गलाती 5:21 - डोटेली नयाँ करार

²¹ डाह, पियक्‍कडपन, अनैतिक मोजमज्जा रे इसाइ और सब किसिमका खराब काम अददाहान। यिन सब कुरणिका बारेमि पइल्ली चेतावनी दिया जसेरि अइल लगइ चेतावनी दिन्नाछु, जइले इसा काम अद्दाहान परमेश्वरका राज्यका हकदार हुन्या होइन।

गलाती 5:21 ပူးပေါင်းရင်းမြစ်များ

मत्ती 25:34

रे म, राजाले आफना दाइन तिरकालाइ भणन्या हु, “आस, तमन मेरा पिताका धन्यका मान्सन हो। संसारका उत्पति बठेइ तमरा निउति तयार पाड्याको राज्यमि अधिकार अर।

लूका 21:34

तर तमन आफना बिसयमि होस अर्या, नत्र भण्या भोग-बिलास, मतवालीपन रे जीवनको फिक्रिले तमरो मन दबेलो, रे तमनमि अचानक पासो जसोइ आइ पड्डे हो।

रोमी 13:13

हाम अन्धकारमि होइन तर ज्योतिमि बस्सया मान्सन जसेइ उचित ब्यबहार अरौ। मोजमजामि, दारु खानामि, व्यभिचारमि, भ्रष्टाचारमि, झगडामि रे रिसमि होइन।

रोमी 8:13

क्याकि यदि तमन पापी स्वभाव अन्सार जिउन्छौ भण्या, तमन परमेश्वर बठेइ अलग हुन्या हो, तर यदि परमेश्वरका आत्मा बठेइ तमरो पापी स्वभाबले चायाकि कुरणी बन्द अरन्छौ भण्या तमन जिउन्या हउ।

१ कोरिन्थी 15:50

बिश्वासि भाइन हो, यइ धर्तीमि हामरो शरीर मासु रे रगत बठेइ बन्या हो, स्वर्गमि यो सरीरसित परमेश्वरका राज्यमि रनसक्दाइन। हाम यो शरीर सित स्वर्गमि जान सक्दाइन, जो मद्द सकन्छ, क्याकि ताँ मृत्यु हुनइन।

१ कोरिन्थी 5:11

तर इसा मान्सनको संगत जन अर्या भणबर मइले तमनलाइ लेख्या, जइले आफइलाइ बिश्वासि हु भणि भणन्छ, तर साच्ची जो व्यभिचारि, अथवा लोपारि, अथवा मुर्तिपुजक, अथवा निन्दा अद्द्या, अथवा दराहा, अथवा ठग हो। तसा मान्ससित त खानाइ लगइ बसउ जन।

एफिसी 5:18

दारु खाइबर जन मात्तिय, क्याकि यइले मान्सनलाइ असभ्य रे अनियन्त्रित तरिकाले ब्यबहार अद्द्या बनाउन्छ, बरु तमनलाइ पबित्र आत्माले नियंत्रण अद्द दिय।

कलस्सी 3:6

क्याकि जो मान्सनले तिन खराब कुरणी अरन्छ, परमेश्वरले तिननलाइ पक्‍का कडा दण्ड दिन्या हुन।

१ थेसलोनिकि 5:7

क्याकि सिन्या रातमि सिनाहान रे दारु खाइबर मात्तिन्या रातइ मात्तिनाहान रे तिननलाइ कि हुन्या हो केइ था हुनइन।

२ थेसलोनिकि 2:5

तमनलाइ पक्‍का याद छ कि जब म तमनसित थ्या तब म भौत जसो यिन कुरणी भणन्या अरनथ्या।

हिब्रु 13:4

ब्या सब बठेइ आदरणीय होउ, रे एक अर्खा प्रति बिश्वासयोग्य बनीराख, क्याकि दुराचारी रे ब्यभिचारीको इन्साफ परमेश्वरले अद्दया हुन।

१ पत्रुस 4:3

बितेका दिनमि तमनले अबिश्वासिनलाइ अद्द मन पड्डया काम अरिबर भौत समय बर्बाद अर्या। तमरो जीवन अनैतिकता, अभिलाषा, भोज, मद्यपान, मोजमज्जामि, रे मुर्ति पुजामी बित्यो, जइलाइ परमेश्वरले घृणा अददाहान।

प्रकाश 21:27

तर जी लगइ फोहोर भया अथवा खराब काम अद्द्या वाँ झुट बोल्लया, तिननलाइ पक्‍कालगइ प्रवेश अददाइ अनुमति थेइन। यइमि प्रवेश अद्द सक्द्या, तिन मान्सन हुन जइको नाउ थुमाका तइ किताबमी लेखिया छ, जइमि अनन्त जीवन पाया मान्सनको नाउ लेखिया छ।

प्रकाश 22:15

खराब काम अद्द्या, रे मन्त्रतन्त्र अद्द्या, व्यभिचारि, हत्यारा, मुर्ति पुज्ज्या रे झुट बोलल्या तिनन कभइ लगइ सहर पस्स सक्दाइन।”