याकुब 2:18 - डोटेली नयाँ करार

¹⁸ तर कसइले भणलो “तमले येशू ख्रीष्टमी बिश्वास अरन्छौ रे म असल काम अद्दउ” तर म भणनउ असल काम बिनाको तमरो बिश्वास मलाइ प्रमाणित अर रे मइले अर्या असल काम बठेइ म आफ्नो बिश्वासलाइ प्रमाणित अद्दया हु।

याकुब 2:18 ပူးပေါင်းရင်းမြစ်များ

रोमी 14:23

तर यदि हामरा हृदयमि खान्या बारेमि संका छ तर छाड्डीबार त्यो खानाउ भण्या हाम दोषि हुनाउ, क्याकि हामले हृदयमि बिश्वास अर्या कुरणीको जसोइ अद्दाइन। यदि तमनले ठीक आथिन भणबर बिश्वास अर्या कुरणी अरन्छौ भण्या तमनले पाप अददाछौ।

रोमी 3:28

तबइकिलाइ हाम जणनाउ कि मोशाको कानुन पालना अरिबर होइन तर येशू ख्रीष्टमी बिश्वास बठेइ मान्तर हाम परमेश्वरसित धर्मि बनाइया छौ।

रोमी 4:6

तसेरि दाउदले लेख्यो कि कसेरी परमेश्वरले तइ मान्सलाइ आशिस दिनाहान जइलाइ केइ काम बिनाइ धर्मि ठहरायो

रोमी 8:1

तबइकिलाइ आब येशू ख्रीष्टसित सम्बन्ध भया मान्सनलाइ परमेश्वरले दोस लाउनाइन।

रोमी 9:19

तब केइ मान्सनले मलाइ भण्न्या हुन: “यदि तसो भया परमेश्वरले कसेरी भणन सक्दाहान कि हाम गलत छौ? क्याकि कसइले लगइ उनले अद्द खोज्या कुरणी बठेइ उनलाइ रोक्द सक्दाइनन।”

१ कोरिन्थी 13:2

मसित अगमबाणी बोल्ल्या सक्ति होलो, रे सब रहस्य रे सब ज्ञान बुज्ज सक्लो, रे या सम्मकि पहाडलाइ हटाउन सक्द्या सम्मको परमेश्वरमि बलियो बिश्वास मसित होलो, तर ममि प्रेम आथिन भण्या मेरो केइ मुल्य आथिन।

२ कोरिन्थी 5:17

तबइकिलाइ यदि कसइले ख्रीष्टमी बिश्वास अरन्छ भण्या उइले नयाँ स्वभाव पाया छ, पुरानो बितिगया छ हेर उइमि नयाँ स्वभाव छ।

२ कोरिन्थी 7:1

तबइकिलाइ हे प्रिय हो, हामसित यिन प्रतिज्ञा भया हुनाले हरेक किसमको ननिका काम अद्द छाड, जइले हामरो शरीर रे आत्मालाइ अशुद बनाउन्छ, परमेश्वरको आदर अरिबर हामले पूरारुपमी पबित्र जीवन बिताउन्या प्रयास अददु पणन्छ।

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

१ तिमोथी 1:5

मइले यो आज्ञा दिनुको उद्देश्य यो हो कि तमन आफ्ना निष्कपट हृदय, असल बिचार रे साँचो बिश्वास बठेइ एक-अर्खालाइ प्रेम अद्या हउ।

तितस 2:7

सब कुरणीमि औरकि निउति तु आफइले सदाइ एक निको कामको उदाहरण हुनु पणन्छ, जो औरले पालन अद्द सकुन। जब तुइले बिश्वासिलाइ परमेश्वरका बारेमि सिकाउन्छइ, तब तुइले एक असल उद्देश्य सित इसेरि सिकाउनु पणन्छ, ताकि मान्सनले तुलाइ आदर अरुन।

हिब्रु 11:31

बिश्वासइका भरमि राहाब बेश्या परमेश्वरको आज्ञा नमाणन्या सित नास भइन, क्याकि लुकीबर यरियो सहरमि हेद्दाइ गया इस्राएलका जासुसलाइ तिनले स्वागत अरेइथिन।

हिब्रु 11:33

विश्वासइ बठेइ तिननले राज्य कब्जा अर्यो, रे न्यायसित राज्य अर्यो, परमेश्वरले प्रतिज्ञा अर्या कुरणी लगइ पायो, सिंहले तिननलाइ खाएइन,

हिब्रु 11:6

उनमी बिश्वास अर्या मान्तर हामले परमेश्वरलाइ प्रसन्न बनाउन सक्दाउ। क्याकि परमेश्वरका वाँ आउन्याले बिश्वास अददु पणन्छ कि परमेश्वर छन रे साच्ची उनरो खोजी अद्द्यालाइ उनले इनाम दिन्या हुन।

याकुब 2:14

मेरा भाइन हो। यदि कोइ मान्सले “म येशू ख्रीष्टलाइ बिश्वास अद्दउ” भणन्छ तर असल काम अद्दइन भण्या यइ बठेइ कि फाइदा भयो? कि उनरा बिश्वासले उइलाइ बचाउन सकन्छ?

याकुब 3:13

तमनका बिचमि बुद्दिमान रे ज्ञानि को छ? यदि तमन बुद्दिमान रे ज्ञानि छौ भण्या असल जीवन बिताइबर, रे ज्ञानले ल्याउन्या नम्रतासित असल काम लगइ अरिबर धेकाउनु पणन्छ।