हिब्रु 7:8 - डोटेली नयाँ करार

⁸ पुजारिन जइले दशांश पाउनाहान, तिनन मरिबर जान्या मान्सन मान्तर हुन, तर अब्राहाम बठेइ दशांश पाया मल्कीसेदेक सदाइकि निउति जिउना छन, जसेरि पबित्र सास्त्रमि लेख्या छ।

हिब्रु 7:8 ပူးပေါင်းရင်းမြစ်များ

यूहन्नाले लेख्या सुसमाचार 14:19

आब केइ समय पछा संसारले मलाइ कभइ धेक्द्या आथिन, तर तमन मलाइ धेकन्छौ। क्याकि म आजी जिउनो हुन्या हु, रे तबइकिलाइ तमन लगइ जिउना हुन्या हौ।

यूहन्नाले लेख्या सुसमाचार 14:6

येशूले तइलाइ भण्यो, “म तेइ हु, जइमि बाटो, सत्य रे अनन्त जीवन छ। म बठेइ बाहेक कोइलगइ पिताका वाँ आउन सक्दैन।

हिब्रु 3:16

कइले परमेश्वरको आवाज सुणिबर लगइ उनरो बिरोध अर्यो? तिनन इजरायल देशका मान्सन हुन, जइलाइ मोशाले मिश्र देस बठेइ निकलिबर लेयाथ्या।

हिब्रु 5:6

अर्खा ठाउँमि परमेश्वरले उनलाइ आजी भण्यो, मल्कीसेदेक पुजारि भया जसेरि तु सदाइकि निउति पुजारि हइ।

हिब्रु 6:20

हामरा निउति येशू हाम भण्ना अगाडी तइ ठाउँमि गइबर बसिसक्या छन। मल्कीसेदेक पुजारि जसाइ उन सदाइकि निउति यहुदि प्रधान पुजारि भया छन।

हिब्रु 7:23

येशू पुजारि भया अर्खो फाइदा भण्या पइल्लिका यहुदि पुजारिले आफ्ना काम लगातार अद्द सकेइन, क्याकि तिनन हरेक जाना मरिबर गया। तबइकिलाइ पइल्लिका पुजारि को सङ्‍ख्‍या भौत भयाथ्यो।

हिब्रु 7:7

हाम यो पक्‍का जाण्नाउ कि आसिर्बाद दिन्या आसिर्बाद पाउन्या भण्ना ठुलो हुन्छ।।

हिब्रु 7:9

जब अब्राहामले मल्कीसेदेक पुजारि लाइ दशांश दियो, तइ बेला सम्म लेवि अब्राहामको परिबारमि जन्मया थेइन। पइलगइ अब्राहामका सन्तान भए हुनतक, यो लेवि आफइले मल्कीसेदेक पुजारि लाइ दशांश दिया जसो हो।

हिब्रु 9:27

हरेक मान्स एक बेर मद्दु पणन्छ। रे मर्या पछा परमेश्वरले हरेक मान्सको न्याय अद्दया हुन।

प्रकाश 1:18

म जीवनको स्रोत हुँ। म एकबेर मर्या तर आब जिउनो छु रे म सदाइकि निउति जिउनो हुन्या हु, रे मसित मृत्युमि अधिकार छ। रे पातालका साँचा म सितइ छन।