यूहन्नाले लेख्या सुसमाचार 8:31 - डोटेली नयाँ करार

³¹ तब आफलाइ बिश्वास अद्द्या तिनन यहुदि मान्सनलाइ येशूले भण्यो, “तमन मेरा बचनमी लागिरया भण्या साँच्चि तमन मेरा शिष्या हौ।

यूहन्नाले लेख्या सुसमाचार 8:31 ပူးပေါင်းရင်းမြစ်များ

मत्ती 24:13

तर यइ संसारमी बाचन्ज्या दु:ख नसकिन्ज्या सम्म ममि भरोसा अरन्छौ, रे हार मान्नाइनानु, परमेश्वरले तमलाइ बचाउन्या हुन।

यूहन्नाले लेख्या सुसमाचार 1:47

येशूले नथानेललाइ आफना वाँ आउन्नारया धेकिबर तइका बारेमि भण्यो, “हेर एक जानो पक्‍का इस्राएल देशका मान्स, जइमि केइ छल आथिन।”

यूहन्नाले लेख्या सुसमाचार 2:2

येशू रे उनरा शिष्यालाइ लगइ ब्यामि निउतो दिइराइथ्यो।

यूहन्नाले लेख्या सुसमाचार 6:55

क्याकि मेरो शरीर साँच्चि खान्या कुरणी हो रे रगत साँच्चि पिन्या कुरणी हो।

यूहन्नाले लेख्या सुसमाचार 8:36

तबइकिलाइ यदि तमन मलाइ स्वतन्त्र अद्दाइ अनुमति दिन्छौ भण्या, तब तमन साच्ची स्वतन्त्र हुन्या हौ।

प्रेरित 13:43

सभा सकिया पछा भौत यहुदि रे यहुदि धर्म माण्न्या मान्सन पावल रे बारनाबासइका पछा लाग्या, रे तिननले उननसित बोल्ला बोल्लाइ तिननलाइ परमेश्वरको अनुग्रहमी रइरया भणि बिन्ति अर्यो।

प्रेरित 14:22

रे शिष्याले हरेक गाउँका मान्सनको मनलाइ बनाउनाइ बिश्वासमि रइरनु पणन्छ भणि साहास दियो, रे भौत दुख कष्ट सइबर हामले परमेश्वरको राज्यमि पस्सु पणन्छ भणबर सिकायो।

प्रेरित 26:22

तर आजका दिन सम्म परमेश्वर बठेइ मइले सायता पाइराइछु। तबइकिलाइ नाना ठुला सबलाइ गवाही दिनोइ म कल्लिया छु। अगमबक्तानले रे मोशाको कानुन पक्‍का पुरा हुन्या हुन भण्न्या कुरणी बाहिक मइले और केइलगइ भण्या आथिन।

रोमी 11:22

तबइकिलाइ परमेश्वरको दया रे कठोरतालाइ ध्यानमि राख: पतन भयामि कडा ब्यहोरा, तर उनराइ दयामि रइरया भण्या तमनलाइ लगातार परमेश्वरको दया धेकाइन्या हो, नतित तमन लगइ काटिन्या हौ।

रोमी 2:7

धैर्यसित निका काम अरिबर महिमा, इज्जत रे अमरत्व खोज्ज्यालाइ परमेश्वरले अनन्त जीवन दिन्या हुन।

कलस्सी 1:23

तमन ख्रीष्टका बिश्वासमि अटल रे स्थिर हुनु पणन्छ, जसो एक घरको जग पखानमि बनाया हुन्छ, रे सुसमाचारमि बिश्वास अर्या हुनाले अइल तमनसित भया आसा जन छाड्ड। यो सुसमाचार संसारमी भया सब मान्सनलाइ प्रचार अरिया हो, रे म, पावल यो सुसमाचार प्रचार अद्य सेवक बन्या हु।

१ तिमोथी 2:15

तर स्वानिनले बालकलाइ जन्म दिया बठेइ रे जबसम्म तिनन ख्रीष्टमी लगातार बिश्वास अर्यो भण्या, और मान्सनलाइ प्रेम अर्यो भण्या, रे सुद्द रे उचित किसिमले ब्यबहार अर्यो भण्या परमेश्वरले तिननलाइ बचाउन्या हुन।

१ तिमोथी 4:16

तमनले जी सिकाउनछौ रे अरन्छौ तइका बारेमि होशियार बस। यिन कुरणीमि स्थिर रया भण्या परमेश्वरले तमन बठेइ तमन आफइलाइ रे तमनलाइ सुण्न्यालाइ न्याय बठेइ बचाउन्या हुन।

२ तिमोथी 3:14

तुइले हामले सिकाया कुरणीमि लगातार बिश्वास अददु पणन्छ, रे तुलाइ पक्‍का था छ कि यिन सत्य छन, क्याकि तु जाण्न छइ रे हाममि बिश्वास अद्द सकन्छइ, जइले यिन कुरणी तुलाइ सिकाया छु।

हिब्रु 3:14

यदि हामले हामरो पइल्ली अर्या बिश्वासमि हाम छाड्डीबार सम्म बलिया भया भण्या हाम ख्रीष्टसित सज्जा हकदार हुन्या हौ।

हिब्रु 8:9

यो करार तिनरा पुर्खासित मइले बाद्या करार जसो हुन्या आथिन, तइ बेला त मइले हात समाइबर तिननलाइ मिश्र देस बठेइ निकाल्या थ्या। मइले तिननसित बाद्या करार तिननले पालन अरेइन, तबइकिलाइ मइले तिनरो वास्ता अरेइन।

याकुब 1:25

तर त्यो मान्स जइले पाप बठेइ स्वतन्त्र अद्द्या सिद्द कानुनलाइ ध्यान दिबर लगातार पणन्छ रे सुण्या कुरणी भुल्लइन तर जी कानुनले सिकाउन्छ तेइ अरन्छ। इसेरि उइले अर्या काममी परमेश्वरले आशिस दिनाहान।

१ यूहन्ना 2:19

ख्रीष्ट बिरोधी मान्सन हामरा मण्डलि बठेइ निकलिबर गया हुन, क्याकि तिनन हामरा थेइन्न। यदि तिनन हाम जसाइ साचो बिश्वासि भया भयले हामसितइ रनेइथ्या, तर तिनन सब हामरा होइन्न भण्न्या कुरणी धेकाउनाइ तिनन हामरा मण्डलि बठेइ निकलिबर गया हुन।

१ यूहन्ना 2:24

तमनले ख्रीष्टमी बिश्वास अर्या बेला सुण्या सत्य बचन तमनका मनमि राखि राख। यदि तमनले सुण्या सत्य बचनमी तमन रया भण्या, तमन चेलो रे पिता परमेश्वरसित एकतामी रन्या हौ।

२ यूहन्ना 1:9

म तमलाइ यो भणउ, कि यदि कसइले आफ्ना बिचार बठेइ केइ थपन्छ रे ख्रीष्टले सिकायाको शिक्षामि लगातार बिश्वास अद्दाइन्न भण्या, उ परमेश्वरसितको संगतिमि हुनइन। जो ख्रीष्टले सिकायाको शिक्षामि लगातार बिश्वास अरन्छ भण्या, उ परमेश्वर रे उनरो चेलो येशू ख्रीष्ट सितको संगतिमि हुन्छ।