याकुब 3:17 - डोटेली नयाँ करार

¹⁷ तर जो बुद्दि परमेश्वरले दिनाहान, त्यो पइल्ली सुद्द हुन्छ, तब त्यो सान्तिपुर्ण, कोमल, बिचारशिल रे दया रे असल कामले भरियाको, भेदभाव नभया रे निष्कपट हुन्छ।

याकुब 3:17 ပူးပေါင်းရင်းမြစ်များ

मत्ती 23:28

यिसेरी तमन लगइ बाइर भण्या मान्सका अगाडी धार्मि जसा धेकिन्छौ तर भित्तर कपटि रे दुष्टताले भरिएका हुन्छौ।”

मत्ती 5:8

धन्य हुन जइको हृदय सुद्द छ, क्याकि तिननले परमेश्वरलाइ धेक्द्या हुन।

मत्ती 5:9

धन्य हुन जो मेलमिलाप अराउनाहान, क्याकि तिननलाइ परमेश्वरका चेलाचेली भणिन्या हो।

लूका 21:15

क्याकि म तमनलाइ यिसो बोल्या मुख रे बुद्दि दिन्या हु, कि तमरा बिरोधिले उत्तर दिन सक्द्या आथिन। तइको ब्याख्या लगइ अद्द सक्द्या आथिन।

लूका 6:36

तमरा स्वर्गमि हुन्या पिता कृपालु भया जसेरि तमन लगइ कृपालु होउ।”

यूहन्नाले लेख्या सुसमाचार 1:14

बचन एक मान्स भया रे उन अनुग्रह रे सत्यले पुरा भइबर हामरा बिचमि बास अद्दाहान। हामले उनरो महिमा धेक्या, जो महिमा परमेश्वर बठेइ आया एकइ चेलोको महिमा जसोथ्यो।

यूहन्नाले लेख्या सुसमाचार 1:47

येशूले नथानेललाइ आफना वाँ आउन्नारया धेकिबर तइका बारेमि भण्यो, “हेर एक जानो पक्‍का इस्राएल देशका मान्स, जइमि केइ छल आथिन।”

प्रेरित 11:24

बारनाबास चाइ पबित्र आत्मा रे बिश्वासले भरिया मान्स थ्या। रे उनले अद्दा भौत मान्स प्रभु येशूमि बिश्वास अर्यो।

प्रेरित 9:36

योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि।

रोमी 12:18

हुन सकन्छ भण्या, सक्या सम्म सब मान्सनसित सान्तिमि बस।

रोमी 12:9

अरुलाइ प्रेम अर्या जसो जन धेका। जो कुरणी खराब छ, तइलाइ घृणा अर। जो कुरणी निकी छ, तइ कुरणी उत्सुक भइबर लगातार अरि राख।

रोमी 15:14

बिश्वासि भाइन हो, मलाइ पक्‍का था छ, कि तमन आफइ लगइ भलाइले भरिरइछौ, रे तमनले अददु पड्डया काम तमनलाइ पुरा था छ रे एक-अर्खालाइ सिकाउन सकन्छौ।

१ कोरिन्थी 12:8

पबित्र आत्माले एक मान्सलाइ बुद्दिले भरिया सन्देश बोल्लया बरदान दिनाहान भण्या उनइ पबित्र आत्माले अर्खा मान्सलाइ ज्ञानले भरिया सन्देश बोल्लया बरदान दिनाहान।

२ कोरिन्थी 10:1

म पावल तमरा अगाडी नम्र हुनउ, तर दुर हुन्तक तमन प्रति साहसि हुनउ! ख्रीष्टको नम्रता रे कोमलता बठेइ म तमलाइ बिन्ति अद्दउ।

