गलाती 1:13 - डोटेली नयाँ करार

¹³ तमनलाइ था छ कि मइले यहुदि धर्मका नियम अनसार जीवन बिताया, रे कसेरी मइले बिश्वासिलाइ भयानक रुपले सताया रे तिननलाइ नास पाड्डया कोशिस अर्या।

गलाती 1:13 ပူးပေါင်းရင်းမြစ်များ

प्रेरित 8:1

स्तिफानसका हत्यामि शाउल लगइ सहमत थ्या। तसइ दिन यरुशलेम सहरमि भया मण्डलिका बिरोधमी ठुलो सतावट सुरु भयो, रे येशू ख्रीष्टका छान्या शिष्या बाहेक तिनन सब यहुदिया जिल्ला रे सामरिया जिल्लातिर छरिया।

प्रेरित 8:3

तर शाउलले मण्डलिलाइ नास अद्दाथ्या, तिन घर-घर पसिबर बिश्वासि बैकान रे स्वानी मान्सनलाइ घसाणीबर लैजान्थ्या रे झेल हाल्दिन्थ्या।

प्रेरित 9:21

तब सुण्न्या जति सब अचम्म माणिबर भण्न्न पस्या, “येशू ख्रीष्टमी बिश्वास अद्द्या सबलाइ माद्द खोज्या मान्स यइ होइन ब? यरुशलेम सहरमि लगइ येशू ख्रीष्टका शिष्यालाइ समाइबर मुख्य पुजारि नका वाँ लैजानाइ आया त होइन ब?”

प्रेरित 9:26

शाउल यरुशलेम सहरमि आया पछा येशूका शिष्यासित भेट्टाइ कोशिस अर्यो। तर येशूका शिष्या शाउलसित डराया। क्याकि उन साच्ची येशूका शिष्य हुन भणि तिननले बिश्वास अद्द सकेइन।

१ कोरिन्थी 10:32

मइले अद्द्या सब काममी सब मान्सनलाइ भौत खुशी बनाउन्या कोशिस अददाछु। म आफ्नो भलाइकी निउति होइन तर सबको भलाइ खोज्जउ, ताकि तिननले उद्दार पाउन सकुन। तसेरि तमनले लगइ इसो जीवन जिउनु पणन्छ जइले यहुदि मान्सन अथवा गैर-यहुदि मान्सन अथवा परमेश्वरकि मण्डलिलाइ कसइ किसिमको समस्या ल्याउनइन।

१ कोरिन्थी 15:9

क्याकि येशू ख्रीष्टको छान्या शिष्य मध्ये म सब भण्ना कम महत्वको हु। म येशू ख्रीष्टको छान्या शिष्य भणिन्या योग्य लगइ आथिन। क्याकि मइले परमेश्वरका मण्डलिका बिश्वासिलाइ सताया छु।

फिलिप्पी 3:6

जोसका बारेमी हो भण्या म मण्डलिलाइ सताउन्या हु, यहुदि कानुन पालन अद्द्या बारेमी भणन्या हो भण्या, म धर्मि मान्स थ्या, क्याकि मइले तिन सब कानुन पालन अर्याथ्या।

१ तिमोथी 1:13

म बिश्वासि हुनाहइ अगाडी ख्रीष्टको बिरुद्दमि निन्दा अर्या, बिश्वासिलाइ दुःख दिया, रे उनरो नकसान अर्या, तब सम्म मइले ख्रीष्टमी बिश्वास अरेइन तबइकिलाइ मइले बुजेइन कि जो मइले अद्दाथ्या त्यो गलत थ्यो। यिसो भया हुनाले ख्रीष्ट म प्रति दयालु थ्या।

१ तिमोथी 1:14

हामरा प्रभुले लगातार ममि आफ्नो प्रसस्त अनुग्रह धेकाया छन। उनले मलाइ उनमी बिश्वास अद्दया रे औरलाइ प्रेम अद्दया क्षमता दियो। क्याकि म येशू ख्रीष्टसित एकतामी थ्या।