हिब्रु 9:25 - डोटेली नयाँ करार

^25-26 यहुदि प्रधान पुजारि हरेक बर्ष पसु बलिको रगत लइजाइबर महापबित्र स्थान जान्या अददाहान। तर ख्रीष्ट त बेर बेरि आफइ बलि हुनाइ गयइन। यदि उनले इसो अददु पड्या भयाले, उनले संसारको सृष्टि भया बठेइ बेर बेरि दु:ख भोग्दु पडद्या थ्यो। बरु यिन आखिरी दिनमि, आफ्नो बलि बठेइ पापको सक्ति सदाइकि निउति हटाउनाइलाइ ख्रीष्ट एकइ बेर सबइकि निउति आया।

हिब्रु 9:25 ပူးပေါင်းရင်းမြစ်များ

हिब्रु 10:19

येशूले बलिका रुपमि आफ्नो रगत दियो। तबइकिलाइ बिश्वासि भाइन हो, हाम बिना डरले स्वर्गको महापबित्र ठाउँमि साहससित पस्स सक्दाउ।

हिब्रु 9:12

ख्रीष्टले स्वर्गमि भया महापबित्र ठाउँमि एकइ बेर सदाइकि निउति प्रवेश अर्यो। उनले आफसित बोक्या रे बाछ्छाको रगत लइजाइबर गएइन। उनरो बलि उनरो आफ्नोइ रगत थ्यो, रे यइ बठेइ उनले हामलाइ पाप बठेइ सदाइकि निउति छुटकारा दियो।

हिब्रु 9:14

तर ख्रीष्ट पाप रहित थ्या, रे उनले आफइलाइ अनन्त रे आत्मिक बलिका रुपमि परमेश्वरलाइ चडायो। तबइकिलाइ उनरो रगत भौत सक्तिशाली छ रे हामरो बिबेकलाइ सुद्द बनाउन्छ। आब हाम जिबित परमेश्वरको सेवा अद्द सक्दाउ रे त्यो काम अद्द्या आथिनु, जइले मृत्यु तिर लइजान्छ।

हिब्रु 9:2

यो पाल पशुको छाला बठेइ बनाइया थ्यो। तइ पालका बिचमि, तिननले पर्दा झुण्डेइबर दुइ कोठा बनायाथ्यो। पहिलो कोठामी सात शाखा भया सामदान थ्यो। ताँ एक टेबल थ्यो जइमि परमेश्वरलाइ चढाइया रोटा थ्या। यइ कोठालाइ पबित्रस्थान भणिन्थ्यो।

हिब्रु 9:7

तर बर्षमि एक बेर मान्तर यहुदि प्रधान पुजारि महापबित्र ठाउँमि जान्या अरन्थ्या। जब उन भितर जान्थ्या, तब उनले आफसित जनावरको रगत लइजाइबर जान्थ्या। उनले तइ रगत आफ्ना पाप क्षमाकि निउति रे मान्सनले नजाणिबर अर्या पापकी निउति परमेश्वरलाइ चढाउन्या अरनथ्या।