यूहन्नाले लेख्या सुसमाचार 13:21 - डोटेली नयाँ करार

²¹ जब येशूले यिन कुरणी भण्यो तब उन आत्मामी ब्याकुल भया रे आफ्ना शिष्यालाइ भण्यो, “साँच्चि, म तमनलाइ भण्नउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

यूहन्नाले लेख्या सुसमाचार 13:21 ပူးပေါင်းရင်းမြစ်များ

मत्ती 26:21

उन सब खान्नार्या बेला उनले भण्यो, “साँच्चि, म तमनलाइ भणनउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

मत्ती 26:38

तब उनले तिननलाइ भण्यो, “म भौत ब्याकुल छु, इसो हुन्नाछ, म मारिन्या हु, तम याँइलाइ होउ रे जागा बस।”

मर्कुस 14:18

जब उन बसिबर खाना खान्या बेला येशूले भण्यो, “साँच्चि, म तमनलाइ भणनउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

मर्कुस 3:5

उनले वलतिर पलतिर सब ठाउँ हेर्यो उन रिसाया रे उदास भया क्याकि उन सब सहमत भयइन रे तइ मान्सलाइ भण्यो, “तेरो हात सिदा अर।” तइ लुलो मान्सले येशूतिर आफ्नो हात लइय्यो रे त्यो निको भयो।

यूहन्नाले लेख्या सुसमाचार 11:33

जब येशूले तइलाइ रून्नारएइ रे तइसित आउन्या यहुदि मान्सन लगइ रुन्नारया धेक्यो, तब उन बड्ताइ ब्याकुल भया रे भौत दुःखित भया

यूहन्नाले लेख्या सुसमाचार 11:35

येशू रोया।

यूहन्नाले लेख्या सुसमाचार 11:38

तब येशू आजी भौत ब्याकुल होइबर चिहानमि गया। रे त्यो चिहान एक गुफा थ्यो, तइको मुख ठुला ढुंगाले ढाकिराइथ्यो।

यूहन्नाले लेख्या सुसमाचार 12:27

आब म भौत ब्याकुल होइरइ छु, रे म कि भणु? ‘हे मेरो पिता, मलाइ यइ दुख बठेइ बचा?’ होइन, म यइ संसारमी यइउइले आया हु कि दुख उठाउ।

यूहन्नाले लेख्या सुसमाचार 13:18

“मइले तमन सबका बिसयमि भण्या होइन, जइलाइ मइले चुन्या तिननलाइ म जानउ। तर यिन कुरणी यइ उइले भइरइछ कि पबित्र सास्त्रमि जी लेखिया छ त्यो पुरा होउ, ‘जइले मसित रोटी खान्छ उसइले मलाइ धोका दिन्या हो।’

यूहन्नाले लेख्या सुसमाचार 13:2

येशू रे येशूका शिष्या बसाइतक खाना खान्नाथ्या। सैतानले पइल्ली बठेइ येशूलाइ धोका दिनाइलाइ सिमोनको चेलो यहूदा इस्करियोतका मनमि येशूलाइ पकडाइ दिन्या मन हालि सक्या रैछ।

यूहन्नाले लेख्या सुसमाचार 13:22

पइ उनले कइका बिसयमि भण्या हो भणबर शिष्याले एक अर्खालाइ मुख तकातक अर्यो।

प्रेरित 17:16

पावलले तिननलाइ एथेन्स सहरमि पखिरइथ्या, त्यो सहर मुर्ति मुर्तिले भरिया धेकिबर तिनरो मन भौत दुःखी भयो।

१ यूहन्ना 2:19

ख्रीष्ट बिरोधी मान्सन हामरा मण्डलि बठेइ निकलिबर गया हुन, क्याकि तिनन हामरा थेइन्न। यदि तिनन हाम जसाइ साचो बिश्वासि भया भयले हामसितइ रनेइथ्या, तर तिनन सब हामरा होइन्न भण्न्या कुरणी धेकाउनाइ तिनन हामरा मण्डलि बठेइ निकलिबर गया हुन।