गलाती 2:14 - डोटेली नयाँ करार

¹⁴ तर जब मइले सुसमाचारको सत्य शिक्षालाइ पालन नअर्या धेक्या तब मइले सब मान्सनका अगाडी केफासलाइ भण्या, “तम यहुदि मान्स होइबर लगइ गैर-यहुदि मान्सनका चालचलन अनसार चलन्छौ रे यहुदि मान्सनको चालचलन अनसार चल्लानु। यदि तम यहुदि मान्स होइबर तसो अरन्छौ भण्या, आजी क्याकि गैर-यहुदि मान्सनलाइ तमन यहुदि मान्सनको चालचलन अनसार चल्लाइ दबाब दिन्छौ?”

गलाती 2:14 ပူးပေါင်းရင်းမြစ်များ

प्रेरित 10:28

पइ पत्रुसले तिनलाइ भण्यो, “हाम यहुदि मान्सनले एक गैर-यहुदि मान्ससित संगति अद्दु वाँ उइका वाँ जानु हामरा कानुनको बिरुद्द हो, तर कसइ मान्सनलाइ असुद्द भण्नु हुनइन भणि परमेश्वरले मलाइ धेकाइराइछ।

प्रेरित 15:1

आब केइ यहुदि बिश्वासीनले यहुदिया जिल्ला बठेइ एन्टिओखिया सहरमि आइबर बिश्वासि भाइनलाइ यिसो सिकाउन पस्या, “तमनले मोशाको कानुनको अन्सार खतना अर्यानु भण्या तमनले उद्दार पाउन सक्दाहान।”

प्रेरित 15:24

हामले सुणिराइछौ, कि हामरा बिचइनिका कसइ कसइ मान्सनले हामरो आदेस बिना तमनलाइ उल्टो शिक्षा दिइबर तमनलाइ भौत कुरणीमि दु:ख दिइराइछ।

प्रेरित 15:5

तब फरिसि मान्सनका दलका केइ बिश्वास अद्द्याले कलिबर भण्यो, “गैर-यहुदि मान्सन बठेइ आउन्या येशू ख्रीष्टका शिष्याले यहुदि रित अन्सार खतना हुनुइ पणन्छ रे तिननलाइ मोशाको कानुन पुराइ पालना अद्द लाउनु पणन्छ।”

रोमी 14:14

म जाण्नउ, रे प्रभु येशूमि मलाइ पक्‍का छ, कि सब खाना चलन अनसार सुद्द छन, तर जइले त्यो असुद्द माणन्छ, तइका निउति त्यो अशुद्धइ हुन्छ।

गलाती 1:18

तब तीन बर्ष पछा केफाससित भेट्टाइ म यरुशलेम सहर गया, रे उनसित पन्नर दिन सम्म बस्या।

गलाती 1:6

म निरास छु कि उनरा मान्सन हुनाइ ख्रीष्टका अनुग्रह बठेइ तमनलाइ बोलाउन्या परमेश्वरलाइ इति छट्टाइ त्यागिबर तमन अर्खो शिक्षामि बिश्वास अद्द लागिरइछौ, जइलाइ मान्सनले सुसमाचार भण्ना हान।

गलाती 2:3

मेरा साथी तीतस जो ग्रीक हुन तिनरो कभइ खतना भया आथिन। तर यरुशलेम सहरमि भया तिन मण्डलिका अगुवानले उइलाइ स्वीकार अर्यो। तिननले उइलाइ खतना अददाइ कर अरेइन।

गलाती 2:5

हामले तिननलाइ इन्कार अर्या रे तइ कुरणीमि एकइ बेरलाइ लगइ झुकेइन ताकि तमन सुसमाचारको सत्यतामि रन सक।

गलाती 2:7

तर तिन अगुवानले धेक्यो कि परमेश्वरले मलाइ गैर-यहुदि मान्सनलाइ सुसमाचार प्रचार अद्दाइ नियुक्त अर्याछ, जसेरि यहुदि मान्सनलाइ सुसमाचार प्रचार अद्दाइ पत्रुसलाइ नियुक्त अर्याथ्यो।

गलाती 2:9

याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ।

गलाती 6:12

यहुदि मान्सनलाइ खुशी पड्डाइ तिननले तमनलाइ खतना अददाइ दबाब दिनाहान। तिननले यिसो अर भण्नाहान, ताकि मान्सनले येशू ख्रीष्ट क्रुसमि मर्या भणन्या कुरणीमि बिश्वास अरिबर मान्तर उद्दार पाइन्छ भणन्या प्रचार अर्यामी जन सताउन।

कलस्सी 1:5

तमरो बिश्वास रे प्रेम स्वर्गमि तमरि निउति राखिया आसामि आधारित छ। तमनले पइल्ली यइका बारेमि सुण्याछौ। जो येशू ख्रीष्टका बिसयमिको सत्य सन्देश सुसमाचारमि छ।

१ तिमोथी 5:20

जइ मण्डलिका अगुवाले पाप अरिराख्दाहान सब मण्डलिका मान्सका अगाडी तिननलाइ हप्का, ताकि बाकि मण्डलिका अगुवा डराउन।

हिब्रु 12:13

सिदा बाटामि हिटी राख। तब तमरो अनुसण अद्द्या कमजोर रे लङ्गडो भया लगइ तिनन ठेस लागीबर लोटया आथिन, बरु बलिया हुन्या हुन।

हिब्रु 9:10

क्याकि तिनन बाहिरि जीवनका नियममि मान्तर आधारित छन, अथवा खान्या, पिउन्या रे बिभिन्न बिधिका इसनान। परमेश्वरले मान्सनसित नयाँ करार बाद्या पछा मान्तर यो पुरा हुनु आवश्यक थ्यो।