गलाती 2:2 - डोटेली नयाँ करार

² म ताँ गया क्याकि परमेश्वरले मलाइ जा भण्याथ्यो। रे जब म ताँ थ्या मइले मण्डलिका अगुवासित एकान्तमी भेट्या, रे गैर-यहुदिलाइ प्रचार अर्या सुसमाचार ब्याख्या अर्या, ताकि मइले पइल्ली अर्या काम अथवा रे जो काम म लगातार अद्द्या हु त्यो व्यर्थ जन होउ।

गलाती 2:2 ပူးပေါင်းရင်းမြစ်များ

मत्ती 10:16

हेर, म तमनलाइ ब्वाँसाका बिचमि भेडाका पाठा जसेरि पठाउन्नाछु, तबइकिलाइ तमन स्याप जसा चलाँक रे परेवा जसा निर्दोष होइजा।

प्रेरित 15:12

तइ बेला सभामी भया सब मान्सन चुप लाग्या, रे बारनाबास रे पावलले गैर-यहुदि मान्सनका बिचइमि परमेश्वरले तिनन बठेइ अर्या चमत्कारी चिन्ह रे अचम्मका कामका बारेमि बताउन्ज्या ताँ भया सब मान्सनले ध्यान दिइबर सुण्यो।

प्रेरित 15:2

तब तिनन मान्सनसित पावल रे बारनाबासको बड्ताइ मतभेद रे वाद-बिबाद भया पछा, ताँका बिश्वासि मान्सनले पावल, बारनाबास रे और कति जाना मान्सनलाइ यइ प्रस्नको फैसलाकि निउति येशू ख्रीष्टका छान्या शिष्या रे मण्डलिका अगुवानका वाँ यरुशलेम सहर जानाइ निउति नियुक्त अर्यो।

प्रेरित 15:4

जब पावल रे बारनाबास यरुशलेम सहरमि पुग्या, तब तिननलाइ मण्डलि, येशू ख्रीष्टका छान्या शिष्या रे मण्डलिका अगुवानले स्वागत अर्यो। परमेश्वरले तिननसित अर्या सब कुरणी तिननलाइ ताँ भण्यो।

प्रेरित 18:9

एक रात दर्सनमि प्रभुले पावललाइ भण्यो, “जन डराइ, बोल्लोइ जा, रे चुप जन लागेइ,

प्रेरित 23:11

भोलिबारका रात प्रभु येशूले पावलका नजिक कल्लिबर भण्यो, “साहस अर, पावल, क्याकि जसेरि तुइले यरुशलेम सहरमि मेरो गवाही दिइ, तसेरि तुइले रोम सहरमि लगइ गवाही दिनु पणन्छ।”

प्रेरित 5:34

तइ बेला गमलिएल नाउँ भया फरिसि मान्सले यहुदि महासभाका अगाडी कल्लिया। उन तिनन सब मान्सनले माणेका मण्डलिका अगुवा थ्या। उनले येशू ख्रीष्टका छान्या शिष्यालाइ एक बेरइ निउति सभा बठेइ बाइर जान्या आज्ञा दियो।

रोमी 9:16

तबइकिलाइ परमेश्वरले तइ मान्सलाइ छान्या हुन जइलाइ उनले दया धेकाउन्या निर्णय अर्यो, उनरो छनोट मान्सनले अद्द खोज्या काम अथवा इच्छामि भर पड्डइन।

१ कोरिन्थी 1:23

तर हाम प्रचार अददाउ कि ख्रीष्ट हामरा पाप बठेइ छुटकारा दिनइ क्रुसमि मर्या। जो यहुदि मान्सनका निउति बाधा रे गैर-यहुदि मान्सनकि निउति मुर्खता हो।

१ कोरिन्थी 2:2

क्याकि तमनसित हुनज्या येशू ख्रीष्ट रे उन क्रुसमि मर्या कुरणी बाहेक और केइ नजाण्न्न्या मइले पक्का अर्या।

