हिब्रु 12:3 - डोटेली नयाँ करार

³ तबइकिलाइ येशूका उदाहरणका बारेमि बिचार अर, उनलाइ घृणा अद्द्या पापी मान्सन बठेइ उनले इति बिरोध कसेरी सयो होलो, ताकि तमन थगिबर परमेश्वरमि बिश्वास अद्द जन छाड।

हिब्रु 12:3 ပူးပေါင်းရင်းမြစ်များ

मत्ती 11:19

तर म, मान्सको चेलो खानोइ रे पिनोइ आयो, रे तिनन भण्नाहान, ‘हेद्दा, घिचुवा, पिउन्यावालो, कर उठाउन्या रे पापीको साथी!’ तर मान्सका कामले साबित अरन्छ कि उ बुद्दिमान छ।”

मत्ती 12:24

तर इसो सुणिबर फरिसि मान्सनको समुहले भाण्यो, “येइ मान्सले भूतका मालिक सैतान बठेइ मान्तर भूत धपाउछ।”

मत्ती 15:2

“तमरा शिष्या हामरो पुर्खाको परम्परा अन्सार हिट्टाइन रे नीकेरि हात धुनाइन।”

मत्ती 21:23

येशू मन्दिर भित्तर पसिबर शिक्षा दिनतक यहुदि मुख्य पुजारिन, रे मोशाको कानुन सिकाउन्यावाला, यहुदि मान्सनका अगुवा उनरा वाँ आया। तिननले येशूलाइ सोध्यो, “कइ अधिकारले तम यइ काम अरन्छौ? यिन काम अदद्या अधिकार तमलाइ कइले दियो?”

मत्ती 21:46

तिननले येशूलाइ पक्कोड्ड खोजाथ्या। तर तिनन मान्सनले बिरोध अददाहान भणि डरायाथ्या, क्याकी मान्सनले येशूलाइ अगमबक्ता हुन भणि माणन्थ्या।

मत्ती 22:15

तब फरिसि मान्सनको समुह गइबर उनराइ कुरणीमि उनलाइ कसेरी फसाउनाउ भणि सल्लाह अद्द पस्या।

लूका 14:1

एक बिश्राम दिनमि येशू फरिसि मान्सनको समुहका कोइ एक जाना सासकका घरमि खानाइ गया। ताँ फरिसि मान्सन रे कानुन सिकाउन्यावाला उनरो दोस खोज्जाइलाइ दोबा लागीरइथ्या।

लूका 15:2

“यइ मान्सले त पापीनलाइ ग्रहण अरन्छ, रे तिननसित खानपिन अरन्छ” भणि फरिसि मान्सनको समुह रे मोशाको कानुन सिकाउन्यावाला गनगन अद्द पस्या।

लूका 16:14

जब फरिसि मान्सनको समुहले यिन सब कुरणी सुण्यो तब तिननले येशूकी खिल्लि उडायो, क्याकि तिनन धनका लोभि थ्या।

लूका 2:34

शिमियोनले तिननलाइ आसिर्बाद दियो, रे उनरी इजा मरियमलाइ भण्यो, “हेर यो बालक इस्राएल देशमि नष्ट अददाइ रे भौत मान्सनलाइ मुक्ति दिनाइ नियुक्त भएका हुन रे उन परमेश्वर बठेइ चिन्हका रुपमि पठाया छ, तर भौत मान्सनले उनरो बिरोध अदद्या हुन।

लूका 5:21

तब मोशाको कानुन सिकाउन्यावाला रे फरिसि मान्सनको समुहले प्रश्न अद्द पस्या, “परमेश्वरको बिरुद्दमि निन्दा अदद्या यो को हो? पाप त परमेश्वरले मान्तर क्षमा अद्द सक्दाहान।”

यूहन्नाले लेख्या सुसमाचार 10:20

तिननमि हइ भौत भण्नाथ्या, “यइलाइ भूत लागिरइछ, रे यो बौलिरइछ। तमन यइकि कुरणी जन सुण।”

यूहन्नाले लेख्या सुसमाचार 18:22

येशूले यिन कुरणी भण्न्या बेला नजिकै कल्लिया मन्दिरको एक चौकिदारमि हइ एकले इसो भणबर एक थप्पडी लाइदियो, “कि तु यहुदि प्रधान पुजारि लाइ इसेरि जबाफ दिन्छइ?”

