याकुब 1:21 - डोटेली नयाँ करार

²¹ तबइकिलाइ सब फोहोरिपना रे दुष्टता हटा रे तमरा हृदयमि राख्याको परमेश्वरको बचन नम्रतापुर्वक ग्रहण अर, जइले तमनका प्राणलाइ अनन्तका दण्ड बठेइ बचाउन सक्दाहान।

याकुब 1:21 ပူးပေါင်းရင်းမြစ်များ

मत्ती 5:5

धन्य हुन जो नम्र छन, क्याकि परमेश्वरले तिननमि आफ्नो बाचा पुरा अर्याउन्या हुन।

यूहन्नाले लेख्या सुसमाचार 6:63

जीवन दिन्या त परमेश्वरका आत्मा हुन। यो काम त मान्सका सक्तिले हुन नसक्द्या कुरणी हो। मइले तमनलाइ भण्या कुरणी आत्मा रे जीवन हुन।

यूहन्नाले लेख्या सुसमाचार 6:68

तब सिमोन पत्रुसले जबाफ दियो, “हे प्रभु, हाम कइका वाँ जाँउ? अनन्त जीवन दिन्या बचन त तमसित छ।

प्रेरित 10:33

तबइकिलाइ उतनजेइ तमरा वाँ मान्सन पठाया हु, रे तम दया अरिबर अरिदिया, आब प्रभु बठेइ तमलाइ आज्ञा भया सब कुरणी सुण्नाइ हाम सब याँ परमेश्वरका अगाडी जम्मा भयाछौ।”

प्रेरित 13:26

“ए अब्राहामका बंशका सन्तान, रे तमनमि हइ परमेश्वरको डर माण्न्यावाला गैर-यहुदि भाइन हो, परमेश्वरले हामरा वाँ यो मुक्तिको सन्देश पठाया छ।

रोमी 1:16

क्याकि ख्रीष्टका बारेमिको सुसमाचारमि म गर्व अद्दउ। क्याकि बिश्वास अद्द्या हरेकलाइ बचाउनाइ परमेश्वरले सक्ति प्रयोग अददाहान। पइल्ली यहुदि मान्सनलाइ रे पइ गैर-यहुदि मान्सनलाइ लगइ बचाउनाहान।

रोमी 11:17

इस्राएलका मान्सन असल जैतुनको रुख जसाइ हुन, रे पुर्खा अब्राहाम, इसहाक रे याकुब तइ रुखका जडा जसाइ हुन। तर यदि कोइ हाँङा काटिया, रे तमन जंगली जैतुन भइबर तिननमि कलमी भयाछौ। यहुदि मान्सन बठेइ तमनले फाइदा पाया जसेरि जंगली जैतुनका हाङाले असल जैतुनका रुखमी कलमी भइबर तइ रुख बठेइ फाइदा पायाछौ।

रोमी 6:17

पइल्ली तमन पापका नौकर थ्या, तर आब तमनलाइ सिकाया शिक्षा तमन माणन्या भयाछौ। म यइकि निउति परमेश्वरलाइ धन्यबाद दिनउ।

१ कोरिन्थी 15:2

परमेश्वरले तमरो तइ सुसमाचार बठेइ उद्दार अर्यो, रे यदि तमन मइले प्रचार अर्या सुसमाचारमि बिश्वास अरिराख्या भण्या परमेश्वरले तमनलाइ बचाउन्या हुन, नतित तमनले व्यर्थमि बिश्वास अर्या।

२ कोरिन्थी 7:1

तबइकिलाइ हे प्रिय हो, हामसित यिन प्रतिज्ञा भया हुनाले हरेक किसमको ननिका काम अद्द छाड, जइले हामरो शरीर रे आत्मालाइ अशुद बनाउन्छ, परमेश्वरको आदर अरिबर हामले पूरारुपमी पबित्र जीवन बिताउन्या प्रयास अददु पणन्छ।

एफिसी 1:13

तमनले ख्रीष्टको सुसमाचारमि बिश्वास अर्या हुनाले परमेश्वरले तमनलाइ पबित्र आत्मा दिया छ जो उनले आफ्ना मान्सनलाइ दिन्या प्रतिज्ञा अर्याथ्यो। पबित्र आत्मा एक छाप जसो हो, जइले यो धेकाउन्छ कि तमन परमेश्वरका हौ।

एफिसी 4:22

तमरा शिक्षकले तमनलाइ तसो ब्यबहार अद्द्या तरिका रे तमरो पुरानो पापी स्वभाव छाड्डु पणन्छ भणबर सिकायो। तमरा ननिका इच्छाले तमनलाइ धोका दियो रे तमरो जिवनलाइ बर्बाद अर्यो।

एफिसी 4:25

तबइकिलाइ झुटि बोल्ल छाडिबर आफना संगि बिश्वासीसित सत्य बोल, क्याकि हाम सब एकइ शरीरका अंग हौ।

