एफिसी 4:32 - डोटेली नयाँ करार

³² जसेरि परमेश्वरले ख्रीष्टमी तमनलाइ क्षमा अर्यो, तसेरि एकले अर्खालाइ क्षमा अरिबर तमन एक अर्खा प्रति कोमल मनका रे दयालु होउ।

एफिसी 4:32 ပူးပေါင်းရင်းမြစ်များ

मत्ती 6:12

हामरा पाप क्षमा अरिदिय, जसेरि हामले हामरा बिरुद्दमि पाप अद्द्या मान्सनलाइ क्षमा अर्या छौ।

मर्कुस 11:25

रे इसेरि जब तमन प्रार्थना अरन्छौ, तब कसइका बिरुद्द तमरा मनमि केइ छ भण्या क्षमा अर, ताकि स्वर्गमि हुन्या तमरा पिताले लगइ तमरा पाप क्षमा अरि दिन्या हुन।

लूका 1:78

हामरा परमेश्वरको कोमल कृपाका लाग्दा यो हुन्या हो, जसेरि सुर्यले हामलाइ उज्यालो दिनाइ चमकिन्छ, तसेरि ख्रीष्ट लगइ स्वर्ग बठेइ हामरा वाँ आउन्याहुन।

लूका 11:4

हामरा पाप क्षमा अरिदिय, क्याकि हाम लगइ हामरा बिरुद्दमि अपराध अद्द्यालाइ क्षमा अद्दाउ। हामलाइ परीक्षामि पड्ड जन दिय।”

लूका 17:4

यदि तेरो भाइले दिनमि सात बेर तेरो बिरुद्द अपराध अर्यो, रे सातइ बेर तेरा वाँ फर्किआइबर ‘म पछुतो अद्दउ’ भण्यो भण्या, तुइले तइलाइ क्षमा अरेइ।”

लूका 6:35

तर आफना शत्तुरलाइ प्रेम अर, रे तिनरो भलो अर। आजी पाउन्या आसा नराखिबर ऋण दिय, रे तमरो इनाम ठुलो हुन्या हो, रे तमन परमप्रधानका सन्तान हुन्या हउ, क्याकि उन बैगुनि रे दुष्ट मान्सनलाइ लगइ कृपा अददाहान।

लूका 6:37

“औरको न्याय जन अर रे तमरो लगइ न्याय अरिन्या आथिन। औरलाइ दोषि जन माण, रे तमन लगइ दोषि माणिन्या होनु। क्षमा अर, रे तमलाइ लगइ क्षमा अरिन्या हो।

प्रेरित 28:2

ताँका मान्सनले हामलाइ निको सत्कार अर्यो। पानी पड्या रे जाडि भया हुनाले तिननले आगो बालिबर हाम सबलाइ स्वागत अर्यो।

रोमी 12:10

एकइ परिबारका सदस्य भया जसेरि एक-अर्खालाइ प्रेम अर। आफइ भण्ना बड्ता औरलाइ आदर अर।

१ कोरिन्थी 13:4

जइ मान्सनले औरलाइ प्रेम अरन्छ, त्यो सहनशील रे दयालु हुन्छ। तिननले डाहा अद्दाइनन, न त गौरब अददाहान।

२ कोरिन्थी 2:10

जइलाइ तमन क्षमा अरन्छौ तइलाइ म लगइ क्षमा अद्दउ। यदि कोइ मान्सन छ जसलाइ मइले क्षमा अददु पड्डया हो, तइलाइ मइले पइल्ली क्षमा अरिसक्या छु। म तमरो भलाइकी निउति ख्रीष्टको अधिकारसित इसो अद्दउ।

२ कोरिन्थी 2:7

बरु तमनले तइलाइ क्षमा अद्दु रे सान्त्वना दिनु पणन्छ नतित त्यो भौत दु:खी हुन्या हो, रे पानिमि दुब्या मान्स जसो हुन्या हो।

२ कोरिन्थी 6:6

सुद्दतामि, ज्ञानमि, धैर्यतामि, दयामि, पबित्र आत्माका अगुवाइमी, साँचो प्रेममि,

एफिसी 5:1

तमन परमेश्वरका प्यारा सन्तान हौ, तबइकिलाइ तमरो ब्यबहार उनरो स्वभाव जसोइ होउ।

याकुब 5:11

हेर, धिरज अद्द्यालाइ हाम धन्यका भण्नाउ। तमनले अय्युब नाउ अर्या मान्सको धिरजका बिसयमि सुण्याछौ, प्रभु बठेइ पाया परिणाम धेक्याछौ, कि प्रभु भौत करुणा अद्द्या रे दयालु छन।

२ पत्रुस 1:7

तमनले परमेश्वरलाइ खुशी बनाउन्या किसिमले मान्तर जीवन जन बिता, तर आफनाइ परिबारका सदस्यकि जसेरि तमनले एक अर्खालाइ मान्तर प्रेम अददु हुनइन, तमनले सब मान्सनलाइ लगइ प्रेम अददु पणन्छ।

१ यूहन्ना 1:9

यदि हामले आफना पाप परमेश्वरका अगाडी स्वीकार अर्या भण्या उनले हामरा पाप क्षमा अरिदिनाहान, रे सब अधर्म बठेइ हामलाइ सुद्द पाणि दिनाहान, क्याकि उनले सदाइ आफले भण्या अनसार अददाहान रे सदाइ ठीक कुरणी मान्तर अददाहान।

१ यूहन्ना 2:12

तमन जो मेरा प्यारा बालक जसाइ छौ, म तमनलाइ लेख्दाछु, क्याकि येशू ख्रीष्टले तमरि निउति अर्या कामका लाग्दा, परमेश्वरले तमरो पाप क्षमा अर्याछ।