यूहन्नाले लेख्या सुसमाचार 19:20 - डोटेली नयाँ करार

²⁰ तब भौत यहुदि मान्सनले यो दोषपत्र पढयो क्याकि येशू क्रुसमि टाङिया ठाउ यरुशलेम सहर नजिकै थ्यो। त्यो दोषपत्र ग्रीक भासामि, हिब्रु भासामि रे ल्याटिन भासामि लेखिराइथ्यो।

यूहन्नाले लेख्या सुसमाचार 19:20 ပူးပေါင်းရင်းမြစ်များ

लूका 23:38

यो “यहुदिका राजा।” भण्न्या येशूका मुन्टाका मल्तिर दोषपत्र टाङयाथ्यो।

यूहन्नाले लेख्या सुसमाचार 19:13

पइ पिलातस हाकिमले यो सुण्यो, उनले येशूलाइ बाइर लेया रे उ न्याय आसनमी बस्यो जो “ढुङ्गाका पाटि” भणिन्या ठाउँमि थ्यो। यइलाइ हिब्रु भासामि गब्बथा भणिन्छ।

यूहन्नाले लेख्या सुसमाचार 19:42

तबइकिलाइ येशूको लासलाइ तइ चिहानमि राख्यो जाँ एक गुफा थ्यो, क्याकि त्यो नजिकै थ्यो रे त्यो दिन यहुदि मान्सनको बिश्रामदिनको तयारीको दिन थ्यो।

यूहन्नाले लेख्या सुसमाचार 5:2

यरुशलेम सहरमि भेडा नाउँ भया ढोका नजिकै पाँच पाखो भया दलानले घेर्या एक जल कुण्ड रइछ, जइलाइ हिब्रु भासामि बेथस्दा भणिन्छ।

प्रेरित 21:37

पावल सिपाइन बस्या ठाउँ भित्तर लैजान्ज्या पावलले रोमी हाकिमलाइ भण्यो, “हजुर, तमरो आज्ञा भयले म केइ भण्न चाहानाउ।” रोमी हाकिमले भण्यो, “कि तुलाइ ग्रीक भासा बोल्ल आउन्छ?

प्रेरित 21:40

जब उनले तिनलाइ बोल्या आज्ञा दियो, तब पावलले सिढिमि चणिबर मान्सनलाइ हातले सान्त बस भणि इसारा अर्यो, रे मान्सन बिलकुल सान्त भया पछा उनले यिसो भणबर तिननसित हिब्रु भासामि बोल्या।

प्रेरित 22:2

पावलले हिब्रु भासामि बोल्या सुणिबर तिनन आजी चुप लाग्या।

प्रेरित 26:14

रे हाम सब जमिनमी लोट्या, तब हिब्रु भासामि मलाइ यिसो भण्न्या आवाज मइले सुण्या, ‘शाउल, शाउल, तु क्याइ मलाइ सताउनाछइ? मलाइ दु:ख दिन्या केशिस अरिबर, सुयामि लात्ती हाण्या जसेरि तु आफइलाइ दु:ख दिन्नाछइ।’”

हिब्रु 13:12

तबइकिलाइ येशूले लगइ उनरो आफनाइ रगत बठेइ मान्सलाइ पबित्र अराउनाइ यरुशलेम सहर भण्ना बाइर उनले कष्ट भोग्यो रे मर्या।

प्रकाश 9:11

तिनरो एक राजा छ जइले तिननमि सासन अददाछ, जो अतल कुण्डको दुत हो। हिब्रु भासामि तइको नाउँ एबाड्डोन रे ग्रीक भासामि तइको नाउँ अपोल्लियोन हो, जइको अर्थ उ जसले नष्ट पणन्छ।