यूहन्नाले लेख्या सुसमाचार 19:42 - डोटेली नयाँ करार

⁴² तबइकिलाइ येशूको लासलाइ तइ चिहानमि राख्यो जाँ एक गुफा थ्यो, क्याकि त्यो नजिकै थ्यो रे त्यो दिन यहुदि मान्सनको बिश्रामदिनको तयारीको दिन थ्यो।

यूहन्नाले लेख्या सुसमाचार 19:42 ပူးပေါင်းရင်းမြစ်များ

मत्ती 12:40

क्याकि जसेरि योना ठुलो माछाका पेट भित्तर तीन दिन तीन रात थ्या, उसेरी म, मान्सको चेलो लगइ येइ पृथ्बीका भितर तीन दिन तीन रात रन्या हु।

यूहन्नाले लेख्या सुसमाचार 19:14

यो निस्तार काजबार तयारीको दिन थ्यो। तइ बेला दिनको बार बज्याथ्यो। पइ पिलातस हाकिमले यहुदि मान्सनलाइ भण्यो, “हेर तमरा राजा।”

यूहन्नाले लेख्या सुसमाचार 19:20

तब भौत यहुदि मान्सनले यो दोषपत्र पढयो क्याकि येशू क्रुसमि टाङिया ठाउ यरुशलेम सहर नजिकै थ्यो। त्यो दोषपत्र ग्रीक भासामि, हिब्रु भासामि रे ल्याटिन भासामि लेखिराइथ्यो।

यूहन्नाले लेख्या सुसमाचार 19:31

त्यो दिन तयारीको दिन थ्यो, रे अर्खा दिन बिश्राम दिन रे निस्तार काजबार थ्यो। त्यो यहुदि मान्सनको निउति दिन ठुलो दिन थ्यो, तिनन चाहान्थेइन कि त्यो ठुलो दिनमि लास क्रुसमि रइरउ। तबइकिलाइ तिननले पिलातस हाकिमलाइ भण्यो कि तिन मान्सनको खुट्टा तोडीदेउ ताकि तिनरो मृत्यु छिटाइ हउ रे तिनरा लास तल्तिर लैजाउन।

यूहन्नाले लेख्या सुसमाचार 19:41

उन क्रुसमि टाँङिएका ठाउँमि एक बगैचा थ्यो, त्यो बगैचामि कभइ कोइ लास नराखिया नयाँ चिहान थ्यो।

प्रेरित 13:29

रे उनरा बारेमि पबित्र सास्त्रमि लेखिया सब कुरणी पुरा अर्या पछा तिननले उनलाइ क्रुस बठेइ निकालिबर चिहानमि राख्यो।

१ कोरिन्थी 15:4

उन गाडिया रे पबित्र सास्त्र अन्सार तेसरा दिनमि उन मर्या बठेइ जिउना भया।

कलस्सी 2:12

जब तमरो बप्तिस्मा भयो, यइले धेकाउछ कि तमरो पापमय स्वभाव गाणिया जसेरि ख्रीष्ट गाणिया थ्या, रे तमन नयाँ स्वभावमि उठ्या जसेरि ख्रीष्ट मर्या बठेइ उठ्या। यो भयो क्याकि तमन यो बिश्वास अरन्छौ कि परमेश्वरले आफ्नो सक्ति बठेइ ख्रीष्टलाइ मर्या बठेइ जिउना बनायो।