गलाती 5:10 - डोटेली नयाँ करार

¹⁰ तर म प्रभुमि बिश्वास अद्दाछु कि उनले तमनलाइ झुटा शिक्षामि बिश्वास अद्दा बठेइ रोक्दया हुन। तर तमनलाइ अलमलयाउन्या जो भया लगइ, तइले परमेश्वर बठेइ दण्ड पाउन्या हो।

गलाती 5:10 ပူးပေါင်းရင်းမြစ်များ

प्रेरित 15:24

हामले सुणिराइछौ, कि हामरा बिचइनिका कसइ कसइ मान्सनले हामरो आदेस बिना तमनलाइ उल्टो शिक्षा दिइबर तमनलाइ भौत कुरणीमि दु:ख दिइराइछ।

१ कोरिन्थी 5:5

तइ पापी ब्यबहार अद्द्या मान्सलाइ मण्डलि बठेइ बाइर निकाल रे तइ मान्सलाइ सैतानका अधिकारमि आजी दिय। ताकि तइले पाप अद्द छाडिबर परमेश्वरतिर फर्कउ। क्याकि यदि तइले पाप अद्द छाडिबर परमेश्वरतिर फर्कन्छ भण्या प्रभुले न्याय अद्द्या दिनमि साच्ची उ बचाइन्या हो।

२ कोरिन्थी 1:15

तमनले हामलाइ बुज्न्छौ भणन्या कुरणीमि म पक्‍का भया हुनाले म तमनलाइ पइल्ली बेर भेट्टाइ खोज्जाथ्या, ताकि तमनलाइ दुइ बेर भेट्टाइ आया आशिस तमनलाइ हुन सकउ।

२ कोरिन्थी 10:2

केइ मान्सनले भण्या छन कि हाम यइ संसारका मान्सन जसाइ ब्यबहार अददाउ। तबइकिलाइ जब म आउनउ तब म तिननसित कठोर हुनु पड्डया छ। म जोरसित बिन्ति अद्दउ कि जब म आउन्या हु तब मइले तमनसित कठोर ब्यबहार अददु पड्डया आथिन।

२ कोरिन्थी 10:6

जब तमन ख्रीष्टमी पुरा आज्ञाकारी हुन्छौ। हरेक जो अनाज्ञाकारी छ उइलाइ दण्ड दिनाइ हाम तयार बस्या हौ।

२ कोरिन्थी 13:10

तबइकिलाइ म तमरा वाँ आउना हइ पइल्ली म तमनलाइ यो कुरणी लेख्दाछु, ताकि प्रभुले मलाइ तमनलाइ दण्ड दिन्या अधिकार दिया छन भणि म तमनलाइ धेकाउन सकु। क्याकि म आफ्नो अधिकार प्रयोग अरिबर तमनलाइ बिश्वासमि बलियो बनाउन चाहानउ, नास अद्द चाहानइन।

२ कोरिन्थी 2:3

रे मइले जो कुरणी लेख्या त्यो येइ हेतुले लेख्या, कि म आउन्ज्या जइ मान्सन बठेइ मइले आनन्द पाउनु पड्ड्या थ्यो तिनन बठेइ म दु:खित जन हु। क्याकि मेरो आनन्द तमन सबको आनन्द हुन्छ भण्या मलाइ तमन सबका बारेमि भरोसा थ्यो।

२ कोरिन्थी 2:6

तमन मध्ये भौत बिश्वासीनले दिया सजाय तइलाइ पर्याप्त छ।

२ कोरिन्थी 5:16

तबइकिलाइ आब बठेइ हाम कसइलाइ मान्सका नजरले हेद्दाइन। हामले ख्रीष्टलाइ एक बेला संसारिक नजरले हेर्याथ्या, तर आब बठेइ उनलाइ इसेरि हेद्द्या आथिन।

