हिब्रु 7:26 - डोटेली नयाँ करार

²⁶ येशू हामलाइ चाइयाको यहुदि प्रधान पुजारिका राजा हुन। उन पबित्र, निर्दोष, सुद्द रे परमेश्वरले उनलाइ पापी मान्सन बठेइ छुटाइबर सब भण्ना मल्तिर स्वर्गमि बसायो।

हिब्रु 7:26 ပူးပေါင်းရင်းမြစ်များ

मत्ती 27:18

क्याकि यहुदि मुख्य पुजारिनले येशूलाइ रिसले सुम्पया हुन भण्न्या पिलातसलाइ थाथ्यो।

मर्कुस 16:19

जब येशूले आफ्ना शिष्यालाइ यिन सब कुरणी भणि सक्यो, तब परमेश्वरले येशूलाइ स्वर्गमि उठायो, रे उन परमेश्वरका दाइन तिर सम्मान सित बस्या।

लूका 1:35

स्वर्गदुतले तइलाइ जबाफ दिइबर भण्यो, “पबित्र आत्मा तुमि आउन्याहुन, रे परमप्रधानका सक्तिको छायाँ तुमि पड्डया हो। तबइकिलाइ तु बठेइ जन्मयाको बालक पबित्र हुन्या हुन, रे उन परमेश्वरका चेलो भणिन्याहुन।

लूका 23:22

पइ तिनले तेसरा बेर तिननलाइ भण्यो, “क्याकि? यइले कि कुकर्म अरिराइछ? मइले त यिनलाइ मृत्यु दण्ड दिन्या केइ कारण भेटाएइन। तब म यिनलाइ सजाय अरिबर छाडिदिनउ।”

लूका 23:41

हामरो दण्ड त न्यायोचित छ, क्याकि हामले त हामरो कामको उचित फल भोग्या छौ, तर यिन मान्सले त केइ अनुचित काम अर्या आथिनन।”

लूका 23:47

यो सब घटना धेकिबर कप्तानले यिसो भण्नाइ परमेश्वरको महिमा अर्यो, निश्चय नइ यिन धर्मि मान्स थ्या।

लूका 24:26

ख्रीष्टले यिन सब कष्ट भोग्दु रे तइ पछा आफ्नो महिमामि पस्सु आवश्यक थ्यो।”

लूका 24:46

उनले तिननलाइ भण्यो, “पबित्र सास्त्रमि यिसो लेखिया छ, कि ख्रीष्टले दु:ख भोग्दु रे तेसरा दिनमि मर्या बठेइ जिउनो हुनु पणन्छ,

यूहन्नाले लेख्या सुसमाचार 14:30

तमनसित कुरणी अद्दाइ मसित भौत समय आथिन, क्याकि यइ सन्सारको सासक सैतान आउनाछ रे तइले मलाइ केइ अद्द सक्दैन।

यूहन्नाले लेख्या सुसमाचार 8:29

जइले मलाइ पठायो उन मसित छन। पिताले मलाइ एकलोइ छाड्या आथिन क्याकि उनलाइ सदाइ खुशी पाड्डया कुरणी म सदाइ अद्दउ।”

प्रेरित 3:14

तर तमनले पबित्र रे धर्मि जनलाइ इन्कार अरिबर एक ज्यानमारालाइ तमरा निउति छाडिदिन्या माग अर्या।

प्रेरित 4:27

क्याकि भण्या साँच्चि तमनले अभिषेक अर्या, तमरा पबित्र सेवक येशूको बिरोधमी राजा हेरोद रे पन्तियस पिलातस हाकिम दुइ जाना, गैर-यहुदि रे इस्राएल देशका मान्सनसित इसइ सहरमि जम्मा भयाथ्या।

२ कोरिन्थी 5:21

ख्रीष्टमी पाप थेइन, तर परमेश्वरले उनलाइ हामरा पापमि सहभागी बनायो। परमेश्वरका नजरमि हाम धर्मि बन्न सकउ भणबर ख्रीष्टले हामरा पापको दण्ड लियो।

हिब्रु 1:3

उनले हामलाइ पूरारुपमी परमेश्वरका महिमा धेकाउनाहान रे उन परमेश्वरका स्वभाबका सत्य प्रतिरुप हुन, रे सारा संसारलाइ आफना सक्तिशाली बचनले समाल्लाहान। मान्सनलाइ पाप बठेइ क्षमा दिन्या काम सक्या पछा महिमित परमेश्वरको दाइँन बाहुलि तिर उच्च सम्मानका ठाउँमि उन विराजमान भया।

