लूका 12:28 - डोटेली नयाँ करार

²⁸ तर आज हुन्या रे भोल आगाइनी खितिन्या मैदानको घाँसलाइ परमेश्वरले यिसेरी शिङाद्दाहान भण्या, ए अल्पविश्वासी हो, उनले तमनलाइ झिक कति बड्ता शिङाद्दाहान।

डोटेलि

²⁸ आज हुन्‍या रे भोल आगामि खितिन्‍या मइदानका घाँसलाइ परमेस्‍वरले इसेरि सजाउनाहान्‌ भन्‍या, ए बिस्‍वास नभया हो, उनुले तमलाइ झिग कति बर्ता अरिबर सजाउन्‍या छन्।

लूका 12:28 ပူးပေါင်းရင်းမြစ်များ

मत्ती 14:31

तब येशूले झट्ट हात तानिबर तइलाइ समाइ हाल्यो, रे तइलाइ भण्यो, ए अल्पविश्वासी, क्याकी संका अरन्छइ?

मत्ती 16:8

येशूले तिननले सोच्या कुरणी था पाइबर तिनलाइ भण्यो, “ए अल्पविश्वासी हो! तमनसित प्रयाप्त रोटा आथिन भणि क्याकि तमन बहस अरन्छौ?

मत्ती 17:17

तब येशूले भण्यो, “हे बिश्वासहिन मान्सन! म कब सम्म तमसित रउलो? रे म कब सम्म तमरो बिश्वास किलाइ रोकुँ? तइ केटालाइ मेरा वाँ ल्यास।”

मत्ती 17:20

तइ पछा येशूले उनलाइ भण्यो, “परमेश्वरमि बिश्वास राख कि तमले जी माग्याछौ त्यो उनले दिन्या हुन। क्याकि साँच्चि म तमलाइ भण्नउ, यदि कसइले आफना हृदयमि संका नअरिबर आफले भण्या कुरणी परमेश्वरले पुरा अद्दया हुन भणि बिश्वास अरिबर यइ डाङालाइ याँ बठेइ ताँ झड भण्यो भण्या जान्छ, तमरा निउति केइ कुरणी लगइ असम्भब आथिन।

मत्ती 6:30

यदि परमेश्वरले आज हुन्या रे भोल आगाइनी खितिन्या घाँसलाइ परमेश्वरले यिसेरी शिङाद्दाहान भण्या, परमेश्वरले पक्‍का तमनलाइ हेरचाह अद्दाहान। तमरो बिश्वास इति कम क्याकि छ?”

मत्ती 8:26

येशूले तिननलाइ भण्यो, “अल्पविश्वासी मान्सन हो, तमन क्याइ डराउन्छौ?” उठीबर उनले हुरि रे समुद्रलाइ हकार्यो, रे हुरि बिलकुल सान्त भयो।

लूका 8:25

उनले तिननलाइ भण्यो, “तमरो बिश्वास काँ गयो?” तिनन डराइय्या, रे अचम्म माण्यो रे एक अर्खालाइ भण्न्न पस्या, “यिन को हुन? बतास रे पानीलाइ लगइ आज्ञा दिनाहान रे तिननले यिनरो आज्ञा माण्ना छन।”

हिब्रु 6:7

निको शिक्षा ग्रहण अद्द्या मान्स जमिन जसो हो, जइमि पानी पणन्छ। यदि जमिन निको छ भण्या, यइले खेतालालाइ निको बालि दिन्छ रे यइमि परमेश्वरको आशिस हुन्छ।

१ पत्रुस 1:24

पबित्र सास्त्रले इसो भणन्छ, “सब मान्सन घाँस जसाइ हुन रे तिनरा सब सुन्दरता जंगली फुल जसा हुन। घाँस ओइलाउछ रे फुल जमिनमी झणि जान्छ,