हिब्रु 6:2 - डोटेली नयाँ करार

² रे तमनलाइ बप्तिस्माका बारेमि शिक्षा, कसइका हात राख्द्या काम, मर्या बठेइ जिउना हुन्या रे अनन्त दण्ड जसा कुरणीमि मान्तर लागीबर बिश्वासको जग आजी बसाउन्या और बरता शिक्षा चाइनइन।

हिब्रु 6:2 ပူးပေါင်းရင်းမြစ်များ

मत्ती 28:19

तबइकिलाइ जा, रे सब देशका जातिलाइ शिष्या बना, यो चिन्हका रुपमि बप्तिस्मा दिय कि तिननले परमेश्वर, म, परमेश्वरको चेलो रे पबित्र आत्माको अनुसरण अद्दाहान।

मत्ती 3:14

यूहन्नाले उनलाइ यिसो भणबर रोक्दाइ खोज्यो, बरु मइले ब तम बठेइ बप्तिस्मा लिनु पड्डया हो, रे कि तम मेरा वाँ आउँन्या हउ?

मर्कुस 16:16

जइले लगइ ममि बिश्वास अरन्छ रे एक चिन्हको रुपमि बप्तिस्मा लिय, कि उ ममि बिश्वास अरन्छ, उ परमेश्वर बठेइ आफ्नो पापको दण्ड बठेइ बचाइन्या छ, रे जो कोइलगइ ममि बिश्वास अद्द इन्कार अरन्छ उ परमेश्वर बठेइ आफ्नो पापको दण्ड पाउन्या छ।

मर्कुस 7:4

बजार बठेइ आया पछा उतन्ज्या सम्म खाना खानाइन थ्या जबसम्म आफ्ना हात बिसेस रितिले नीकेरि धुनाइनथ्या। रे तिनरा पुर्खाका और लगइ भौत रिति थ्या जइलाइ तिनन माण्नथ्या। जसेरि कटौरा, लोटा, पित्तलका खाना पकाउन्या भाँडाकुडा धुनथ्या।

मर्कुस 7:8

तमन मान्सका रिति माणनाइलाइ, परमेश्वरको आज्ञा माण्नु छाणन्छौ।”

लूका 11:38

तर खानाइ अगाडी उनले हात नधोया धेकिबर त्यो फरिसि मान्सन छक्‍क पड्यो।

लूका 12:50

तर मेरा अगाडी भयानक कष्ट छ, जो मइले लिनु पड्या छ। त्यो कष्ट पुरा नहुन्ज्या म भौत दुःखित छु!

लूका 14:14

रे तुइले आशिस पाउन्या हइ, क्याकि तिननले तेरो गुण फर्काउन सक्दाइन्न। तर जब धर्मिजन मर्या बठेइ जिउना हुनाहान परमेश्वरले तुइले यइको प्रतिफल दिन्या हुन।”

लूका 3:16

तइ पछा यूहन्नाले तिन सबलाइ भण्यो, “म तमलाइ पानिले बप्तिस्मा दिनउ, तर एक जाना म भण्न्ना महान छन, जइका जुताको ताना खोल्ल लायकको म आथिन। उनले तमलाइ पबित्र आत्मा रे आगोले बप्तिस्मा दिन्या हुन।

यूहन्नाले लेख्या सुसमाचार 1:33

मइले ख्रीष्टलाइ पछेण्या थेइन, तर जइले मलाइ पानिले बप्तिस्मा दे भणि पठायो, उनइले मलाइ भण्यो, जइमि तु पबित्र आत्मालाइ ओल्लारया रे बस्सारया धेकि, पबित्र आत्माले बप्तिस्मा दिन्या उनइ हुन।

यूहन्नाले लेख्या सुसमाचार 5:29

रे बाइर निकलिबर आउन्याहुन: सुकर्म अद्द्या मर्या बठेइ जिउना भइबर अनन्त जीवन पाउन्या छन, रे कुकर्म अद्दया जिउना भइबर दण्ड पाउन्या छन।

प्रेरित 10:47

“जइले हामले जसो परमेश्वर बठेइ पबित्र आत्मा पाया छन, आब यिननलाइ पानिमि बप्तिस्मा लिनाइलाइ कसइले लगइ रोक्द सक्दइन।”

