यूहन्नाले लेख्या सुसमाचार 9:24 - डोटेली नयाँ करार

²⁴ तब यहुदि अगुवानले तइ आखा धेक्द्या मान्सलाइ दोसर्या बोलाइबर भण्यो, “परमेश्वरको कसम खाइबर भण। हाम जाण्नाउ कि यो मान्स पापी हो।”

यूहन्नाले लेख्या सुसमाचार 9:24 ပူးပေါင်းရင်းမြစ်များ

मर्कुस 15:27

उनसित दुइ जना डाँकुलाइ एकलाइ दाइन तिर रे अर्खालाइ बाँउतीर क्रुसमि टाङयो।

लूका 15:2

“यइ मान्सले त पापीनलाइ ग्रहण अरन्छ, रे तिननसित खानपिन अरन्छ” भणि फरिसि मान्सनको समुह रे मोशाको कानुन सिकाउन्यावाला गनगन अद्द पस्या।

लूका 19:7

जबइ मान्सनले यो धेक्यो, तिनन सब यिसो भणबर गनगन अद्द पस्या, “उन पापिका घर पाउना भइबर गया।”

लूका 7:39

येशूलाइ निउतो दिन्या फरिसि मान्सनले यो धेकिबर मनमनइ यिसो भण्न लाग्यो, “यदि यिन अगमबक्ता भया भएले यिनलाइ छुनेइ को रे कसि आइमाइ हो भणि यिनले जाण्नेइथ्या। क्याकि यो त एक अनैतिक जीवन जिउनेइ आइमाइ हो।”

यूहन्नाले लेख्या सुसमाचार 14:30

तमनसित कुरणी अद्दाइ मसित भौत समय आथिन, क्याकि यइ सन्सारको सासक सैतान आउनाछ रे तइले मलाइ केइ अद्द सक्दैन।

यूहन्नाले लेख्या सुसमाचार 16:2

तिननले तमलाइ यहुदि सभाघर बठेइ निकाल्दिन्या हुन। वास्तवमि यिसो समय आउनाछ, जब तमनलाइ हत्या अद्द्याले परमेश्वरको सेवा अद्दउ भणि माणन्छ।

यूहन्नाले लेख्या सुसमाचार 18:30

तिननले जबाफ दियो, “उ कुकर्मि नभया भएले हाम तमरा वाँ खाली क्याइ ल्याउनेइथ्या रे?”

यूहन्नाले लेख्या सुसमाचार 19:6

जब यहुदि मुख्य पुजारि रे मन्दिरका चौकिदारले उनलाइ धेक्यो, तिनन यिसो भण्न्नाइ कला हाल्ल पस्या, “तइलाइ क्रुसमि मारीदिय।” पिलातस हाकिमले तिननलाइ भण्यो, “तमनइ तइलाइ क्रुसमि मारीदिय, क्याकि म यिनमि केइ दोस पाउनइन!”

यूहन्नाले लेख्या सुसमाचार 8:46

तमनमि हइ कसइले मलाइ पापको आरोप लाउन्छौ? यदि म सत्य बोल्लउ भण्या तमन मलाइ क्याकि बिश्वास अद्दानौ?

यूहन्नाले लेख्या सुसमाचार 8:49

येशूले जबाफ दियो, “मलाइ भूत लाग्या आथिन, तर म आफना पितालाइ आदर अद्दउ रे तमन मलाइ आदर अद्दान।

यूहन्नाले लेख्या सुसमाचार 9:16

फरिसि मान्सनको समुहमी हइ कसइले भण्यो, “त्यो मान्स परमेश्वर बठेइ आया होइन, क्याकि तइले बिश्राम दिन पालना अद्दइन।” तर औरले भण्यो, “यइ जसो पापी मान्सले कसेरी यिसा अचम्मका काम अद्द सकन्छ?” रे तिनरा बिचइनि फाटो हुन पस्यो।

यूहन्नाले लेख्या सुसमाचार 9:25

तइले भण्यो, “उन पापी हुन कि होइन, म जाण्नइन। एकइ कुरणी म जाण्नउ कि म अन्धो थ्या, तर आब धेक्दउ।”

रोमी 8:3

क्याकि कानुनले अद्द नसक्या कुरणी परमेश्वरले अर्यो, रे हमरा पापी स्वभाबले कानुनलाइ कमजोर बनायो। उनले आफ्ना चेलोलाइ मानब सरीरमि पठायो, रे उनले ख्रीष्टको शरीरलाइ बलिदान अरिबर पापको न्याय अर्यो।

२ कोरिन्थी 5:21

ख्रीष्टमी पाप थेइन, तर परमेश्वरले उनलाइ हामरा पापमि सहभागी बनायो। परमेश्वरका नजरमि हाम धर्मि बन्न सकउ भणबर ख्रीष्टले हामरा पापको दण्ड लियो।

प्रकाश 11:13

तसइ बेला एक ठुलो भुइँचालो यरुशलेम सहरमि गयो रे सहरको दस हिस्सा ढल्यो। भुइँचालामि सात हजार मान्स मर्या। और बाँच्या मान्स डराया रे स्वर्गका परमेश्वरलाइ महिमा दियो।