हिब्रु 7:28 - डोटेली नयाँ करार

²⁸ क्याकि मोशाको कानुनले दुर्बल मान्सनलाइ यहुदि मुख्य पुजारि नियुक्त अरन्छ, तर मोशाको कानुन भण्ना पछा आउन्या कसमले परमेश्वरको चेलोलाइ प्रधान पुजारि नियुक्त अर्याथ्यो। रे उन सदाइकि निउति सिद्द प्रधान पुजारि भया छन।

हिब्रु 7:28 ပူးပေါင်းရင်းမြစ်များ

लूका 13:32

उनले तिननलाइ भण्यो, “गइबर तइ मान्सलाइ भण जो स्याल जसोइ चलाक छ, ‘हेर, आज रे भोल म भूत धपाउन्या हु रे निको बनाउन्या काम अद्दउ, रे तेसरा दिन मइले मेरो काम पुरा अद्द्या हु।’

यूहन्नाले लेख्या सुसमाचार 19:30

जब येशूले सिर्का चाख्यो तब उनले भण्यो, “पुरा भयो” तइ पछा उनले आफ्नो मुन्टो झुकाइबर मर्या।

हिब्रु 1:2

तर यिन छाड्डीबारका दिनमि उन आफना चेलो बठेइ हामसित बोलिरइछन। परमेश्वरले आफ्नो चेलो बठेइ संसारको सृष्टि अर्यो रे उनले चेलोलाइ सब कुरणीको हकवालो खटायो,

हिब्रु 2:10

परमेश्वरले सब चिज सृष्टि अर्यो रे सब चिज उनराइ हुन। तबइकिलाइ भौत मान्सनलाइ उनरो महिमामि सहभागी हुनाइ लइजानाकि निउति परमेश्वरले निर्णय अर्यो कि मुक्तिका संस्थापक प्रभु येशूलाइ दु:ख-भोग बठेइ सिद्द पाड्ड ठीक छ, क्याकि येशूइ हुन जइले मुक्ति दिनाहान।

हिब्रु 2:17

तबइकिलाइ हरेक कुरणीमि उन आफ्नाइ भाइन जसाइ बन्नु पड्यो, इसेरि उन परमेश्वरका दयालु रे भरपड्डया यहुदि प्रधान पुजारि बन्या। ताकि उनरो बलिदान बठेइ मान्सले आफना पाप बठेइ क्षमा पाउन सकुन।

हिब्रु 3:1

तबइकिलाइ परमेश्वरले स्वर्गमि उनसित सहभागी हुनाइलाइ बोलाया बिश्वासि भाइन हो, येशूमि मन ला, जो हामरा निउति परमेश्वरका राजदुत रे यहुदि प्रधान पुजारि छन।

हिब्रु 3:6

तर ख्रीष्ट भण्या परमेश्वरका घरका मान्सनसित चेलोका रुपमि बिश्वासयोग्य थ्या। यदि हाममि साहस रे हामरा आसामि भरोसा छ भण्या जो ख्रीष्ट बठेइको हो, तब हाम परमेश्वरका मान्सन हौ।

हिब्रु 4:14

तबइकिलाइ स्वर्गमि गया परमेश्वरको चेलो येशूइ हुन। उन हाम सबइका माहान यहुदि प्रधान पुजारि हुन। तबइकिलाइ सब मान्सनका अगाडी ग्रहण अर्या बिश्वासलाइ थामिबर बलिया होउ।

हिब्रु 5:5

ख्रीष्ट सम्मान पाउनाइ आफइ यहुदि प्रधान पुजारि भएइन। तर परमेश्वरले उनलाइ त्यो सम्मान दियो, रे भण्यो, तु मेरो चेलो हइ, आज मइले तुलाइ आफ्नो चेलोका रुपमि प्रकट अर्या छु।

हिब्रु 7:21

लेविका बंशलाइ भण्या परमेश्वरले कसम खाइबर यहुदि पुजारि बनाया होइन, तर येशूलाइ कसम खाइबर पुजारि बनाया हो, रे उनरो बिसयमि परमेश्वर भण्नाहान, “म परमेश्वरले कसम खाया छु, रे म आफ्नो मन कभइ बदल्ल्या आथिन, तु सदाइकि निउति पुजारि हइ।”

हिब्रु 7:24

तर येशू अनन्त भया हुनाले उन सदाइकि निउति पुजारि हुन।