यूहन्नाले लेख्या सुसमाचार 6:11 - डोटेली नयाँ करार

¹¹ येशूले रोटा लैजाइबर स्वर्गतिर हेर्या रे परमेश्वरलाइ धन्यबाद दियो, तइ घासमि बस्या मान्स खान्ना भणिबर शिष्यालाइ बाणन्न लायो। माछा लगइ उनले सबलाइ बाँडिदियो।

यूहन्नाले लेख्या सुसमाचार 6:11 ပူးပေါင်းရင်းမြစ်များ

मत्ती 15:36

सात रोटा रे माछा हातमि समाइबर परमेश्वरलाइ धन्यबाद दिया पछा रोटा तोड्यो, रे शिष्यालाइ दियो, शिष्याले मान्सलाइ दियो।

लूका 24:30

जब येशू तिननसित खानाइ बस्या, उनले रोटा समाइबर आसिर्बाद दियो, रे तोडीबर तिननलाइ दिन लाग्या।

यूहन्नाले लेख्या सुसमाचार 21:10

येशूले तिननलाइ भण्यो, “तमनले अइल्लै समाया माछा बठेइ थोकाइ याँ ल्यास।”

यूहन्नाले लेख्या सुसमाचार 21:13

तब येशूले तिननलाइ रोटा दियो तसेरि माछा लगइ दियो।

यूहन्नाले लेख्या सुसमाचार 21:9

तब तिन किनारमी ओल्नज्या कोइलाको आगो रे तइ मल्तिर माछा राख्या रोटा धेक्यो।

यूहन्नाले लेख्या सुसमाचार 6:23

पइलगइ जाँ येशूले धन्यबाद दिबर रोटा ख्वायाथ्यो तसइ ठाउका नजिक तिवेरिया सहर बठेइ और ना ताँ आया।

यूहन्नाले लेख्या सुसमाचार 6:9

याँ एक केटो छ जइसित पाँच जौका रोटा रे दुइ नान नाना माछा छन। तर इति मान्सनका बिचइनि इतिले कि हुन्या हो?

प्रेरित 27:35

यिन कुरणी भण्या पछा पावलले रोटा समायो, रे सबका अगाडी परमेश्वरलाइ धन्यबाद दिइबर त्यो तोडबर खान पस्या।

रोमी 14:6

जइ मान्सले कसइ दिनलाइ बिसेस रुपले पालना अरन्छ, तइले प्रभुलाइ आदर धेकाउनाइ तसो अरन्छ। जइ मान्सले मासु लगइ खान्छ, तइले प्रभुका निउति खान्छ, क्याकि तइले परमेश्वरलाइ धन्यबाद दिन्छ। जइ मान्सले मासु खानइन तइले परमेश्वरको आदरको निउति खानइन रे परमेश्वरलाइ धन्यबाद दिन्छ।

१ कोरिन्थी 10:31

निचोडमि, म तमनलाइ भणनउ कि तमन खा अथवा पिय, अथवा तमन जी लगइ अर, सब परमेश्वरका महिमाका निउति अर।

१ थेसलोनिकि 5:18

सब परिस्थितिमि धन्यबाद दिय, क्याकि ख्रीष्ट येशूमि तमनकीलाइ परमेश्वरको इच्छा यइ हो।