यूहन्नाले लेख्या सुसमाचार 5:16

तइका लाग्दा यहुदि अगुवानले येशूलाइ खेदो अद्द पस्या, क्याकि उनले यो काम बिश्राम दिनमि अरिराइथ्यो।

यूहन्नाले लेख्या सुसमाचार 7:12

भिडका बिचइनि उनरा बारेमि खलबल हुन पस्यो। कोइ भण्नाथ्या, “उन निका छन।” कोइ भणन्थ्या, “नइ, यइले मान्सलाइ भ्रममि पाडिराइछ।”

यूहन्नाले लेख्या सुसमाचार 8:13

पइ फरिसि मान्सनको समुहले उनलाइ भण्यो, “तम आफनाइ बिसयमि गवाही दिन्छौ; तमरो गवाही सत्य आथिन।”

यूहन्नाले लेख्या सुसमाचार 8:52

तब यहुदि अगुवानले येशूलाइ भण्यो, “आब हामलाइ था भयो कि तमलाइ भूतइ लाग्या छ। अब्राहाम रे अगमबक्तान लगइ मर्या तर तम भणन्छौ कसइले मेरो बचन पालन अरन्छ भण्या उ कभइ मद्द्या आथिन।

यूहन्नाले लेख्या सुसमाचार 8:59

तब तिननले उनलाइ हाण्नाइलाइ ढुङा समायो तर येशू लुकीबर मन्दिर बठेइ बाइर गया।

यूहन्नाले लेख्या सुसमाचार 9:40

यिन कुरणी सुणिबर उनरा नजिकै भया फरिसि मान्सनको समुहमी हइ कसइ-कसइले उनलाइ भण्यो, “तम कि भणन्ना छौ कि हाम लगइ अन्धा हु पइ?”

१ कोरिन्थी 15:58

तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।

२ कोरिन्थी 4:1

तबइकिलाइ परमेश्वरका कृपा बठेइ हामसित परमेश्वरको बचन प्रचार अद्द्या सेवा भया हुनाले हाम हरेस खानाइन।

२ कोरिन्थी 4:16

तबइकिलाइ हाम हरेस खानाइन। हामरो शरीर बिस्तारइ मद्दोइ गया लगइ हामरो आत्मा भण्या दिन-दिनइ नयाँ हुनोइ जान्छ।

गलाती 6:9

भलाइ अद्द्या काममी हाम निरुत्साहित जन होउ, क्याकि यदि हामले कभइ हिम्मत हारेइन भण्या परमेश्वरले आफ्नो समयमि हामलाइ इनाम दिन्या हुन।

२ थेसलोनिकि 3:13

तर बिश्वासि भाइन हो, तमन असल कुरणी अद्दाइ कभइ निरास जन होउ।

हिब्रु 12:2

हामरा बिश्वास सुरु अद्द्या रे सिद्द अद्द्या येशूलाइ हाम हेरिराख्दाउ, जइले भविष्यमी पाइन्या आनन्दकी निउति अपमानलाइ केइ जसो नमाणिबर क्रुसको कष्ट भोग्यो, रे अइल उन परमेश्वरको सिंहासनको दाइन तिर उच्च सम्मानका ठाउँमि विराजमान छन।

हिब्रु 12:5

परमेश्वरले चेलाचेली जसेरि तमनलाइ इसेरि उत्साहका सब्द भण्या तमनले भुल्या, “हे मेरो चेलो, परमप्रभुले तुइले अर्या गल्ती धेकायो भण्या ध्यान दिय, रे उनले तुलाइ हकारनज्या हरेस जनखाइ,

हिब्रु 3:1

तबइकिलाइ परमेश्वरले स्वर्गमि उनसित सहभागी हुनाइलाइ बोलाया बिश्वासि भाइन हो, येशूमि मन ला, जो हामरा निउति परमेश्वरका राजदुत रे यहुदि प्रधान पुजारि छन।

१ पत्रुस 2:23

जब मान्सनले येशूलाइ अपमान अर्यो, उनले तिनरो अपमान अरेइन। जब मान्सनले उनलाइ कष्ट दियो, उनले बादलमि तिननलाइ चोट पुर्याउन्या कोशिस कभइ अरेइन। बरु, उनले सहयोगकि निउति परमेश्वरमि भरोसा राख्यो। उनलाइ थाहा थ्यो कि परमेश्वरले सदाइ मान्सनको न्याय उचित रितिले अददाहान।

प्रकाश 2:3

म जाण्नउ कि तमनले ममि बिश्वास अर्या हुनाले तमनले धैर्यसित कष्ट सयाछौ, पइलगइ ममि तमरो भरोसा बलियो छ।