यूहन्नाले लेख्या सुसमाचार 20:25 - डोटेली नयाँ करार

²⁵ तबइकिलाइ और शिष्याले तइलाइ भण्यो, “हामले प्रभुलाइ धेक्या।” तर तिनले उनलाइ भण्यो, “जबसम्म म उनरा किला ठोक्या हात रे कोखिका घामि औला हाल्लइन तब सम्म उन मर्या बठेइ जिउना भया छन भणी म बिश्वास अद्दैन।”

यूहन्नाले लेख्या सुसमाचार 20:25 ပူးပေါင်းရင်းမြစ်များ

मत्ती 27:42

“एइले औरलाइ त बचायो तर आफलाइ बचाउन सकेन। यो मान्स इस्राएल देशका ख्रीष्ट रे राजा हो, भण्या क्रुस बठेइ तलतिर ओलउ, रे हामले धेकु रे तममि बिश्वास अदद सकु।”

मर्कुस 16:11

पइ, मरियमले उनलाइ भणि, “येशू मर्या बठेइ जिउना भया हुन, रे मइले उनलाइ अइलइ धेक्या हु!” पइ शिष्याले सोच्यो, “यो सत्य हुन सक्दैन।”

मर्कुस 16:13

पछा जब तिननले था पायो, तिनन दुइ शिष्या और शिष्यालाइ भण्नाइलाइ यरुशलेम सहर फर्किबर गया, रे कसइले लगइ तिनमि भरोसा अरेन।

मर्कुस 16:14

तइ पछा येशू एघार जाना शिष्याका वाँ धेकिया, जब तिनन खाना खानाइ बसिरैथ्या, रे येशूले तिनलाइ हकार्यो क्याकि तिनन भौत जिद्दी थ्या, रे येशूलाइ मर्या बठेइ जिउना भया पछा धेक्दया मान्सनका कुरणीमि अबिश्वास अर्यो।

लूका 24:25

येशूले तिन दुइ शिष्यालाइ भण्यो, “ए मुर्ख मान्सन हो! पबित्र सास्त्रमि अगमबक्ताले लेख्या सब कुरणी बिश्वास अद्दाइ तमनलाइ भौत असजि लागन्छ।

यूहन्नाले लेख्या सुसमाचार 1:41

तइले पइल्ली आफ्नो भाइ सिमोनलाइ भेट्यो, रे उइलाइ भण्यो, “हामले मसिहलाइ (जइको अर्थ हो ख्रीष्ट) भेटिराइछौ”।

यूहन्नाले लेख्या सुसमाचार 20:27

तब उनले थोमालाइ भण्यो, “तेरा औला याँ राख, रे मेरा हात हेर तेरा हात याँ राख, रे मेरा कोखि समा पइ संका अद्द बन्द अर, रे बिश्वास अर कि म जिउनो छु।”

यूहन्नाले लेख्या सुसमाचार 21:7

पइ तइ प्यारो शिष्य जइलाइ येशूले भौत प्रेम अरन्थ्या, उइले पत्रुसलाइ भण्यो, “उन प्रभु हुन।” जब सिमोन पत्रुसले उन प्रभु हुन भण्न्या सुण्यो, तब उइले काम अरन्ज्या निकाल्या लत्ता कम्मर मणि बेरीबर तालइनि फट्टक हाल्यो।

यूहन्नाले लेख्या सुसमाचार 6:30

तबइकिलाइ तिननले उनलाइ भण्यो, “तम हामलाइ कि चिन्ह धेकाउन्या हो जइलाइ हाम धेक्द सकौ रे तममि बिश्वास अद्द सकौ? तम कि काम अद्द्या हो?

हिब्रु 3:12

बिश्वासि भाइन हो, होस अर्या, तमनमि हइ कसइमी भया दुष्ट रे अबिश्वासी हृदयले तमनलाइ जीवन दिन्या परमेश्वरलाइ इन्कार जन अरउ।

हिब्रु 3:18

जब परमेश्वरले कसम खाइबर यो घोषणा अर्यो कि तमन मइले दिन्या बिश्रामका ठाउँमि पस्स पाउन्या आथिनु, उनले तिन मान्सनका बारेमि भण्नाथ्या, जइले उनरो आज्ञापालन अद्द बठेइ इन्कार अर्याथ्यो।