यूहन्नाले लेख्या सुसमाचार 19:4 - डोटेली नयाँ करार

⁴ तब पिलातस हाकिमले बाइर निकलिबर तिननलाइ भण्यो, “हेर, म यिनलाइ तमरा वाँ बाइर ल्याउन्ना छु, रे तमनलाइ जणाउन चाहानौ, कि म यिनमि केइ दोस पाउनइन।”

यूहन्नाले लेख्या सुसमाचार 19:4 ပူးပေါင်းရင်းမြစ်များ

मत्ती 27:19

पिलातस न्याय आसनमी बस्या बेला तिनरि स्वानिले इसो खबर पठायो कि तइ निर्दोष मान्सलाइ केइ जन अर्या, क्याकि आज सपनामि मइले तिनरा लाग्दा भौत दु:ख भोगेइ छु।

मत्ती 27:24

पइ पछा केइ सिप नलाग्या धेकिबर खैलाबैला मच्चिन्छ भण्न्या डरले पिलातस हाकिमले पानी ल्याइबर भिडका अगाडीतिर आफ्ना हात धोइबर भण्यो, “यो तमरो दोस हो! म येइ मान्सका रगत बठेइ निर्दोष छु”।

मत्ती 27:4

रे भण्यो, “मइले निर्दोष मान्सलाइ माद्दाइलाइ धोका दिबर ठुलो पाप अर्या।” तर तिननले भण्यो, “हामलाइ कि मतलब आफइ जाण।”

मत्ती 27:54

जब सुबेदार रे उनसित येशूलाइ पहरा दिन्यावालनले भुइँचालो रे ताँ भाएका घटना धेक्यो तब भौत डराइबर इसो भण्यो साँच्चि यिन त परमेश्वरका चेलो रइछन।

लूका 23:4

तब पिलातस हाकिमले यहुदि मुख्य पुजारिन रे भिडलाइ भण्यो, “म इन मान्समि केइलगइ दोस भेटाउनइन।”

लूका 23:41

हामरो दण्ड त न्यायोचित छ, क्याकि हामले त हामरो कामको उचित फल भोग्या छौ, तर यिन मान्सले त केइ अनुचित काम अर्या आथिनन।”

लूका 23:47

यो सब घटना धेकिबर कप्तानले यिसो भण्नाइ परमेश्वरको महिमा अर्यो, निश्चय नइ यिन धर्मि मान्स थ्या।

यूहन्नाले लेख्या सुसमाचार 18:33

तब पिलातस हाकिमले आजी महल भित्तर बोलाइबर येशूलाइ सोध्यो, “कि तम यहुदि मान्सनका राजा हौ?”

यूहन्नाले लेख्या सुसमाचार 18:38

पिलातस हाकिमले सोध्यो, “सत्य कि हो?” इसो भणबर उन आजी यहुदि अगुवानका वाँ गया रे भण्यो, “म येइ मान्समि एक लगइ दोस पाउनइन।”

यूहन्नाले लेख्या सुसमाचार 19:6

जब यहुदि मुख्य पुजारि रे मन्दिरका चौकिदारले उनलाइ धेक्यो, तिनन यिसो भण्न्नाइ कला हाल्ल पस्या, “तइलाइ क्रुसमि मारीदिय।” पिलातस हाकिमले तिननलाइ भण्यो, “तमनइ तइलाइ क्रुसमि मारीदिय, क्याकि म यिनमि केइ दोस पाउनइन!”

२ कोरिन्थी 5:21

ख्रीष्टमी पाप थेइन, तर परमेश्वरले उनलाइ हामरा पापमि सहभागी बनायो। परमेश्वरका नजरमि हाम धर्मि बन्न सकउ भणबर ख्रीष्टले हामरा पापको दण्ड लियो।

हिब्रु 7:26

येशू हामलाइ चाइयाको यहुदि प्रधान पुजारिका राजा हुन। उन पबित्र, निर्दोष, सुद्द रे परमेश्वरले उनलाइ पापी मान्सन बठेइ छुटाइबर सब भण्ना मल्तिर स्वर्गमि बसायो।

१ पत्रुस 1:19

तर ख्रीष्टको बहुमुल्य रगतले, जो सुद्द रे सिद्द भेडा जसा थ्या।

१ पत्रुस 2:22

पबित्र सास्त्र मा लेखिया छ, “उनले कभइ पाप अरेइन। उनले कभइ केइ झुट बोलेइन।”

१ पत्रुस 3:18

म इसो भणनउ क्याकि हमरा पापका लाग्दा ख्रीष्टले लगइ कष्ट भोग्यो रे मर्या। उन एक बेर मान्तर मर्या रे यइलाइ दोसर्याउनु आवश्यक आथिन। उन एक परमेश्वरका नजरमि ठीक मान्स थ्या, जो पापी मान्सनकि निउति मर्या ताकि उनले हामलाइ परमेश्वरको नजिक ल्याउन सक्या हो। तिननले उनरो शरीरलाइ मार्यो, तर, उनरो आत्मा जिउनोइ छ।

१ यूहन्ना 3:5

येशू ख्रीष्ट यइ संसारमी हमले अद्द्या पापको दण्ड हरण अद्दाइकिलाइ आया हुन भण्नया कुरणी तमन जाँणन्छौ, रे उनले कभइ पाप अद्दाइन।