यूहन्नाले लेख्या सुसमाचार 16:19 - डोटेली नयाँ करार

¹⁹ तिननले उनलाइ सोद्दाइ मन अरिराइछ भण्या येशूलाइ था होइय्यो, रे उनले भण्यो, “थोकाइ बेर तमन मलाइ धेक्द्या होनु, तर थोकाइ बेर पछा मलाइ आजी धेकन्छौ भण्नेइ कुरणीको अर्थ कि रइछ भण्न्या बारेमि कि तमन आपसमी बहस अद्दाछौ?

यूहन्नाले लेख्या सुसमाचार 16:19 ပူးပေါင်းရင်းမြစ်များ

मत्ती 6:8

तबइकिलाइ तिनन जसा जन हौ। क्याकि तमनले पितासित माग्दा हइ पइल्ली तमनलाइ कि-कि चिजको खाँचो छ, त्यो उन जाण्नाहान।”

मत्ती 9:4

येशूले तिनरो बिचार बुजिबर भण्यो, “तमन क्यालाइ आफना हृदयमि खराब बिचार अद्दाछौ?”

मर्कुस 9:32

तर तिननले उनले भणेइ कुरणी बुजेइन रे डरले सोद्द सकेइन।

यूहन्नाले लेख्या सुसमाचार 13:33

“हे मेरा प्यारा नाना बालक हो म तमनसित अझै केइ बेर छु। तमन मलाइ खोज्जया हो, तर तमनले मलाइ पाउन्या होइनु। मइले यहुदि अगुवानलाइ भण्या जसेरि तमनलाइ लगइ भण्नउ, ‘म जाँ जान्ना छु ताँ तमन आइ सक्दानु।’

यूहन्नाले लेख्या सुसमाचार 14:19

आब केइ समय पछा संसारले मलाइ कभइ धेक्द्या आथिन, तर तमन मलाइ धेकन्छौ। क्याकि म आजी जिउनो हुन्या हु, रे तबइकिलाइ तमन लगइ जिउना हुन्या हौ।

यूहन्नाले लेख्या सुसमाचार 16:16

थोकाइ बेर पछा तमनले मलाइ धेक्द्या होनु, तर थोकाइ बेर पछा आजी मलाइ धेकन्छौ।

यूहन्नाले लेख्या सुसमाचार 16:18

तिननले भण्यो, “उनले ‘थोकाइ बेर’ भण्या कि हो? हाम जाँण्नाइन, उन कि भण्ना छन।”

यूहन्नाले लेख्या सुसमाचार 16:23

तइ समय तमनले मलाइ केइ सोद्द्या होनु। साँच्चि, म तमनलाइ भण्नउ, तमनले पितालाइ मेरा नाउँमि जी मागला त्यो उनले तमनलाइ दिन्या छन। क्याकि तमन मेरा शिष्या हौ।

यूहन्नाले लेख्या सुसमाचार 16:26

तइ समय तमन मेरा अधिकार बठेइ पितासित मागन्छौ। म तमरा निउति पितासित प्रार्थना अरिदिनु पडइन।

यूहन्नाले लेख्या सुसमाचार 16:30

आब हामले बुज्या, तम सब कुरणी जाणन्छौ, रे तमलाइ कसइले सोद्दाइ जरुडी आथिन, तबइलाइ हाम बिश्वास अद्दाउ, कि तम परमेश्वर बठेइ आया हउ।”

यूहन्नाले लेख्या सुसमाचार 21:17

उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ।

यूहन्नाले लेख्या सुसमाचार 6:61

तर यइ बिसयमि आफना शिष्या गनगनाया भणि येशूले आफना मनमि था पाइबर तिननलाइ भण्यो, “कि यइ कुरणीले तमनलाइ ममि बिश्वास अद्दाइ रोक्दा छ?

यूहन्नाले लेख्या सुसमाचार 7:33

येशूले भण्यो, “आजी केइ समय सम्म म तमनइ सित छु, तइ पछा म मलाइ पठाउन्या वाँ फर्किबर जान्या हु।

हिब्रु 4:13

परमेश्वरका दृष्टिमि कोइ मान्स लुक्या आथिन। रे उनइ हुन, जसलाइ हामले जीवन भरि अर्या सब कामको लेखा दिनु पड्डया हो। उनरा अगाडी सब कुरणी स्पष्ट रे खुला छन।

प्रकाश 2:23

म तइका शिक्षालाइ पछ्याउन्या लाइ माद्द्या हु। रे सब मण्डलिले था पाउन्या छन कि म उइ हु जइले सबका बिचार रे आसयलाइ जाँच अरन्छ, रे म तमन हरेकलाइ तमनले अर्या काम अन्सार सबलाइ प्रतिफल दिन्या हु।