यूहन्नाले लेख्या सुसमाचार 20:20 - डोटेली नयाँ करार

²⁰ इसो भणबर उनले तिननलाइ आफना हात रे कोखीको घा धेकायो रे प्रभुलाइ धेकिबर शिष्या खुशी भया।

यूहन्नाले लेख्या सुसमाचार 20:20 ပူးပေါင်းရင်းမြစ်များ

मत्ती 28:8

तइ पछा तिनन डर रे भौत आनन्दसित झट्ट चिहान बठेइ निकलिबर गया, रे उनरा शिष्यालाइ खबर दिनाइ दकुड्या।

यूहन्नाले लेख्या सुसमाचार 16:20

साँच्चि, म तमनलाइ भण्नउ, म मर्या पछा तमन रुन्या हौउ रे बिलाप अद्द्याहौउ, तर संसारका मान्सन रमाउन्या छन। जब तमन मलाइ जिउनो धेक्द्याछौ, तब तमरो सोक आनन्दमी बद्लिन्या हो।

यूहन्नाले लेख्या सुसमाचार 16:22

यिसेरी अइल तमनलाइ दु:ख हुन्या हो, तर म आजी तमनलाइ धेक्दे हु, रे तमन आनन्दित हुन्या हो। कसइले लगइ तमरो आनन्द तमन बठेइ खोसीबर लैन्या आथिन।

यूहन्नाले लेख्या सुसमाचार 19:34

तर सिपाहिमी हइ एकले उनरा कोखीमि भालाले गोद्यो रे उतनजेइ रगतइ रे पानी निकल्यो।

यूहन्नाले लेख्या सुसमाचार 20:25

तबइकिलाइ और शिष्याले तइलाइ भण्यो, “हामले प्रभुलाइ धेक्या।” तर तिनले उनलाइ भण्यो, “जबसम्म म उनरा किला ठोक्या हात रे कोखिका घामि औला हाल्लइन तब सम्म उन मर्या बठेइ जिउना भया छन भणी म बिश्वास अद्दैन।”

यूहन्नाले लेख्या सुसमाचार 20:27

तब उनले थोमालाइ भण्यो, “तेरा औला याँ राख, रे मेरा हात हेर तेरा हात याँ राख, रे मेरा कोखि समा पइ संका अद्द बन्द अर, रे बिश्वास अर कि म जिउनो छु।”

१ यूहन्ना 1:1

हाम एक जाना मान्सको बारेमि लेख्दाछु, जो परमेश्वरको बचन हो, जइले मान्सनलाइ साचो जीवन दिन्छ। उन संसार सुरु हुनाहइ पइल्ली बठेइ थ्या। तर आब हामले उनलाइ सुण्याछौ, उनलाइ धेक्याछौ, हामले उनलाइ हेर्या छौ रे हामरा हातले छोया छौ।