गलाती 2:13 - डोटेली नयाँ करार

¹³ रे केइ एन्टिओखिया सहरका यहुदि बिश्वासीनले लगइ तसोइ कपटि काम अर्यो, याँ सम्मकि बारनाबासले लगइ तिनराइ जसो कपटि ब्यबहार अर्यो।

गलाती 2:13 ပူးပေါင်းရင်းမြစ်များ

मत्ती 23:28

यिसेरी तमन लगइ बाइर भण्या मान्सका अगाडी धार्मि जसा धेकिन्छौ तर भित्तर कपटि रे दुष्टताले भरिएका हुन्छौ।”

प्रेरित 4:36

आब साइप्रस टापुको लेवि कुलका योसेफ, जइलाइ येशू ख्रीष्टका छान्या शिष्याले “बारनाबास” भणि नाउँ राखराइथ्यो (जइको अर्थ उत्साहको चेलो),

१ कोरिन्थी 12:2

तमनलाइ थाइछ कि तमन बिश्वासमि आउना हइ पइल्ली कसेरी जीवन बिताउन्थ्या, तमन भौत कुरणी बठेइ मुर्तिपुजा अददाइ प्रभाबित भया, जइमि जीवन आथिन।

१ कोरिन्थी 15:33

इसा कुरणी भणन्या मान्सन बठेइ मुर्ख जन होउ। खराब संगतले असल चरित्रलाइ बिगाणन्छ।

१ कोरिन्थी 5:6

तइ अनैतिक मान्सका बारेमि दुःख माणनु रे तइलाइ हटाउनुका सट्टामी, मण्डलिले तइका बारेमि घमण्ड अददाछ। थोक्काइ खमिरले जम्माइ ढुल्लोलाइ फुलाइ दिन्छ भण्नया तमनलाइ पक्‍का था छ। तसेरि यदि एक मान्सलाइ पाप अद्द अनुमति दिया भण्या, छिट्टाइ तइ मान्सले और मान्सनलाइ प्रभाव पाड्डया हो।

१ कोरिन्थी 8:9

तर होशियार हो, तमरो यो स्वतन्त्रता बिश्वासमि कमजोर भया मान्सनका निउति बिश्वास छाड्डया कारण जन हो।

गलाती 2:1

चौद बर्ष पछा बारनाबाससित तीतसलाइ संङगइ लइजाइबर म आजी यरुशलेम सहर गया।

गलाती 2:9

याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।