प्रेरित 13:3

तब तिननले आजी उपवास रे प्रार्थना अरिबर उनमी आफना हात राखिबर उनलाइ परमेश्वरको सेवा अद्दाइ पठायो।

प्रेरित 16:15

जब तइको रे तइका घरका सबको बप्तिस्मा भयो, तब तइले हामलाइ बिन्ति अरि, “यदि तमनले मलाइ प्रभुमि बिश्वास अद्देइ बइनि माणन्छौ भण्या मेरा घर आइबर बस।” रे तइले हामलाइ कर अद्द पसि।

प्रेरित 16:33

तब रातका तसइ बेला उइले तिननलाइ लैजाइबर तिनरा घा धोइदियो। पइ उ रे उइका मौले उतन्जेइ बप्तिस्मा लियो।

प्रेरित 17:18

तिन शिक्षक जो इपिक्युरी रे स्तोइकी दार्सनिक भणबर चिनीन्थ्या, तिननमि हइ केइ मान्सनले लगइ तिनसित वाद-बिबाद अर्यो। तिनन केइ मान्सनले भण्यो, “यो भकभक्या कि भणन्छ?” और मान्सनले भण्यो, “कोइ और देबतानको प्रचार अद्दा छ।” क्याकि तिननले येशू मर्या बठेइ जिउना भया हुन भण्न्या बचन प्रचार अरन्थ्या।

प्रेरित 2:38

पत्रुसले तिननलाइ भण्यो, “पाप अद्द छाडिबर परमेश्वरतिर फर्क, रे तमरा पाप क्षमाकि निउति येशू ख्रीष्टको नाउँमि तमन प्रत्येकले बप्तिस्मा लिय, रे तमनले पबित्र आत्माको बरदान पाउन्या हौ।

प्रेरित 2:41

तब जइ-जइले पत्रुसको कुरणीमि बिश्वास अर्यो, तिननले बप्तिस्मा लियो, रे तसइ दिन लगभग तीन हजार मान्सन तिनरा संख्यामि थपिया।

प्रेरित 23:6

तर तइ यहुदि महासभामि एक दल सदुकीको समुह रे अर्खो दल फरिसि मान्सन रइछन भण्न्या था पाइबर पावलले जोरले भण्यो, “भाइन हो, म फरिसि हु रे म फरिसि मान्सनको सन्तान हु। परमेश्वरले मर्या बठेइ जिउना बनाउन्या हुन भणन्या आसा राख्या हुनाले याँ मेरो मुद्दा चलिरइछ।”

प्रेरित 24:15

धर्मि रे अधर्मि दुएइलाइ परमेश्वरले मर्या बठेइ जिउना बनाउनाहान भण्न्या यिन आफइले स्वीकार अर्या जसेरि म परमेश्वरमि आसा राख्दउ।

प्रेरित 24:21

एक मान्तरइ दोस जो तिनन मेरा बिरोधमी लाउन सक्दाहान, जब मइले आगनमी कल्लिबर जोरले भणिराइथ्या, ‘मर्या बठेइ जिउना हुनाहान भण्न्या कुरणीमि मइले बिश्वास अर्या हुनाले आज तमरा अगाडी मेरो मुद्दा चलिरइछ।’”

प्रेरित 24:25

जब पावलले जो परमेश्वरका अगाडी सहि छ, रे आफ्ना इच्छालाइ रोकबर रे परमेश्वर बठेइ आउन्या न्यायको बारेमि बताउन सुरु अर्यो, तब ठुला हाकिम फेलिक्स डराइबर यिसो भण्यो, “अइल तु जा, जब मसित समय होलो तब म आफइ तुलाइ बोलाउलो।”

प्रेरित 26:8

पइ पावलले ताँ जम्मा भया तिनन सब यहुदि मान्सनलाइ भण्यो, ‘तमन परमेश्वरले मर्या बठेइ जिउना बनाउनाहान भण्नेइ कुरणीमि बिश्वास अरन्छौ, पइलगइ उनले येशूलाइ मर्या बठेइ जिउना बनायो, भण्नेइ कुरणीलाइ तमन क्याइ इन्कार अरन्छौ?’”