एफिसी 5:4

केइ अश्‍लील कुरणी अथवा मुर्ख कुरणी, रे ननिकि ठट्टा जन अर, यो तमनलाइ उचित हुनइन, बरु तमनले परमेश्वरलाइ धन्यबाद चाडाउनु पणन्छ।

१ थेसलोनिकि 1:5

क्याकि येशू ख्रीष्टको बारेमि हामरो सुसमाचार तमरा वाँ बलिमि मान्त्तर आएन तर पबित्र आत्माको सक्तिमि रे यो सत्य हो भणबर पुरा निश्चयता सित आया छ। तमन जाणन्छौ कि तमरा फाइदाकिलाइ तमनसित छनज्या हाम कसेरी बस्याथ्या।

१ थेसलोनिकि 2:13

तबइकिलाइ यइको निउति हाम लगइ परमेश्वरलाइ निरन्तर धन्यबाद चडाउनाउ, कि जब हामले तमनलाइ प्रचार अर्या बचन सुण्या, जो साच्ची परमेश्वर बठेइको बचन हो। त्यो तमनले मान्सका बचनकी जसेरि होइन तर परमेश्वरका बचन जस्या ग्रहण अर्या, रे यो परमेश्वर बठेइको बचन अइल तमनमि काम अददाछ जइले ख्रीष्टमी बिश्वास अरन्छ।

तितस 2:11

क्याकि परमेश्वरले सब मान्सलाइ पाप बठेइ मुक्ति दिन्या बाटो धेकाइबर आफनो अनुग्रह प्रकट अर्याछ।

हिब्रु 12:1

हामरा वलतिर पलतिर यिन मान्सनको बिश्वासको गबाहीको प्रसस्तता छ। तबइकिलाइ आस, हामरा बाटामि आइ पड्डया बाधा रे हामलाइ अल्‍जाइ राख्द्या पापलाइ हाम पन्सायाऔ रे हामरा सामने भया दौड धैर्यसित दौडौ।

हिब्रु 2:3

तबइकिलाइ पक्‍का हामले लगइ सजाय पाउन्या हु, यदि यो महान मुक्तिलाइ मतलब राखेइन भण्या। प्रभु येशूले पइल्ली आफइ यो मुक्तिका बारेमि भण्यो, रे प्रभुलाइ सुणन्या शिष्याले हामलाइ यो सत्य हो भणि प्रमाण दियो।

हिब्रु 4:2

जसेरि हामले येशू ख्रीष्टका बारेमि सुसमाचार सुण्याछौ, इस्रायल देशका मान्सनले लगइ आरामका ठाउँमि प्रवेश अद्द्या सुसमाचार सुण्या थ्या। तर तिननले यइमि बिश्वास अरेइन। तबइकिलाइ त्यो सन्देश तिननकी निउति काम नलाग्द्या भयो।

याकुब 4:8

परमेश्वरका नजिक जा रे उन तमनका नजिक आउन्याहुन। पापी हो! आफना जीवन बठेइ पाप हटा। दुइ मनका मान्सन हो! तमनका हृदय सुद्द पाण।

याकुब 5:20

तमनले यो जाण्नु पणन्छ कि, जइले तइ पापीलाइ तइका पाप बठेइ फर्किनाइलाइ सहयोग अरिबर तइलाइ अनन्त मृत्यु बठेइ बचाउन्छ, तइको भौत पाप लगइ क्षमा हुन्या हो।

१ पत्रुस 1:22

क्याकि तमन सत्य पालन अरिबर सुद्द भयाछौ, आब तमनले निष्कपट रुपले आफ्ना संगि बिश्वासि भाइनलाइ प्रेम अददु पणन्छ, रे एकले अर्खालाइ पुरा हृदयले भौत प्रेम अददु पणन्छ।

१ पत्रुस 1:9

क्याकि परमेश्वरले तमरो आत्मालाइ पुरा रुपमि पापको सजाय बठेइ बचाइ राख्या छ। यो येशू ख्रीष्टमी तमरो बिश्वासको इनाम हो।

१ पत्रुस 2:1

तबइकिलाइ सब किसिमका ननिका ब्यबहार अद्द इन्कार अर। औरलाइ धोका जन दिय, कपटि जन होउ। और कि भौत रिस जन अर। और मान्सका बिरुद्दमि ननिका कुरणी जन अर।

१ पत्रुस 2:11

प्रिय हो, तमन यइ संसारमी बिदेशी रे प्रबासी जसाइ बन्याछौ। म तमनलाइ बिन्ति अद्दउ कि तिन सबइ दुष्ट शारीरिक इच्छा बठेइ टाडा बस, क्याकि इसा चाहाना तमरा आत्माको बिरोधमी सदाइ लड्डाहान।