यूहन्नाले लेख्या सुसमाचार 11:42 - डोटेली नयाँ करार

⁴² मलाइ थाहा छ, कि तम मेरो बिन्ति सदाइ सुणन्छौ। तर याँ कलिया भिडका खातिर मइले यो जोरले भण्या हु, कि तमले मलाइ पठाया हउ भणि तिननले बिश्वास अरुन।”

यूहन्नाले लेख्या सुसमाचार 11:42 ပူးပေါင်းရင်းမြစ်များ

मत्ती 26:53

तु कि जाणन्छइ, कि म आफना पितालाइ बिन्ति अद्द सक्दैन, रे उनले उतन्जेइ स्वर्गदुतका बार पल्टन हइ बड्ता मेरा निउति पठाउनाइन्न ब?

यूहन्नाले लेख्या सुसमाचार 11:22

तर म जाण्नउ, कि तमले परमेश्वरसित जी मागन्छौ, परमेश्वर तमलाइ दिनाहान।”

यूहन्नाले लेख्या सुसमाचार 11:31

घरमि तिनलाइ सान्त्वना दिनाइ आया यहुदि मान्सनले मरियम झट्ट उठीबर गया धेकिबर, त्यो चिहानमि रुनाइ गएइ हो भणि सम्जिबर तइका पछा लाग्या।

यूहन्नाले लेख्या सुसमाचार 11:43

पइ यिन कुरणी भण्या पछा उन जोरले बोल्ल पस्या, “लाजरस, बाइर निकलिबर आइ।”

यूहन्नाले लेख्या सुसमाचार 12:11

क्याकि भौत यहुदि मान्सनले तिननलाइ इन्कार अद्दाथ्या रे येशूमि बिश्वास अद्दाथ्या।

यूहन्नाले लेख्या सुसमाचार 12:17

उनले लाजरसलाइ चिहान बठेइ बोलाइबर मर्या बठेइ जिउनो पाड्यो, रे उनसित भया भिडका मान्सनले उनरो गवाही दिनाइ रया।

यूहन्नाले लेख्या सुसमाचार 17:21

कि तिनन सब एकइ होउन। हे पिता, जसेरि तम ममि छौ, रे म तममि, तसेरि तिनन लगइ हाममि एकइ होउन, रे तमले मलाइ पठाया भणिबर संसारका मान्सनले बिश्वास अरुन।

यूहन्नाले लेख्या सुसमाचार 17:25

हे धार्मिक पिता, संसारका मान्सनले तमलाइ पछेण्नइन, तर म तमलाइ पछेण्नउ, पइ तमले मलाइ पठाया हउ भणि शिष्या जाण्नाहान।

यूहन्नाले लेख्या सुसमाचार 17:8

क्याकि जइ शिक्षा तमले मलाइ दिया, मइले तिननलाइ दिइराइछु, रे तिननले तिन शिक्षा स्वीकार अरिराइछ। म तम बठेइ आया हु भण्न्या तिननले साँच्चि जाणिराइछ, पइ तमले मलाइ पठाया हौ भणि तिननले बिश्वास अर्या छन।

यूहन्नाले लेख्या सुसमाचार 20:31

तर इसो लेखिया छ, कि येशूइ परमेश्वरको चेलो ख्रीष्ट हुन भणबर तमन उनमी बिश्वास अद्द सक रे बिश्वास अरिबर उनरा नाउँमि अनन्त जीवन पाओस।

यूहन्नाले लेख्या सुसमाचार 3:17

क्याकि परमेश्वरले संसारलाइ दोषि ठहराउनाइ भणि चेलालाइ संसारमी पठाएइन, तर संसार उन बठेइ बच्च सकउ भणबर पठायो।

यूहन्नाले लेख्या सुसमाचार 8:16

पइलगइ मइले न्याय अरेले मेरो अर्या न्याय सत्य हुन्छ, क्याकि न्याय अद्द्या म एकलो हैन, तर मलाइ पठाउन्या पिता मसित छन।

यूहन्नाले लेख्या सुसमाचार 8:29

जइले मलाइ पठायो उन मसित छन। पिताले मलाइ एकलोइ छाड्या आथिन क्याकि उनलाइ सदाइ खुशी पाड्डया कुरणी म सदाइ अद्दउ।”

यूहन्नाले लेख्या सुसमाचार 8:42

येशूले तिननलाइ भण्यो, “यदि परमेश्वर तमरा पिता भया भयले तमनले मलाइ प्रेम अद्देइन्थ्या क्याकि म परमेश्वर बठेइ आया हु। म आफइ बठेइ आया होइन, तर उनले मलाइ पठायाको हो।

रोमी 8:3

क्याकि कानुनले अद्द नसक्या कुरणी परमेश्वरले अर्यो, रे हमरा पापी स्वभाबले कानुनलाइ कमजोर बनायो। उनले आफ्ना चेलोलाइ मानब सरीरमि पठायो, रे उनले ख्रीष्टको शरीरलाइ बलिदान अरिबर पापको न्याय अर्यो।

गलाती 4:4

तर जब ठीक समय आयो तब परमेश्वरले आफना चेलोलाइ यइ संसारमी पठायो, उनलाइ एक स्वानिले जन्म दियो, रे उन यहुदि मान्सका रुपमि जनम्या रे मोशाको कानुन पालन अर्यो।

हिब्रु 5:7

येशू आफना संसारिक जीवनमी हुनज्या आफलाइ मर्या बठेइ बचाउन सक्द्या परमेश्वरसित रुनाइ आउस बगाइबर बिन्ति रे प्रार्थना चडायो। क्याकि उन नम्र रे भक्ति अद्द्या भया हुनाले परमेश्वरले उनरो प्रार्थना सुण्यो।

हिब्रु 7:25

तबइकिलाइ येशू बठेइ परमेश्वरका नजिक आउन्यालाइ उनले सदाइ बचाउन सक्दाहान। क्याकि तिननकी निउति मद्यस्थताको प्रार्थना चडाउनाइ उन सदाइ जिउना रनाहान।

१ यूहन्ना 4:14

हामले चेलोलाइ धेक्याछौ रे गवाही दिनाउ कि पिता परमेश्वरले आफना चेलोलाइ संसारका मान्सनका निउति मुक्तिदाताका रुपमि पठाया छन।