हिब्रु 12:2

हामरा बिश्वास सुरु अद्द्या रे सिद्द अद्द्या येशूलाइ हाम हेरिराख्दाउ, जइले भविष्यमी पाइन्या आनन्दकी निउति अपमानलाइ केइ जसो नमाणिबर क्रुसको कष्ट भोग्यो, रे अइल उन परमेश्वरको सिंहासनको दाइन तिर उच्च सम्मानका ठाउँमि विराजमान छन।

हिब्रु 2:10

परमेश्वरले सब चिज सृष्टि अर्यो रे सब चिज उनराइ हुन। तबइकिलाइ भौत मान्सनलाइ उनरो महिमामि सहभागी हुनाइ लइजानाकि निउति परमेश्वरले निर्णय अर्यो कि मुक्तिका संस्थापक प्रभु येशूलाइ दु:ख-भोग बठेइ सिद्द पाड्ड ठीक छ, क्याकि येशूइ हुन जइले मुक्ति दिनाहान।

हिब्रु 2:17

तबइकिलाइ हरेक कुरणीमि उन आफ्नाइ भाइन जसाइ बन्नु पड्यो, इसेरि उन परमेश्वरका दयालु रे भरपड्डया यहुदि प्रधान पुजारि बन्या। ताकि उनरो बलिदान बठेइ मान्सले आफना पाप बठेइ क्षमा पाउन सकुन।

हिब्रु 3:1

तबइकिलाइ परमेश्वरले स्वर्गमि उनसित सहभागी हुनाइलाइ बोलाया बिश्वासि भाइन हो, येशूमि मन ला, जो हामरा निउति परमेश्वरका राजदुत रे यहुदि प्रधान पुजारि छन।

हिब्रु 7:11

मान्सनलाइ पुजारि को चलनको आधारमी कानुन दिन्या अरिनथ्यो, जो हारुनको बंस बठेइ लेवि कुलका थ्या तर तिनन तइ चलन बठेइ सिद्द हुन सकेइन। तबइकिलाइ अर्खो पुजारि आउनु आवश्यक थ्यो, त्यो पुजारि हारुन जसो होइन तर मल्कीसेदेक पुजारि जसोइ हुनु पणनथ्यो।

हिब्रु 8:1

आब हामले भण्न खोजेइ कुरणी यइ हो: हामरा लगइ यिसा यहुदि प्रधान पुजारि छन, जो स्वर्गमि माहान परमेश्वरका सिंहासनका दाइन तिर उच्च सम्मानका ठाउँमि विराजमान छन।

हिब्रु 9:14

तर ख्रीष्ट पाप रहित थ्या, रे उनले आफइलाइ अनन्त रे आत्मिक बलिका रुपमि परमेश्वरलाइ चडायो। तबइकिलाइ उनरो रगत भौत सक्तिशाली छ रे हामरो बिबेकलाइ सुद्द बनाउन्छ। आब हाम जिबित परमेश्वरको सेवा अद्द सक्दाउ रे त्यो काम अद्द्या आथिनु, जइले मृत्यु तिर लइजान्छ।

१ पत्रुस 1:19

तर ख्रीष्टको बहुमुल्य रगतले, जो सुद्द रे सिद्द भेडा जसा थ्या।

१ पत्रुस 2:22

पबित्र सास्त्र मा लेखिया छ, “उनले कभइ पाप अरेइन। उनले कभइ केइ झुट बोलेइन।”

१ पत्रुस 3:22

रे उन स्वर्गमि गया छन। उन आब परमेश्वरको दाहिने हाततिर सब भण्ना महत्त्वपुर्ण ठाउँमि छन, रे उनले सब स्वर्गदुत रे सब अधिकारी रे सक्तिमि सासन अददाहान।

१ यूहन्ना 2:2

ख्रीष्ट हामरो पाप क्षमाकि निउति बलि भया, रे हामरा निउति मान्तर होइन, तर संसारका मान्सनका पापका निउति लगइ हो।

१ यूहन्ना 3:5

येशू ख्रीष्ट यइ संसारमी हमले अद्द्या पापको दण्ड हरण अद्दाइकिलाइ आया हुन भण्नया कुरणी तमन जाँणन्छौ, रे उनले कभइ पाप अद्दाइन।

प्रकाश 3:7

येशूले मलाइ इसो लगइ भण्यो, “फिलाडेल्फिया सहरका मण्डलिका स्वर्गदुतलाइ यो सन्देश लेख: म उइ हुँ जो पबित्र रे जो सत्य छ, जइसित राजा दाउदको चाबि छ, जब म तइ चाबिले ढोका खोल्लउ, कसइले लगइ तइलाइ बन्द अद्द सक्दइन रे जब मइले चाबिले बन्द अद्दउ कसइले खोल्ल सक्दइन। जी म तमनलाइ भणनउ उइलाइ सुण: