यूहन्नाले लेख्या सुसमाचार 11:28 - डोटेली नयाँ करार

²⁸ इति भणबर त्यो निगइ, रे आफ्नि बैनि मरियमलाइ बोलाइबर खुसुक्‍क भणि, “गुरुज्यू, पुग्ग्या, रे तुलाइ बोलाउन्ना छन।”

यूहन्नाले लेख्या सुसमाचार 11:28 ပူးပေါင်းရင်းမြစ်များ

मत्ती 26:18

उनले भण्यो, “सहरमि एक जाना मान्सका वाँ जा, रे तइलाइ भण, गुरु जी भण्नाहान कि त्यो व्यवस्थित पाउना कोठा काँ छ जा म लगइ आफना शिष्यासित निस्तार काजबारको भोज खान्या हु?”

मर्कुस 10:49

तब येशू ठम्म कलिया रे ताँ आसपास भएका मान्सलाइ भण्यो, “तइलाइ बोला।” पइ तिननले तइ कानालाइ यिसो भणि बोलायो, “हिम्मत अर, उठ, येशू तुलाइ बोलाउना छन।”

मर्कुस 14:14

जइ घरमि उ पसन्छ, तेइ घरका मालिकलाइ तम भण: गुरु जी भण्नाहान कि त्यो व्यवस्थित पाउना कोठा काँ छ जा म लगइ आफना शिष्यासित निस्तार काजबारको भोज खान्या हु?

लूका 22:11

रे तम उसैका पछा लाग्या। जइ घरमि उ पस्याछ, तइ घरका मालिकलाइ तम भण: गुरु जी भण्नाहान कि त्यो व्यवस्थित पाउना कोठा काँ छ जा म लगइ आफना शिष्यासित निस्तार काजबारको भोज खान्याहु?

यूहन्नाले लेख्या सुसमाचार 1:41

तइले पइल्ली आफ्नो भाइ सिमोनलाइ भेट्यो, रे उइलाइ भण्यो, “हामले मसिहलाइ (जइको अर्थ हो ख्रीष्ट) भेटिराइछौ”।

यूहन्नाले लेख्या सुसमाचार 1:45

फिलिपले नथानेललाइ भेटाइबर भण्यो, “हामले तइ मान्स भेटिराइछौ, जइका बारेमि मोशाको कानुनमी रे अगमबक्ताले लगइ लेखिराइथ्यो। उ नासरत गाउँका योसेफको चेलो येशू हो”।

यूहन्नाले लेख्या सुसमाचार 10:3

गोठको चौकिदारले उइका निउति ढोका खोल्दिन्छ, रे भेडाले उइको डाको पछेण्नाहान, रे उइले आफना भेडाको नाउँ भणबर बोलाउछ, रे तिननलाइ बाइर लैजान्छ।

यूहन्नाले लेख्या सुसमाचार 11:20

येशू आउन्ना छन भण्न्या सुणिबर मार्था निगइ रे उनलाइ भेट्यो। तर मरियम घरइ बसिरइ।

यूहन्नाले लेख्या सुसमाचार 11:29

यो सुणिबर मरियम झट्ट उठीबर येशूलाइ भेट्टाइ उनरा वाँ निगइ।

यूहन्नाले लेख्या सुसमाचार 11:30

तइ बेला सम्म येशू गाउँमी पुग्या थेइन, तर उन तसइ ठाउँमि थ्या जाँ मार्थाले उनलाइ भेटिराइथि।

यूहन्नाले लेख्या सुसमाचार 13:13

तमन मलाइ, गुरु रे प्रभु, भणन्छौ तमन ठिकै भणन्छौ क्याकि म तमरो ‘गुरु रे प्रभु’ हु।

यूहन्नाले लेख्या सुसमाचार 20:16

येशूले तिनलाइ भण्यो, “मरियम!” तिन पछा फर्किन रे उनलाइ हिब्रु भासामि भण्यो, “रब्बोनी”, अर्थात “गुरुज्यू”

यूहन्नाले लेख्या सुसमाचार 21:7

पइ तइ प्यारो शिष्य जइलाइ येशूले भौत प्रेम अरन्थ्या, उइले पत्रुसलाइ भण्यो, “उन प्रभु हुन।” जब सिमोन पत्रुसले उन प्रभु हुन भण्न्या सुण्यो, तब उइले काम अरन्ज्या निकाल्या लत्ता कम्मर मणि बेरीबर तालइनि फट्टक हाल्यो।

१ थेसलोनिकि 5:11

तबइकिलाइ एक-अर्खालाइ उत्साह दिय, रे एक-अर्खालाइ ख्रीष्टमी बलियो बिश्वास अददाइ सहयोग अर जसो तमन अद्दा लगइ छौ।

हिब्रु 12:12

तबइकिलाइ थग्या हात उठा, रे काम्दार्या गोडा बलिया बना।