यूहन्नाले लेख्या सुसमाचार 16:23 - डोटेली नयाँ करार

²³ तइ समय तमनले मलाइ केइ सोद्द्या होनु। साँच्चि, म तमनलाइ भण्नउ, तमनले पितालाइ मेरा नाउँमि जी मागला त्यो उनले तमनलाइ दिन्या छन। क्याकि तमन मेरा शिष्या हौ।

यूहन्नाले लेख्या सुसमाचार 16:23 ပူးပေါင်းရင်းမြစ်များ

मत्ती 21:22

बिश्वास अरिबर जी प्रार्थनामि परमेश्वर बठेइ जी मागन्छौ, त्यो पाइराइछौ भण्न्या परमेश्वरमि बिश्वास राख तमनले पाउन्या हौ।”

मत्ती 7:7

“माग, तमनलाइ दिइन्या हो। खोज रे तम पाउन्या हौ, ढकढक अर तमरा निउति उगाड्या हो।

यूहन्नाले लेख्या सुसमाचार 14:20

जब म जिउनो भइबर आउन्या हु तइ दिन तमन जाण्न्या हौ कि म मेरा पितामि छु, रे तमन ममि रे म तमनमि छु।

यूहन्नाले लेख्या सुसमाचार 14:22

यहूदाले (इस्करियोत होइन) उनलाइ भण्यो, “प्रभु, तमले कि भण्या हौ, तम आफइलाइ हाममि प्रकट अरन्छौ, रे संसारका मान्सनलाइ होइन?”

यूहन्नाले लेख्या सुसमाचार 14:5

थोमाले येशूलाइ भण्यो, “हे प्रभु, तम काँ जान्ना छौ, हाम जाण्नाइन पइ हामले बाटो कसेरी पछेण्नु?”

यूहन्नाले लेख्या सुसमाचार 15:7

तमन ममि रया रे मेरा शिक्षा तमनसित रया भण्या तमन जी चाहान्छौ त्यो माग रे त्यो तमनका निउति दिइन्या हो।

यूहन्नाले लेख्या सुसमाचार 16:19

तिननले उनलाइ सोद्दाइ मन अरिराइछ भण्या येशूलाइ था होइय्यो, रे उनले भण्यो, “थोकाइ बेर तमन मलाइ धेक्द्या होनु, तर थोकाइ बेर पछा मलाइ आजी धेकन्छौ भण्नेइ कुरणीको अर्थ कि रइछ भण्न्या बारेमि कि तमन आपसमी बहस अद्दाछौ?

यूहन्नाले लेख्या सुसमाचार 16:26

तइ समय तमन मेरा अधिकार बठेइ पितासित मागन्छौ। म तमरा निउति पितासित प्रार्थना अरिदिनु पडइन।

यूहन्नाले लेख्या सुसमाचार 16:30

आब हामले बुज्या, तम सब कुरणी जाणन्छौ, रे तमलाइ कसइले सोद्दाइ जरुडी आथिन, तबइलाइ हाम बिश्वास अद्दाउ, कि तम परमेश्वर बठेइ आया हउ।”

एफिसी 2:18

क्याकि ख्रीष्ट बठेइ हाम सब एकइ पबित्र आत्मा बठेइ परमेश्वर पिताका वाँ आउन सक्दाउ।

१ यूहन्ना 2:1

तमन जो मेरा प्यारा बालक जसाइ छौ, तमनले पाप जन अर भणबर म तमनलाइ यिन कुरणी लेख्दाछु। तर कसइ मान्सले पाप अरन्छ भण्या लगइ पिता परमेश्वरसित हामरो सहयोग अद्द्या एक जाना छन रे जइले हामरो पाप क्षमा अद्दाइलाइ बिन्ति अरन्छ, त्यो मान्स येशू ख्रीष्ट हुन, जो परमेश्वर अगाडी पूरारुपमी ठीक छन।