२ कोरिन्थी 7:16

म रमाउनउ, क्याकि तमनमि मेरो पुरा भरोसा छ।

२ कोरिन्थी 8:22

रे तितससित हाम एक अर्खा बिश्वासि भाइलाइ पठाउन्नाछु, जइलाइ हामले भौत बेर जाँचिबर भौत कुरणीमि जोसिला पाया छु। तमन प्रति भया तिनरो ठुलो भरोसाका लाग्दा तिन आजी बरता जोसिला भया छन।

गलाती 1:7

साच्ची एक मान्तर सत्य सुसमाचार छ। तर केइ मान्सनले ख्रीष्टका बारेमिको सुसमाचारलाइ बद्ल्ल खोज्जा छन, रे तिननले तमनलाइ भ्रममि पाड्या छन।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

गलाती 2:6

यरुशलेम सहरमि भया तिन मण्डलिका अगुवानले मइले सिकाउन्या शिक्षालाइ बदेल्लाइ दबाब दियइन, तिन अगुवान जति ठुला भया लगइ यइले मलाइ केइ फरक पड्डइन, क्याकि परमेश्वरले बाइरको रुप हेरिबर न्याय अद्दाइन।

गलाती 3:1

हे बहकाइया गलाती बासि हो, कसइले तमनलाइ धोका दिया हुनु पणन्छ। मइले तमनलाइ निक्केरि भण्या छु कि येशू ख्रीष्ट क्रुसमि मद्दया कारण कि थ्यो।

गलाती 4:11

मलाइ चिन्ता छ कि तमनले अद्दारया काम बठेइ, तमरा बिचमि अर्या मेरो सेबकाइ व्यर्थ भया छ।

गलाती 4:17

तमनलाइ भ्रममि पाड्या मान्सनले तमनलाइ आफना पक्षमि ल्याउनाइ उत्सुक छन, तमरि निउति तिनरो उद्देश्य असल आथिन, तर तिनरो उद्देश्य तमनलाइ म बठेइ अलग अददु हो, ताकि तमन तिनरा शिष्य बन्न सक।

गलाती 4:20

म चाहनउ कि म तमनसित रउ, ताकि म तमनसित नम्र भइबर बोल्ल सकु, क्याकि म तमरा बिसयमि भौत चिन्तित छु।

गलाती 5:12

तमनलाइ झुटा शिक्षा दिन्या मान्सले आफइलाइ नपुंसक बनाया भयले लगइ हुन्छ।

गलाती 5:7

तमनले ख्रीष्ट सितको सम्बन्धमि भौत निको प्रगति अद्दाथ्या, कइले तमनलाइ सत्य पालन अद्दाइलाइ बाधा दियो?

गलाती 6:17

आब बठेइ कसइले मलाइ कष्ट जन देउ, क्याकि मेरा सरीरमि भया डामले म येशूको दास हु भणबर धेकाउन्छ।

फिलिप्पी 3:15

हाम आत्मिक रुपमि परिपक्व हुन्या सबले यिसेरी बिचार अददु पणन्छ। रे यदि तमरो आजी और बिचार छन भण्या परमेश्वरले तमनलाइ त्यो लगइ स्पष्ट पाडीदिन्या हुन।

२ थेसलोनिकि 3:4

हामले तमनलाइ जी कुरणी अद्दाइलाइ भण्या थ्या तमन तसोइ अद्दाछौ रे लगातार अद्दया होउ भण्न्या हामले तमनका बारेमि प्रभुमि भरोसा राख्याछौ।

१ तिमोथी 1:20

तिननमि हइ हुमेनियस रे अलेक्जेण्डर हुन, मइले तिननलाइ सैतानको सक्तिमि सुम्पिबर सजाय दिया छु। यइ कुरणीले तिननलाइ परमेश्वरको निन्दा अद्द बठेइ रोक्द सिकाउन्या हो।

फिलेमोन 1:21

म तुलाइ यो चिठ्ठी लेख्दाछु, क्याकि मइले तुलाइ बिन्ति अर्या कुरणी तुइले अद्दया हइ भणबर म पक्‍का छु। रे मलाइ था छ कि मइले बिन्ति अर्या भण्ना झिक बडता अद्द्या हइ।