२ कोरिन्थी 6:6

सुद्दतामि, ज्ञानमि, धैर्यतामि, दयामि, पबित्र आत्माका अगुवाइमी, साँचो प्रेममि,

२ कोरिन्थी 7:11

हेर, यइ परमेश्वरको इच्छा अनसारको शोकले तमनमि कसो-कसो परिबर्तन आया छ: इसो उत्साहले भरिया तत्परता, आफइलाइ निर्दोष तुल्याउनाइ इति ठुलो इच्छा, अन्याय प्रति इसो क्रोध, समस्या प्रति इसो साबधानि, मलाइ भेट्या इसो ठुलो इच्छा, सेवा प्रति इसो उत्साह, रे ननिक काम अद्दयालाइ दण्ड दिनाइ इसो तीव्रता। रे यइ बठेइ तमनले यो साबित अर्या छौ कि सब कुरणी असल रितिले अददामि तमनले केइलगइ कमी छाड्या आथिन।

२ कोरिन्थी 9:10

परमेश्वरले सदाइ खेतालालाइ बुनाइलाइ बि रे खानाइलाइ भोजन दिन्या हुन। तसेरि परमेश्वरले तमनसित सदाइ प्रसस्त पैसा जुटाउन्या हुन, ताकि तमन उदारताले खाचोमी पर्यालाइ भौत भण्ना भौत सहयोग अद्द सक।

एफिसी 5:9

क्याकि यदि एक मान्स ज्योतिमि छ भण्या उइको ब्यबहार असल रे धर्मि हुन्छ रे उइमि भरउसा अद्द सकिन्छ।

फिलिप्पी 1:11

रे जसेरि रुखले फल फलाउन्छ तसेरि तमन सबले परमेश्वरको महिमा रे प्रशंसाकि निउति येशू ख्रीष्ट बठेइ आउन्या धार्मिकताका काममी बड्डाइजा।

फिलिप्पी 4:8

अन्तमी बिश्वासि भाइन हो, जी सत्य छ, जी आदरणीय छ, जी धर्मि छ, जी सुद्द छ, जी सुन्दर छ, जी प्रसंसा अद्द्या योग्यको छ, जी असल छ, रे कसइमी मान्सन बठेइ आदर पाउन्या स्वभाव छ भण्या यिसा कुरणीमि मन ला।

कलस्सी 1:10

हाम प्रार्थना अददाउ कि तमनले प्रभुलाइ सम्मान दिन्या ब्यबहार अद्द सक, रे प्रभुलाइ सब कुरणीमि प्रसन्न पाड्डया सक, रे तमनले लगातार सब किसिमका निको काम अद्द सक, रे परमेश्वरका बारेमि आजी बड्ता बुज्ज सक।

१ थेसलोनिकि 2:7

तर आफना बालकलाइ स्याहार अद्देइ आमाकि जसेरि तमरा बिचमि हाम लगइ कोमल भया।

१ तिमोथी 5:21

म तमनलाइ परमेश्वर रे ख्रीष्ट येशूका अगाडी रे चुनिएका स्वर्गदुतका अगाडी यिन कडा आदेस दिनउ, तमनले जी लगइ अरन्छौ तइमि कसइ मान्सनको पक्ष अथवा पक्षपात जन अर।

२ तिमोथी 2:24

प्रभुको सेवक झगडालु हुनु हुनइन, तर उ हरेक सित दयालु, परमेश्वरको बचन ठीकसित सिकाउन सक्द्या रे मान्सनसित सहनशील हुनु पणन्छ।

तितस 1:15

क्याकि जइ मान्सनका हृदय परमेश्वरका अगाडी सुद्द छन, तिननकिलाइ सब कुरणी रिति अन्सार सुद्द छन, तर तिन मान्सन जो दुष्ट रे येशूमि बिश्वास अद्दाइन्न तिननले अद्दया सब कुरणी असुद्द हुनाहान। क्याकि तिनरा हृदय रे बिबेक दुएइ पुरा रुपमि असुद्द भया छन।

तितस 3:2

तिननले कसइको बदनाम जन अरुन, औरसित सान्तिमि बसुन, नम्र होउन रे सब मान्सनसित भद्रताको ब्यबहार अरुन।