प्रेरित 4:2

उन रिसाइरइथ्या, क्याकि येशूमि मर्या बठेइ जिउना हुनाहान भण्न्या कुरणी तिननले मान्सनलाइ सिकाउनाथ्या, कि जो मान्सन मरिसक्या छन, तिननलाइ परमेश्वरले मर्या बठेइ जिउना बनाउन्या हुन, जसेरि परमेश्वरले येशूलाइ मर्या बठेइ जिउना बनायो।

प्रेरित 6:6

तिननले यिन मान्सनलाइ येशू ख्रीष्टका छान्या शिष्याका अगाडी लेइबर आया रे तिननले प्रार्थना अर्यो रे यिननलाइ तइ काम अद्दाइकिलाइ नियुक्त अर्यो।

रोमी 2:16

यो तइ दिन हुन्या हो जब परमेश्वरले मइले प्रचार अर्या सुसमाचार अन्सार येशू ख्रीष्ट बठेइ मान्सका गोप्य कुरणीको न्याय अद्द्या हुन।

१ कोरिन्थी 10:2

हमरा सब पुर्खाले मरुभूमिमी बादलका खामा बठेइ सुरक्षा पाया अनुभव अर्यो रे खुट्टा कतिलगइ नभिजिबर लाल समुद्र तर्या। यो बप्तिस्मा भया, रे मोशाका शिष्या भया जसोइथ्यो।

१ कोरिन्थी 12:13

क्याकि एकइ पबित्र आत्मा बठेइ हाम सबले एकइ सरीरमि बप्तिस्मा पायाछौ। हाम यहुदि मान्स अथवा, गैर-यहुदि मान्स, दास अथवा स्वतंत्र मान्स जो भया लगइ हाम सबइले एकइ आत्मा पायाछौ।

२ कोरिन्थी 5:10

क्याकि हाम सब ख्रीष्टका न्याय आसनका अगाडी खडा हुनु पणन्छ, इसेरि सरीरमि हुन्ज्या आफले अर्या अनसार हरेकले निका वाँ खराब प्रतिफल पाउन्या हुन।

फिलिप्पी 3:21

उनले जइ सक्तिको प्रभाबले सब कुरणीलाइ उनरो अधिनमी ल्याउन सक्दाहान, तसइ सक्तिले हामरा भौतिक शरीरलाइ आफ्नो महिमाको सरीरमि बदल दिनाहान।

कलस्सी 2:12

जब तमरो बप्तिस्मा भयो, यइले धेकाउछ कि तमरो पापमय स्वभाव गाणिया जसेरि ख्रीष्ट गाणिया थ्या, रे तमन नयाँ स्वभावमि उठ्या जसेरि ख्रीष्ट मर्या बठेइ उठ्या। यो भयो क्याकि तमन यो बिश्वास अरन्छौ कि परमेश्वरले आफ्नो सक्ति बठेइ ख्रीष्टलाइ मर्या बठेइ जिउना बनायो।

२ तिमोथी 2:18

तिन दुइ मान्सनले सत्यमी बिश्वास अद्द छाड्या छन। तिनन भण्नाहान कि परमेश्वरले पइल्ली मर्या बिश्वासिनलाइ अनन्त जीवनकिलाइ मर्या बठेइ जिउना बनाइ सक्या छन। परिणाम स्वरुप, तिननले केइ बिश्वासिनलाइ बिश्वास बठेइ टाडा लइया छन।

हिब्रु 11:35

केइ स्वानिले आफ्ना प्यारा मान्सलाइ मर्या बठेइ जिउना पायो। कति मान्सन त कुटाइ खाइबर मर्या, तर आफ्नो बिश्वास त्याग्द चाएइन, ताकि तिननले मर्या बठेइ जिउना भइबर और निको जीवन पाउन सकुन।

हिब्रु 9:10

क्याकि तिनन बाहिरि जीवनका नियममि मान्तर आधारित छन, अथवा खान्या, पिउन्या रे बिभिन्न बिधिका इसनान। परमेश्वरले मान्सनसित नयाँ करार बाद्या पछा मान्तर यो पुरा हुनु आवश्यक थ्यो।

२ पत्रुस 3:7

तर परमेश्वरले तसइ बचनले अग्गास रे पृथ्बी अइल लगइ अस्तित्वमि राख्या छ, ताकि तिननलाइ आगोले नास अद्द सकउ। परमेश्वरले तिनन मान्सनलाइ न्यायकी दिनकि निउति राख्या छ, उनले तिनन मान्सलाइ नास अद्द्या हुन, जइले उनरो आज्ञापालन अद्दइन।