यूहन्नाले लेख्या सुसमाचार 16:25 - डोटेली नयाँ करार

²⁵ यिन कुरणी मइले तमनलाइ कथामि भणिराइछु। तर समय आउनाछ, जब म तमनसित आजी कथामि बोल्ल्या आथिन, तर पिताको बारेमि तमनलाइ सफासित बताउनउ।

यूहन्नाले लेख्या सुसमाचार 16:25 ပူးပေါင်းရင်းမြစ်များ

मर्कुस 4:13

पछा येशूले तिनलाइ भण्यो, “तम यइ काहानीको अर्थ बुज्जानु भण्या और काहानि को अर्थ लगइ बुज्जया होनु?

मर्कुस 4:34

जब येशू मान्सलाइ परमेश्वरको राज्यका बारेमि भणन्थ्या उन सदाइ काहानीको प्रयोग अरन्थ्या। तर जब उन शिष्यासित एकलाइ हुन्थ्या, उन सब कुरणी ब्याख्या अर्नथ्या।

मर्कुस 8:32

यिसेरी उनले यिन कुरणी खुलस्त भण्यो। तर येशूले आफ्नो दु:ख रे मद्या बारेमि कुरणी अर्या हुनाले पत्रुसले उनलाइ एकतिर लैजाइबर हकाद्द पस्यो।

यूहन्नाले लेख्या सुसमाचार 10:24

यहुदि अगुवानले उनरा चारै तिर जमा होइबर सोध्यो, “तम हामलाइ भौत समय सम्म दोधारमि राख्दाछौ। तम ख्रीष्ट हउ भण्या हामलाइ खुलस्त भणिदिय?”

यूहन्नाले लेख्या सुसमाचार 10:6

येशूले तिननलाइ यो काहानि भण्यो, तर उनले तिननलाइ भण्या कुरणीको अर्थ तिननले बुजेइन।

यूहन्नाले लेख्या सुसमाचार 16:12

मइले तमनलाइ आजी भौत कुरणी भण्न चाहानउ, तर अइल तमन तिन कुरणी बुज्जु सक्दाहान।

यूहन्नाले लेख्या सुसमाचार 16:2

तिननले तमलाइ यहुदि सभाघर बठेइ निकाल्दिन्या हुन। वास्तवमि यिसो समय आउनाछ, जब तमनलाइ हत्या अद्द्याले परमेश्वरको सेवा अद्दउ भणि माणन्छ।

यूहन्नाले लेख्या सुसमाचार 16:32

हेर, समय आउनाछ, साँच्चीमि आइय्यो, जब तमन छाडिबर आफना ठाउँमि जान्छौ रे मलाइ एकलोइ छाडन्छौ। पइलगइ म एकलो आथिन, क्याकि पिता मसित छन।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।