गलाती 5:13 - डोटेली नयाँ करार

¹³ बिश्वासि भाइन हो, तमन परमेश्वर बठेइ स्वतन्त्र हुनाइ बोलाइया हौ, तबइकिलाइ आब तमनले मोशाको कानुन पालन अददु पड्डइन। तर आफना पापमय स्वभाव पुरा अद्दया अबसर जन बना, बरु आफ्नो स्वतन्त्रता एक अर्खाको सेवा अद्दाइ रे प्रेम अद्दाइ प्रयोग अर।

गलाती 5:13 ပူးပေါင်းရင်းမြစ်များ

लूका 4:18

परमेश्वरका आत्मा ममि छ, क्याकि गरिबलाइ सुसमाचार सुणाउनाइलाइ उनले मलाइ अभिषेक अरिराइछ। कैदीनलाइ स्वतन्त्रताको घोषणा अद्दाइलाइ, रे अन्धालाइ दृष्टि दिनाइलाइ, अत्याचारमि पड्या सबलाइ मुक्त अद्दाइलाइ,

प्रेरित 20:35

मइले सब कुरणीमि तमलाइ उदाहरण दिइराइछु कि तमनले लगइ यिसेरी कडा मेहनत अरिबर गरिबलाइ सायता अद्दु पणन्छ। प्रभु येशूको बचन याद राख, कसेरी उन आफइले भणिराइछ, कि लइजानु भण्ना दिनु आजी निको हो।

१ कोरिन्थी 8:9

तर होशियार हो, तमरो यो स्वतन्त्रता बिश्वासमि कमजोर भया मान्सनका निउति बिश्वास छाड्डया कारण जन हो।

१ कोरिन्थी 9:19

यइको मतलब यो हो कि तिननले मलाइ पैसा तिर्या हुनाले म मान्सनको आज्ञापालन अददाइ बाद्य आथिन, तर म सबको दास भया छु, ताकि म तिननलाइ ख्रीष्टमी ल्याउन सकु।

२ कोरिन्थी 12:15

म आफइलाइ रे मसित भया सबै कुरणी लगइ दिनाइ म खुशी हुन्या हु, ताकि म तमनलाइ परमेश्वरको अनुकरण अददाइलाइ सहयोग अद्द सकु। म तमनलाइ भौत प्रेम अद्दउ, तर इसो लाग्नछ तमन मलाइ थोकाइ प्रेम अरन्छौ!

२ कोरिन्थी 2:8

तबइकिलाइ म तमनलाइ बिन्ति अद्दउ, कि तमनले तइलाइ पक्‍का प्रेम अददाउ भणबर भण।

२ कोरिन्थी 3:17

आब प्रभु आत्मा हुन रे जाँ प्रभुका आत्मा छन ताँ कानुन बठेइ स्वतन्त्रता हुन्छ।

२ कोरिन्थी 4:5

क्याकि हाम आफ्नो प्रचार अद्दाइन, तर येशू ख्रीष्टइ प्रभु हुन भणन्या कुरणी प्रचार अद्दाउ। रे हाम येशूका खातिर तमरा सेवक हौ।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

गलाती 4:22

पबित्र सास्त्रमि यो लेख्या छ कि अब्राहामका दुइ चेला थ्या, तइको एक चेलो हागार बठेइ जन्मया थ्यो, जो एक नौकरनी थी। रे अर्खो चेलो सारा बठेइ जन्मया थ्यो, जो नौकरनी होइन।

गलाती 5:1

ख्रीष्टले हामलाइ स्वतन्त्र बनायो ताकि हाम मोशाको कानुन पालन अद्दा बठेइ स्वतन्त्र हुन सकु। तबइकिलाइ पक्‍का हो कि तमनले आफ्नो स्वतन्त्र जोगाइ राख। आफलाइ आजी मोशाको कानुन पालन अरिबर अधिनमी हुन जन दिय।

गलाती 5:14

क्याकि सब कानुन एकइ आज्ञामी छ, “तुइले आफ्नो छिमेकिलाइ आफलाइ जसेरि प्रेम अर।”

गलाती 5:22

तर पबित्र आत्माले हाममि ल्याउन्या गुण यिन हुन: प्रेम, आनन्द, सान्ति, दया, धैर्य, भलाइ, विश्वासता,

गलाती 6:2

हामले एक अर्खालाइ सहयोग अददु पणन्छ, हाम मध्ये जो लगइ समस्यामि हुन्छ, रे इसेरि हामले ख्रीष्टको कानुन पालन अददाउ।

एफिसी 5:21

हाम ख्रीष्टको प्रति श्रद्धा भया हुनाले एक अर्खाका अधिनमी बस।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

१ पत्रुस 2:16

तमनलाइ भण्या, कोइलगइ आथिन जइले तमनले चाया काम अद्द बठेइ रोक्द सकन्छ, क्याकि तमन हामरा प्रभु येशू ख्रीष्ट बठेइ पइल्ली स्वतन्त्र भइ सक्याछौ। तर खराब काम अद्द्याकि निउति यइलाइ बहाना जन बना। बरु तमनले आफ्नो काममी यो धेकाउनु पणन्छ कि तमन साँच्चि परमेश्वरका सेवक हौ।

२ पत्रुस 2:19

झुटा शिक्षकले मान्सनलाइ भण्नाहान कि तिनन आफले खोज्या जसोइ काम अददाइ स्वतन्त्र छन, याँ सम्मकि तिनन आफइ लगइ दास जसा छन, क्याकि तिनरो आफनोइ पापी स्वभाबले तिननलाइ पापको काम अद्द बाद्य अराउन्छ। हामलाइ था छ कि जइ कुरणीले कसइ मान्सलाइ जित्नछ तसइ कुरणीले तइलाइ दास बनाउन्छ।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।