१ कोरिन्थी 9:24

तमनलाइ था छ, कि दौडमि दकुड्डया भौत हुनाहान, तर इनाम एकइले मान्तर पाउन्छ। तबइकिलाइ तमन इनाम पाउन्या हिसाबले दौड।

१ कोरिन्थी 9:26

एक दौडया मान्सले आफ्नो लक्ष्य राख्या जसेरि अथवा मुक्‍काबाजले आफ्नो मुक्‍का नियन्त्रणमि राख्या जसेरि म आफ्नो ख्रीष्टिय जीवन ख्रीष्टको अधिनमी भइबर जिउनउ।

२ कोरिन्थी 12:1

मइले घमण्ड अद्दुइ पणन्छ। तर यइ बठेइ फाइदा केइ नभया लगइ प्रभु बठेइ पाया दर्सन रे प्रकाशका कुरणी म अद्दाछु।

गलाती 1:12

क्याकि मइले यो पुर्खा बठेइ सिक्या होइन न त मलाइ कसइ मान्सले सिकायाथ्यो तर येशू ख्रीष्टले मलाइ यो धेकाया हो।

गलाती 1:6

म निरास छु कि उनरा मान्सन हुनाइ ख्रीष्टका अनुग्रह बठेइ तमनलाइ बोलाउन्या परमेश्वरलाइ इति छट्टाइ त्यागिबर तमन अर्खो शिक्षामि बिश्वास अद्द लागिरइछौ, जइलाइ मान्सनले सुसमाचार भण्ना हान।

गलाती 2:6

यरुशलेम सहरमि भया तिन मण्डलिका अगुवानले मइले सिकाउन्या शिक्षालाइ बदेल्लाइ दबाब दियइन, तिन अगुवान जति ठुला भया लगइ यइले मलाइ केइ फरक पड्डइन, क्याकि परमेश्वरले बाइरको रुप हेरिबर न्याय अद्दाइन।

गलाती 2:9

याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ।

गलाती 5:7

तमनले ख्रीष्ट सितको सम्बन्धमि भौत निको प्रगति अद्दाथ्या, कइले तमनलाइ सत्य पालन अद्दाइलाइ बाधा दियो?

फिलिप्पी 2:16

अनन्त जीवन दिन्या बचन प्रचार अर ताकि मेरो परिश्रम, रे मिहिनेत खाली गएइन भणबर ख्रीष्ट फर्कि आउन्या दिनमि म गर्व अद्द सकु।

फिलिप्पी 2:29

तबइकिलाइ तमनले प्रभुमि तिनलाइ भौत आनन्दले स्वागत अर रे तिनलाइ रे तिन जसा मान्सनलाइ आदर दिनु पणन्छ।

१ थेसलोनिकि 3:5

तबइकिलाइ तमनले कसेरी अरिराइछौ भणबर नथापाइबर म आब रनसक्दइन। परिक्षा अद्या सैतानले कसइ किसमले तमनलाइ परीक्षामि पाण्यो कि भणि रे हामरो परिश्रम व्यर्थै जालो कि भण्न्या डरले तमरो बिश्वास था पाउनाइलाइ मइले तिमोथीलाइ पठाए।

२ तिमोथी 4:7

युद्दमि असल सिपाइकि जसेरि जइले कभइ लडाइ लड्ड छाड्डइन, मइले, लगइ ख्रीष्टकिलाइ कडा मेहनत अददु कभइ छाड्डइन, येशू ख्रीष्टले मलाइ अददाइ दिया काम पुरा अरिसक्या छु, म अन्तिम सम्म बिश्वासयोग्य होइरइछु।

हिब्रु 12:1

हामरा वलतिर पलतिर यिन मान्सनको बिश्वासको गबाहीको प्रसस्तता छ। तबइकिलाइ आस, हामरा बाटामि आइ पड्डया बाधा रे हामलाइ अल्‍जाइ राख्द्या पापलाइ हाम पन्सायाऔ रे हामरा सामने भया दौड धैर्यसित दौडौ।