यहूदा 1:4 - डोटेली नयाँ करार

⁴ म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

यहूदा 1:4 ပူးပေါင်းရင်းမြစ်များ

मत्ती 13:25

तर खेताला सिया बेला उनरो दुस्मन आयो रे गउँका बिचमि साँउ बोइबर गयो।

यूहन्नाले लेख्या सुसमाचार 17:3

आब अनन्त जीवन यइ हो, कि तिननले तम, एक मान्तर सत्य परमेश्वरलाइ पछेणुन, रे तमले पठाया म, येशू ख्रीष्टलाइ पछेणुन।

प्रेरित 11:23

तिन ताँ आइबर परमेश्वरको अनुग्रह धेकिबर खुशी भया, रे तिनन सबलाइ पुरा मनले प्रभुप्रति बिश्वासि रइरनाइ उत्साह दियो।

प्रेरित 15:24

हामले सुणिराइछौ, कि हामरा बिचइनिका कसइ कसइ मान्सनले हामरो आदेस बिना तमनलाइ उल्टो शिक्षा दिइबर तमनलाइ भौत कुरणीमि दु:ख दिइराइछ।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

गलाती 5:13

बिश्वासि भाइन हो, तमन परमेश्वर बठेइ स्वतन्त्र हुनाइ बोलाइया हौ, तबइकिलाइ आब तमनले मोशाको कानुन पालन अददु पड्डइन। तर आफना पापमय स्वभाव पुरा अद्दया अबसर जन बना, बरु आफ्नो स्वतन्त्रता एक अर्खाको सेवा अद्दाइ रे प्रेम अद्दाइ प्रयोग अर।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

१ तिमोथी 5:8

तर यदि कोइ आफ्नोइ नातेदारको रे बिसेस अरिबर आफनाइ परिवारको हेरचाह अद्दइन भण्या त तइले प्रस्ट धेकाउन्छ कि तइले ख्रीष्टमी बिश्वास अद्दइन रे बिश्वास नअद्दया भण्नालगइ खराब हुन्छ।

२ तिमोथी 2:12

यदि हामले उनरी निउति दुःख भोग्या भण्या हाम उनसित राजाकि जसेरि सासन अद्दया हु। तर यदि हामले उनलाइ जाण्नाउ भणबर इन्कार अर्या भण्या उनले लगइ भण्या हुन कि हाम उनरा होइन।

२ तिमोथी 3:6

क्याकि यिन मध्ये कोइ मान्सन घर घर जाइबर पापमि रे ननिका इच्छाका अधिनमी पर्या मुर्ख स्वानिनलाइ आफ्ना अधिनमी पड्डाहान।

१ पत्रुस 2:16

तमनलाइ भण्या, कोइलगइ आथिन जइले तमनले चाया काम अद्द बठेइ रोक्द सकन्छ, क्याकि तमन हामरा प्रभु येशू ख्रीष्ट बठेइ पइल्ली स्वतन्त्र भइ सक्याछौ। तर खराब काम अद्द्याकि निउति यइलाइ बहाना जन बना। बरु तमनले आफ्नो काममी यो धेकाउनु पणन्छ कि तमन साँच्चि परमेश्वरका सेवक हौ।

१ पत्रुस 2:8

रे आजी पबित्र सास्त्रमि लगइ लेखिया छ, “यइ ढुंगाले मान्सनलाइ भइयाइनि लोटाउन्या हो, यो एक पखान हो जइले तिननलाइ लोट्टाउन्या हो।” तिनन तसेरि लोट्टाहान, क्याकि तिननले परमेश्वरको बचन पालन अददाइ इन्कार अददाहान। परमेश्वरले तिनरि निउति इसोइ योजना अर्याथ्यो।

१ पत्रुस 4:18

जसेरि पबित्र सास्त्र मा लेखिया छ, “यदि परमेश्वरका आफ्नाइ मान्सनले उद्दार पाउनु एक्दमइ असजि छ भण्या, दुष्ट रे पापी मान्सन पक्‍कालगइ हराउन्या हुन!”

२ पत्रुस 2:10

परमेश्वरले पक्‍कालगइ तिन झुटा शिक्षकलाइ दण्ड दिन्या हुन, जइले आफ्नो दुष्ट, लाज लाग्दो इच्छा अनसार काम अददाहान, रे तिननमि परमेश्वरको अधिकार भया इन्कार अददाहान। तिनन हठी रे अहंकारी हुनाहान। तिनन स्वर्गमि भया महिमित प्राणिका बारेमि अपमान अद्द डराउनाइन।

२ पत्रुस 2:7

तर सदोमलाइ नास अददाहइ अगाडी उनले लोतलाइ जोगायो, जो एक परमेश्वरका नजरमि ठीक मान्स थ्या, लोतले सहर छाडिबर गया रे परमेश्वरले उइलाइ बचायो। लोत भौत चिन्तामी थ्या क्याकि सदोम सहरका मान्सनले नियम पालन अरेइन रे लाज लाग्द्या काम अर्यो।

२ पत्रुस 3:7

तर परमेश्वरले तसइ बचनले अग्गास रे पृथ्बी अइल लगइ अस्तित्वमि राख्या छ, ताकि तिननलाइ आगोले नास अद्द सकउ। परमेश्वरले तिनन मान्सनलाइ न्यायकी दिनकि निउति राख्या छ, उनले तिनन मान्सलाइ नास अद्द्या हुन, जइले उनरो आज्ञापालन अद्दइन।

१ यूहन्ना 2:22

झुटो को हो? झुटो त्यो हो, जइले येशूइ ख्रीष्ट हुन भण्न्या कुरणी इन्कार अरन्छ। पिता परमेश्वर रे चेलोलाइ जइले इन्कार अरन्छ, ख्रीष्ट बिरोधी तेइ हो।

यहूदा 1:15

उनले सब मान्सनको न्याय अद्दया हुन रे सब भक्तिहिन मान्सनले अर्या सब अनैतिक रे दुष्ट काम रे उनरा बिरुद्दमि पापी मान्सनले बोल्या अपमानित शब्दको दण्ड दिन्या हुन।”

यहूदा 1:18

तिननले भण्याथ्यो आखिरी दिनमि प्रभु रे उनरा मान्सनको ठट्टा अद्द्या हुन्या हुन। यिन मान्सनको जीवन आफनो अभिलासाले नियन्त्रण भया हुन्छ।

प्रकाश 15:4

हे परमप्रभु, तमलाइ सब मान्सनले आदर अददाहान, रे तिनन सबले तमरा नाउँको सम्मान अददाहान, क्याकि तमइ मान्तरइ पबित्र परमेश्वर छौ। हरेक जाति तमरा वाँ आउनाहान रे तिननले तमरो आराधना अददाहान, क्याकि भण्या तमरा धार्मिक काम निक्केरि धेकिरइछन।”