यूहन्नाले लेख्या सुसमाचार 7:15 - डोटेली नयाँ करार

¹⁵ यहुदिन अचम्म माण्नाइ यिसो भण्न पस्या, “केइ नपडेइ यिनले कसेरी इति बिद्या पायो?”

यूहन्नाले लेख्या सुसमाचार 7:15 ပူးပေါင်းရင်းမြစ်များ

मत्ती 13:54

पइ आफना सहरमि आया पछा उनले तिननलाइ तिनरा यहुदि सभाघरमी जाइबर सिकाउन पस्या, याँ सम्मकि तिनन सब छक्‍क पण्या रे इसो भण्न लाग्या “यइ मान्सले यिन सब ज्ञान काँ बठेइ रे एसो महान अचम्मका काम अद्द्या क्षमता पायो?

मत्ती 22:22

यो सुणिबर तिनन अचम्म पड्या, रे उनलाइ छाडिबर निय्या।

मत्ती 22:33

यो सुणिबर भिड उनरा शिक्षामि अचम्म पड्या।

लूका 2:47

सुण्न्या सब उनरो समज-सक्ति रे उनले दिया उत्तरमी छक्‍क पडन्थ्या।

लूका 4:22

सबले उनरो बडवाँइ अर्यो, रे उनरो मुख बठेइ निकल्या कृपापूर्ण बचनमी छक्‍क पड्या, रे तिननले भण्यो, “यिन योसेफका चेला होइन्न ब?”

यूहन्नाले लेख्या सुसमाचार 1:19

जब यरुशलेम सहर बठेइ यहुदि अगुवानले केइ यहुदि पुजारि रे मन्दिरको सेवामि सहयोग अद्द्या लेवि कुलकालाइ यूहन्ना को रइछ भणि सोद्दाइ पठायो, तब यूहन्नाको गवाही यो थ्यो।

यूहन्नाले लेख्या सुसमाचार 7:11

काजबारमि यहुदि उनलाइ खोज्जाथ्या, रे “उन काँ छन?” भणि सोद्दाथ्या।

यूहन्नाले लेख्या सुसमाचार 7:13

तर यहुदि मान्सनका डरले उनरा बारेमि कोइ खुला मनले बोलन्थेइन।

यूहन्नाले लेख्या सुसमाचार 7:46

पालेले भण्यो, “यइ मान्सले जसो त कसइ मान्सले कभइ बोलेइन।”

प्रेरित 26:24

पावलले आफ बाँच्चाइ यिन कुरणी बोल्ला बोल्लाइ ठुला हाकिम फेस्तसले जोरले भण्यो, “ए पावल, तु बौलिया हइ, तेरा भौत ज्ञानले तुलाइ बौलारि बनाइराइछ।”

प्रेरित 4:13

जब तिननले पत्रुस रे यूहन्ना साहससित बोल्या धेक्यो, रे यिन अनपड रे साधारण मान्स रइछन भणबर था पायो, तब तिनन अचम्म पड्या, रे यिन येशूसितइ रन्थ्या भण्न्या तिननले था पायो।