनु पणन्छ जो उइको बिलासी जीवन रे आफइमी उनरो गर्बको बराबरि हुन्छ। उनले आफइलाइ भण्यो, ‘म मान्सनमि रानीले जसोइ सासन अद्द्या हु। म बिधवा होइन रे मइले सोकको अनुभव अद्द्या आथिन।’