हिब्रु 13:4 - डोटेली नयाँ करार

⁴ ब्या सब बठेइ आदरणीय होउ, रे एक अर्खा प्रति बिश्वासयोग्य बनीराख, क्याकि दुराचारी रे ब्यभिचारीको इन्साफ परमेश्वरले अद्दया हुन।

हिब्रु 13:4 ပူးပေါင်းရင်းမြစ်များ

१ कोरिन्थी 5:13

क्याकि ख्रीष्टमी बिश्वास अद्द्या मान्सनको न्याय परमेश्वरले अद्द्या हुन। तर जसेरि पबित्र सास्त्रमि लेखिया छ, “अनैतिक मान्सलाइ तमनले आफना समुहमी सहभागी हुन जन दिय।”

१ कोरिन्थी 6:18

पुरा रुपमि व्यभिचार बठेइ अलग बस। और कसइ लगइ पापले शरीरलाइ सिदाइ असर पड्डइन जसेरि यइले असर पाणन्छ, तर व्यभिचार अद्द्या मान्सले आफनाइ शरीरका बिरोधमी पाप अरन्छ।

१ कोरिन्थी 6:9

तमनलाइ पक्‍का था छ कि दुष्ट मान्सन परमेश्वरका राज्यका हकदार हुनाइन। कसले तमनलाइ धोका जन देउ। जो मान्सन अनैतिक, मुर्तिपुजक, व्यभिचारि, समलिङगि, पुरुषगामि।

१ कोरिन्थी 7:38

इसेरि जइले कन्यालाइ ब्या अरन्छ, उइले ठीक अरन्छ, तर जइले ब्या अद्दइन, उइले झिक निको अरन्छ।

१ कोरिन्थी 9:5

क्याकि और येशू ख्रीष्टको छान्या शिष्या रे प्रभुका भाइन रे पत्रुसले (केफास) आफ्ना स्वानिलाइ आफसित यात्रामि लइजानाहान, तबइकिलाइ हामलाइ लगइ यो अधिकार छ।

२ कोरिन्थी 5:10

क्याकि हाम सब ख्रीष्टका न्याय आसनका अगाडी खडा हुनु पणन्छ, इसेरि सरीरमि हुन्ज्या आफले अर्या अनसार हरेकले निका वाँ खराब प्रतिफल पाउन्या हुन।

गलाती 5:19

पापमय स्वभाबका काम प्रत्यक्ष छन, अथवा जो यिनइ हुन:व्यभिचार, अपबित्रता, अनैतिक काम,

गलाती 5:21

डाह, पियक्‍कडपन, अनैतिक मोजमज्जा रे इसाइ और सब किसिमका खराब काम अददाहान। यिन सब कुरणिका बारेमि पइल्ली चेतावनी दिया जसेरि अइल लगइ चेतावनी दिन्नाछु, जइले इसा काम अद्दाहान परमेश्वरका राज्यका हकदार हुन्या होइन।

एफिसी 5:5

क्याकि तमन यो पक्‍का जाणन्छौ, कि व्यभिचारि अथवा दुराचारी मान्स अथवा लोभि मान्स जो एक मुर्तिपुजक हो, जइले संसारका कुरणीलाइ आराधना अरन्छ, तिनन ख्रीष्ट रे परमेश्वरको राज्यका भागि हुन्या आथिन।

१ थेसलोनिकि 4:6

तसोइ अरिबर कसइले आफना बिश्वासीनका बिरुद्दमि पाप जन अरउ अथवा तइको फाइदा जनउठाउ। क्याकि प्रभु येशूले इसा सब काम अद्द्यालाइ दण्ड दिन्या हुन। हामले तमनलाइ यइ बारेमि पइल्ली गम्भीर चेतावनी दियाछौ।

१ तिमोथी 3:12

सेवकन आफनी स्वानिसित बिश्वासयोग्य हुनु पणन्छ, आफना चेलाचेली रे परिबारका और सदस्यलाइ निक्केरि चलाउन सक्द्या हुनु पाणन्छ।

१ तिमोथी 3:2

तबइकिलाइ एक अगुवामी यिन गुण हुनु पाणन्छ: उ निर्दोष हुनु पणन्छ, उइकी एक मान्तर स्वानी हुनु पणन्छ, संयमि, उइले अद्दया हरेक काममी आत्मनियन्त्रण अद्द्या, सम्मान पाउन योग्य, पाउनाको स्वागत अद्दया रे परमेश्वरको बचन निक्केरि सिकाउन सकद्या हुनु पणन्छ।

१ तिमोथी 3:4

आफ्नो परिबार निक्केरि चलाउन सक्द्या हुनु पणन्छ, रे आफना चेला चेलीलाइ सब कुरणीमि आदरपुर्वक आज्ञापालन अद्द सिकाउनु पणन्छ।

१ तिमोथी 4:3

तिनन झुटा शिक्षकले गलत किसिमले सिकाउनाहान कि ब्या अददु रे कसइ किसिम खाना खानु गलत हो। तर परमेश्वरले यिन खान्या चिज उनमी बिश्वास अद्दया रे सत्य शिक्षालाइ जाणन्छ मान्सनकि निउति बनायो जइले धन्यबाद दिबर खानाहान।

१ तिमोथी 5:14

तबइकिलाइ म सल्लाह दिनउ। जबान बिधवाले ब्या अरुन चेलाचेली पाउन घरबार सम्हालुन। ताकि बिरोधिले तिनरा बिरुद्दमि केइ भणन सक्द्या होइन।

तितस 1:6

अगुवाकी एक मान्तर स्वानी हुनु पणन्छ, उ दोस रहित हुनु पणन्छ, तइका चेलाचेली बिश्वासि हुनु पणन्छ रे तिनन चरित्रहिन रे अनाज्ञाकारी हुनु पड्डइन।

हिब्रु 12:16

कोइलगइ व्यभिचारि अथवा अब्राहामको नाति एसाव जसोइ अधर्मि जन होउ, क्याकि उ जेठो चेलो थ्यो, रे उइलाइ बिसेस उत्तराधिकारी हुन्या अधिकार थ्यो। तर उइले जन्मसिद्द अधिकारको सम्मान अरेइन, तबइकिलाइ उइले आफ्नो कान्छो भाइ, याकुबलाइ एक छाक खानाइकी निउति आफ्नो जन्मसिद्द अधिकार समेत बेच्दियो।

प्रकाश 22:15

खराब काम अद्द्या, रे मन्त्रतन्त्र अद्द्या, व्यभिचारि, हत्यारा, मुर्ति पुज्ज्या रे झुट बोलल्या तिनन कभइ लगइ सहर पस्स सक्दाइन।”