हिब्रु 9:19 - डोटेली नयाँ करार

¹⁹ तबइकिलाइ मोशाले कानुनको हरेक आज्ञा मान्सनलाइ भणि सक्या पछा उनले बाछ्छा रे बोक्याको रगत लइजाइबर पानीसित मिसायो। उनले रातो उनलाइ हिसपको बोटका हांगामि बाद्यो रे यइलाइ तइ रगतमि डुबाइबर कानुनका किताबमी रे सब मान्सनमि छर्किया।

हिब्रु 9:19 ပူးပေါင်းရင်းမြစ်များ

मत्ती 27:28

तिननले उनलाइ लाल रङका लत्ता लाइबर उन एक राजा हुन भणीबर उनरो हासो अदद पास्या,

मर्कुस 15:17

तिननले उनलाइ बैजनि रङका लत्ता नाटक अद्दाइलाइ लाइदियो जसो कि उन एक राजा हुन, रे उनरो हासो अददु पास्या। उनले काँडा भयको हाङ्गाको मुकुट बनाइबर खिसि काट्टाइ निउति उनरा मुन्टामि लाइदियो जसो कि उन एक राजा हुन, रे उनरो हासो अददु पास्या।

मर्कुस 15:20

जब तिनन उनरो खिसि काटीबर थग्या, तिननले बैजनि रंगका लत्ता फुकाइ दियो रे उनराइ लत्ता लाइदियो, रे उनलाइ क्रुसमि माद्दाइलाइ सहर बठेइ बाइर लैया।

यूहन्नाले लेख्या सुसमाचार 19:2

सिपाइनले काणा भया हाङ्गाको मुकुट बनाइबर उनरा मुन्टामि लाइदियो, रे खिसि काट्याइ उनलाइ बैजनि रंङको लत्ता लाइदियो।

यूहन्नाले लेख्या सुसमाचार 19:5

तब काँणाको मुकुट रे बैजनि रङको लत्ता लाइबर येशूलाइ बाइर लेया, रे पिलातस हाकिमले तिननलाइ भण्यो, “तक, यइ मान्स!”

हिब्रु 1:1

पइल्लिका समयमि हामरा पिता पुर्खासित अगमबक्ता बठेइ भौत बेर रे बिभिन्न किसिमले परमेश्वर बोल्या।

हिब्रु 10:22

उनले आफ्नो रगत बठेइ हामरो हृदय पबित्र बनायो, ताकि हाम था पाउन सकौ कि हाम आब दोषि आथिन। उनले हामलाइ पबित्र बनाया छ भणि धेकाउनाइ हामरो शरीरलाइ पानिले धोयो। तबइकिलाइ मेरा बिश्वासि भाइन हो, आफना पुरा हृदय रे बलियो बिश्वाससित परमेश्वर काँ वाँ जाऔ।

हिब्रु 12:24

तमन परमेश्वर रे मान्सनका बिचमि नयाँ करारका मध्यस्थकर्ता येशूका वाँ आयाछौ, रे छर्केका रगतका वाँ आएका छौ, जइले हाबिलको रगत जसो न्यायकी निउति कला हाल्लूका सट्टा क्षमाका बारेमि भणन्छ।

हिब्रु 9:12

ख्रीष्टले स्वर्गमि भया महापबित्र ठाउँमि एकइ बेर सदाइकि निउति प्रवेश अर्यो। उनले आफसित बोक्या रे बाछ्छाको रगत लइजाइबर गएइन। उनरो बलि उनरो आफ्नोइ रगत थ्यो, रे यइ बठेइ उनले हामलाइ पाप बठेइ सदाइकि निउति छुटकारा दियो।

हिब्रु 9:13

पुरानो कानुनमी बोक्या रे गोरुका रगत रे होमेको कोरेली बाछ्छाको छार रीतीतिथि अनसार असुद्द मान्सनमि छर्किन्या अरनथ्या। इसेरी तिनन बाहिरि रुपले सुद्द हुन्थ्या।

हिब्रु 9:18

तबइकिलाइ परमेश्वरले दिया पहिलो करारलाइ पक्‍का अददाइ निउति लगइ रगत बगाइया थ्यो।

१ पत्रुस 1:2

पिता परमेश्वरले पइल्ली तमनलाइ उनरा मान्स हुनाइ रे पबित्र आत्माको काम बठेइ तमनलाइ पबित्र बनाउनाइ चुन्नया निर्णय अर्याथ्यो। उनले इसो अर्यो ताकि तमनले येशू ख्रीष्टको आज्ञापालन अर रे उनरो रगत बठेइ सुद्द हुन सक। म प्रार्थना अद्दउ कि परमेश्वरले तमनलाइ प्रसस्त मात्रामि अनुग्रह रे सान्ति दिउन।