याकुब 2:14 - डोटेली नयाँ करार

¹⁴ मेरा भाइन हो। यदि कोइ मान्सले “म येशू ख्रीष्टलाइ बिश्वास अद्दउ” भणन्छ तर असल काम अद्दइन भण्या यइ बठेइ कि फाइदा भयो? कि उनरा बिश्वासले उइलाइ बचाउन सकन्छ?

याकुब 2:14 ပူးပေါင်းရင်းမြစ်များ

मत्ती 5:20

म तमनलाइ भण्नउ, तम मोशाको कानुन सिकाउन्यावाला रे फरिसि मान्सनको समुह भण्न्ना नीकेरि कानुन पालन अरन्छौ भण्या तमन स्वर्गको राज्यमि पस्स पाउन्या हौ।”

लूका 3:11

तइले तिननलाइ भण्यो, “जइसित दुइ कुर्ता छन, तइले नहुन्यालाइ एक दिइहालउ, रे जइसित खानाइ छ, तइले लगइ तसोइ अरउ।”

लूका 6:49

तर जइले सुणन्छ पइलगइ तइ अन्सार अदइन, त्यो एक इसो मान्स हो, जइले जमिनमी जग नभया घर बनायो। जब तइ घरमि बाढी आइबर ठोकियो, तब त्यो घर उतनजेइ पड्यो, रे तइ घरको ठुलो सर्वनाश भयो।”

प्रेरित 15:9

उनले यहुदि रे गैर-यहुदि मान्सनका बिचइनि केइ भेदभाव राखेइन, तर परमेश्वरले तिनरा मन बिश्वास बठेइ सुद्द पाड्यो।

प्रेरित 8:13

सिमोन आफइले लगइ फिलिपका सन्देशमि बिश्वास अर्यो। तइले बप्तिस्मा लियो, रे त्यो फिलिपसित हिट्ट लाग्यो, चिन्ह रे ठुला-ठुला अचम्मका काम अर्या धेकिबर तइलाइ अचम्म लाग्यो।

प्रेरित 8:21

यइ सेबकाइ न त तेरो केइ भाग छ न हिस्साइ छ, क्याकि परमेश्वरका अगाडी तेरो मन ठीक आथिन।

रोमी 2:25

म यो भणनउ, तुइले कानुन पालना अरेले मान्तर तेरो खतना भया मुल्य हुन्छ। तर यदि तुइले कानुन पालना अरेइनि भण्या, तु खतना भया यहुदि मान्सन भया लगइ खतना नभया गैर-यहुदि मान्स जसोइ हइ।

१ कोरिन्थी 15:2

परमेश्वरले तमरो तइ सुसमाचार बठेइ उद्दार अर्यो, रे यदि तमन मइले प्रचार अर्या सुसमाचारमि बिश्वास अरिराख्या भण्या परमेश्वरले तमनलाइ बचाउन्या हुन, नतित तमनले व्यर्थमि बिश्वास अर्या।

१ कोरिन्थी 16:22

कसइले प्रभुलाइ प्रेम अद्दइन भण्या त्यो श्रापित होउ। हे हामरा प्रभु, आस!

गलाती 5:13

बिश्वासि भाइन हो, तमन परमेश्वर बठेइ स्वतन्त्र हुनाइ बोलाइया हौ, तबइकिलाइ आब तमनले मोशाको कानुन पालन अददु पड्डइन। तर आफना पापमय स्वभाव पुरा अद्दया अबसर जन बना, बरु आफ्नो स्वतन्त्रता एक अर्खाको सेवा अद्दाइ रे प्रेम अद्दाइ प्रयोग अर।

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

१ तिमोथी 1:5

मइले यो आज्ञा दिनुको उद्देश्य यो हो कि तमन आफ्ना निष्कपट हृदय, असल बिचार रे साँचो बिश्वास बठेइ एक-अर्खालाइ प्रेम अद्या हउ।

१ तिमोथी 4:8

क्याकि शारीरिक कसरतले तमरो शरीरलाइ सहायता अद्या हो, तर परमेश्वरको भक्ति हरेक किसमले फाइदाको हुन्छ, क्याकि यिन कुरणीले यइ जीवनमी रे आउन्या जीवनमी लगइ फाइदा हुन्छ।

तितस 1:16

यिन झुटा शिक्षकले भण्नाहान कि हाम परमेश्वरलाइ पछयाण्नाउ तर तिननले आफ्ना ब्यबहार बठेइ निक्केरि धेकाउनाहान कि तिननले परमेश्वरलाइ पछेणनाइन्न क्याकि परमेश्वरले यिन मान्सनलाइ घृणा अददाहान रे यिन मान्सन आज्ञापालन अद्दाइन्न रे तिननले केइ निका काम अद्द सक्दाइन्न।

तितस 3:8

मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ। म चाहनउ कि तुइले बिश्वासिनलाइ सिकाउन्ज्या यिन कुरणीमि जोड दे, ताकि तिनन जइले परमेश्वरमि बिश्वास राख्या छन, तिननले असल काम अददाइलाइ आफ्नो ध्यान लाउन। यिन शिक्षा सबकिलाइ निका रे फाइदाका छन।

हिब्रु 11:17

बिश्वास बठेइ आफ्नो परिक्षा हुन्ज्या अब्राहामले आफ्नो चेलो इसहाकलाइ बलि चडायो। रे परमेश्वरले अब्राहाम सितइ बाचा अर्याथ्यो, पइलगइ आफ्नो एकइ चेलाकि बलि चडाउनाइ उन तयार भया।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

याकुब 1:16

मेरा प्यारा भाइन हो परमेश्वरले परीक्षामि पाड्डाहान भणन्या सोचिबर भ्रममि जन पण।

याकुब 2:16

रे तमन मध्ये कसइले उइसित भणन्छौ, “सान्ति सित जा, तातो अरिबर बस रे पेटभरि खा” मान्तर भणन्छ तर उनरा शरीरका निउति चाइन्या कुरणी तमनले दियानु भण्या कि फाइदा भयो रे?

याकुब 2:18

तर कसइले भणलो “तमले येशू ख्रीष्टमी बिश्वास अरन्छौ रे म असल काम अद्दउ” तर म भणनउ असल काम बिनाको तमरो बिश्वास मलाइ प्रमाणित अर रे मइले अर्या असल काम बठेइ म आफ्नो बिश्वासलाइ प्रमाणित अद्दया हु।

याकुब 2:26

जसेरि शरीर आत्मा बठेइ अलग भया पछा मर्या हुन्छ, तसेरी बिश्वास लगइ असल काम बठेइ अलग भया पछा मर्या हुन्छ।

२ पत्रुस 1:5

क्याकि तमन परमेश्वरको स्वभावमि सहभागी हुनाइ बनिया हौ, तमनले ख्रीष्टमी बिश्वास अद्द्या मान्तर होइन, तर तमनले औरकि निउति सदाइ असल काम अद्द्या कोशिस लगइ अददु पणन्छ। तमनले असल काम अद्द्या मान्तर होइन, तर तमन बुद्दिमान तरिकाले ब्यबहार अद्द्या मान्स लगइ बन्नु पणन्छ।