हिब्रु 12:11

हामलाइ अनुशासनमि राखन्ज्या मन पड्डइन, बरु दुःख दिया जसो लाग्नछ, तर यइ बठेइ सिकि सक्या पछा हाम सान्ति पाउनाउ, क्याकि हाम ठीक तरिकाले जीवन जिउन सुरु अददाउ।

हिब्रु 12:14

सब मान्ससित सान्तिमि बस्या रे पबित्र जीवन जिउन्या कोशिस अर, क्याकि पबित्रता बिना कसइ मान्सले परमप्रभुलाइ धेक्द सक्दाइन।

याकुब 1:17

हरेक असल दान रे हरेक सिद्द बरदान हामरा पिता परमेश्वर बठेइ हो, जइले अग्गासमी भया सब ज्योति बनायो, परमेश्वर सदाइ एकनास छन रे उन छाँया जसेरि बदलिनाइन।

याकुब 1:5

तर यदि तमन मध्य कसइलाइ बुद्दिको कमी छ भण्या उइले उदार-चित्त सित दोस नलाइबर दिन्या परमेश्वरसित माग्दु पणन्छ, उनले तमनलाइ त्यो दिन्या हुन।

याकुब 2:13

क्याकि जइ मान्सले औरलाइ दया धेकाया आथिन, उइलाइ लगइ दया धेकाइन्या आथिन तर यदि तमनले दया धेकाया भण्या, जब परमेश्वरले न्याय अद्द्या हुन उनले लगइ तमनलाइ दया धेकाउन्या हुन।

याकुब 2:4

कि तमनले आपसमी पक्षपात धेकायानु ब? रे खराब बिचार भया न्यायकर्ता भयानु ब?

याकुब 3:15

यो बुद्दि परमेश्वरले दियाको बुद्दि होइन। तर यो त संसारिक, अनात्मिक रे सैतानिक हो।

याकुब 4:8

परमेश्वरका नजिक जा रे उन तमनका नजिक आउन्याहुन। पापी हो! आफना जीवन बठेइ पाप हटा। दुइ मनका मान्सन हो! तमनका हृदय सुद्द पाण।

१ पत्रुस 1:22

क्याकि तमन सत्य पालन अरिबर सुद्द भयाछौ, आब तमनले निष्कपट रुपले आफ्ना संगि बिश्वासि भाइनलाइ प्रेम अददु पणन्छ, रे एकले अर्खालाइ पुरा हृदयले भौत प्रेम अददु पणन्छ।

१ पत्रुस 2:1

तबइकिलाइ सब किसिमका ननिका ब्यबहार अद्द इन्कार अर। औरलाइ धोका जन दिय, कपटि जन होउ। और कि भौत रिस जन अर। और मान्सका बिरुद्दमि ननिका कुरणी जन अर।

१ पत्रुस 2:18

तमन नौकर, जो घरमि काम अद्द्या अरन्छौ रे बिश्वासि छौ, तमनले आफ्नो मालिकको आज्ञापालन अददु पणन्छ रे सदाइ तिनरो आदर अददु पणन्छ। यिसो तमनले सब प्रकारका मालिकलाइ अर, तिनन दयालु रे ब्यावहारिक भया लगइ अथवा निर्दयी भया लगइ।

१ यूहन्ना 3:18

तमन जो मेरा प्यारा बालक जसाइ छौ, हाम खाली सब्दले मान्त्तर जन भणु कि एक-अर्खालाइ प्रेम अददाउ, तर हामले खाचोमी भयालाइ साच्ची सहयोग अददु पणन्छ, जसेरि परमेश्वरले हामलाइ साच्ची प्रेम अददाहान।

१ यूहन्ना 3:3

रे हरेक मान्स जइले यो आसा अरन्छ कि उ ख्रीष्ट जसो पाप बिनाको हुन्या हो उइले आफइलाइ पाप बठेइ दुर राख्दु पणन्छ।