याकुब 1:6 - डोटेली नयाँ करार

⁶ तर जब उइले परमेश्वरसित मागन्छौ तब उइले कतिलगइ संका नअरिबर बिश्वास अददु पणन्छ। क्याकि संका अद्द्या मान्स स्थिर हुनाइनन, तिनन बतासले तलतिर मलतिर अद्द्या समुदरका छाल जसाइ हुन।

याकुब 1:6 ပူးပေါင်းရင်းမြစ်များ

मत्ती 14:28

पत्रुसले उनलाइ भण्यो, ओ प्रभु, तमइ हउ भण्या, मलाइ तमरा वाँ पानीका मथिमि आउन्या आज्ञा दिय।

प्रेरित 10:20

तिनन गैर-यहुदि मान्सन भया लगइ उठ रे तल्तिर ओल केइ संका नअरिबर तिननसित जा, क्याकि मइले तिननलाइ पठाया हु।”

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

१ तिमोथी 2:8

म चाहानउ कि जबलगइ तमन परमेश्वरको आराधना अददाइ जम्मा हुन्छौ, परमेश्वरलाइ स्वीकारयोग्य जीवन बिताउन्या बैकानले आफ्नो हात उठाइबर परमेश्वरमि पूरारुपमी समर्पित भइबर बिनाक्रोध रे बिनाविबाद प्रार्थना अरुन।

हिब्रु 10:23

जो आसा हामसित छ भणि हाम भण्नाउ तइ आसालाइ बलियोसित समाइराखौ, क्याकि उनले प्रतिज्ञा अर्या कुरणी पुरा अद्दया हुन भणि हामले परमेश्वरमि बिश्वास अद्द सक्दाउ।

हिब्रु 11:6

उनमी बिश्वास अर्या मान्तर हामले परमेश्वरलाइ प्रसन्न बनाउन सक्दाउ। क्याकि परमेश्वरका वाँ आउन्याले बिश्वास अददु पणन्छ कि परमेश्वर छन रे साच्ची उनरो खोजी अद्द्यालाइ उनले इनाम दिन्या हुन।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

याकुब 1:7

तसा मान्सले यो जन सोचउ कि प्रभु बठेइ केइ पाउन्या हो।

याकुब 5:15

रे बिश्वासका प्रार्थनाले बिरामिलाइ बाचाउछ रे प्रभु उइलाइ निको बनाउन्या हुन। यदि उइले पाप अर्याछ भण्या उइलाइ परमेश्वरले क्षमा अद्द्या हुन।

२ पत्रुस 2:17

यिन झुटा शिक्षक सुकि सक्या पानीका मुहान जसाइ हुन। तिनन त्वाँला जसाइ बिना कामका छन, जइलाइ पानी पड्डाइ अगाडी सक्तिशाली बतासले उडाइबर लइजान्छ। परमेश्वरले तिनरि निउति एक ठाउँ तयार अर्याछ, त्यो पुरा अनारो छ।