एफिसी 4:12 - डोटेली नयाँ करार

¹² उनले मान्सलाइ यिन योग्यता दियो, ताकि तिननले परमेश्वरका जनलाइ उनरो काम अददाइ रे बलिया हुनाइ रे ख्रीष्टका शरीरका रुपमि परिपक्व हुनाइ तयार अरुन।

एफिसी 4:12 ပူးပေါင်းရင်းမြစ်များ

लूका 22:32

तर तमनले ममि बिश्वास अद्द जन छाडउ भणबर मइले तमरा निउति प्रार्थना अर्या, रे तुइले परमेश्वरतिर फर्क्या पछा तेरा भाइनलाइ स्थिर अरा।”

प्रेरित 1:17

क्याकि त्यो हाममि हइ एक थ्यो। रे यइ सेवामि तइले लगइ हिस्सा पाइराइथ्यो।”

प्रेरित 1:25

रे त्यो यइ सेवा रे येशू ख्रीष्टले छान्या शिष्याको काममी लाग्द सकउ, जइ सेवा बठेइ यहूदाले तइ ठाउँ छाडयो, उ मर्यो रे तइ ठाउँमि गयो जाँ जानाइ उ योग्य छ।”

प्रेरित 11:23

तिन ताँ आइबर परमेश्वरको अनुग्रह धेकिबर खुशी भया, रे तिनन सबलाइ पुरा मनले प्रभुप्रति बिश्वासि रइरनाइ उत्साह दियो।

प्रेरित 20:24

तबइकिलाइ मेरो जीवन आफ्नि निउति केइ मोलको आथिन। इति मान्तर चाहानौ, कि परमेश्वरले मान्स जातिलाइ अनुग्रह अर्याछ भण्न्या सुसमाचार फैलाउन्या कामलाइ म पुरा अद्द सकु, जो प्रभु येशूले मलाइ दिइराइछ।

प्रेरित 20:28

तमनले आफ्नो रे आफ्ना सब मान्सनको हेरचाह अर्या। पबित्र आत्माले तमनलाइ मान्सनको जिम्मा दिया हुनाले तमन, उनले आफनाइ रगतले किन्या परमेश्वरका मण्डलिको हेरचाह अर।

प्रेरित 9:31

तसेरि जम्माइ यहुदिया जिल्ला, गालील जिल्ला रे सामरिया जिल्ला भरिका मण्डलिमि सान्ति भयो रे मण्डलि परिपक्व भयो। प्रभुका डरमि हिट्टाइ रे पबित्र आत्माको सहयोग पाइबर भौत भण्ना भौत मान्सनले प्रभु येशूमि बिश्वास अर्यो।

रोमी 12:5

तसेरि हाम जो ख्रीष्टमी बिश्वासि छौ, हाम ख्रीष्टका शरीरका अंग हौ, रे हाम सब एक अर्खासित जोडिया छौ।

रोमी 12:7

यदि अरुलाइ सेवा अदद्या बरदान मिल्या छ भण्या, सेवा काममी, सिकाउन्याले सिकाउन्या काममी,

रोमी 14:19

तबइकिलाइ हामले सान्ति ल्याउन्या कोशिस अददु पणन्छ, रे एक-अर्खाको बिश्वासलाइ बालियो बनाउनु पणन्छ।

रोमी 15:14

बिश्वासि भाइन हो, मलाइ पक्‍का था छ, कि तमन आफइ लगइ भलाइले भरिरइछौ, रे तमनले अददु पड्डया काम तमनलाइ पुरा था छ रे एक-अर्खालाइ सिकाउन सकन्छौ।

रोमी 15:2

हाम हरेकले हामरो बिश्वासि साथिकिलाइ त्यो अददु पणन्छ जो उइकीलाइ असल छ रे जइ कुरणीले उइलाइ खुशी बनाउन्या हो रे उइको बिश्वासलाइ बलियो बनाउन्या हो।

रोमी 15:29

रे म जाण्नउ, म तमरा वाँ आउन्या हु रे ख्रीष्ट बठेइ पाया भौत आशिस तमनसित बाणन्या हु।

१ कोरिन्थी 12:27

तसेरि तमन ख्रीष्टका शरीर हौ, रे उनरा शरीर अंगका रुपमि तमन हरेक ख्रीष्टका हौ।

१ कोरिन्थी 12:7

हाम सबलाइ एक बिसेस किसिमको बरदान मिल्या छ, जइले पबित्र आत्माको उपस्थिति धेकाउन्छ, ताकि हाम आफ्ना बिश्वासि भाइको सहयोग अद्द सकु।

१ कोरिन्थी 14:12

क्याकि पबित्र आत्माले दिन्या बिसेस बरदान पाउनाइ तमन भौत उत्सुक भया हुनाले, तिन कुरणीको इच्छा राख जइ बठेइ तमनले मण्डलिका बिश्वासीनको बिश्वास बलियो बनाउन्या हौ।

१ कोरिन्थी 14:14

क्याकि यदि मइले नसिक्या फरक फरक भासामि प्रार्थना अद्दाछु भण्या, मेरो आत्माले प्रार्थना अरन्छ, तर मेरी निउति केइ अर्थको हुनइन, क्याकि म त्यो बुज्ज सक्दइन।

१ कोरिन्थी 14:26

बिश्वासि भाइन हो, कसेरी आराधना हुनु पणन्छ भण्नेइ कुरणी सुण, तमन आराधनाकि निउति जम्मा हुन्ज्या तमनमि हइ कसइले भजन गाउछ, कसइले शिक्षा दिन्छ, कसइले प्रभुले दिया प्रकाश भणन्छ, कसइले नसिक्या फरक फरक भासामि बोलन्छ रे कसइले तइको अर्थ खोलन्छ। यिन सब कुरणी बिश्वासिनलाइ बिश्वासमि बलियो बनाउनाइ अददु पणन्छ।

२ कोरिन्थी 12:19

कि तमन यो सोच्चा छौ, कि अइल सम्म तमरा सामने हाम आफ्नो सफाइ दिन्नाछु? प्यारा भाइन हो, हाम परमेश्वरको उपस्थितिमि सदाइ ख्रीष्टमी भया मान्स जसेरि बोल्लाइ आया छु, रे यिन सब तमनलाइ बिश्वासमि बलिया बनाउनाइ निउति हो।

२ कोरिन्थी 13:11

अन्तमी बिश्वासि भाइन हो, आब बिदा पाउ। सिद्दताको लक्ष राख। एक अर्खालाइ उत्साहित अर। एक अर्खासित सहमत होओ। सान्तिमि रअ रे प्रेम रे सान्तिका परमेश्वर तमनसित हुन्या हुन।

२ कोरिन्थी 13:9

क्याकि हाम कमजोर हुन्ज्या रे तमन बिश्वासमि बलिया हुन्ज्या हाम आनन्दित हुनाउ। हाम प्रार्थना अद्दाउ कि तमरा बिश्वासमि सिद्द हुनाइ जा।

२ कोरिन्थी 3:8

पबित्र आत्माको सेवाको काम झिक बडता महिमामय हुन्या हो।

२ कोरिन्थी 4:1

तबइकिलाइ परमेश्वरका कृपा बठेइ हामसित परमेश्वरको बचन प्रचार अद्द्या सेवा भया हुनाले हाम हरेस खानाइन।

२ कोरिन्थी 5:18

यो सब परमेश्वर बठेइ भया हो, जइले हामलाइ ख्रीष्ट बठेइ आफसित मिलापमी लेया, रे उनले हामलाइ आफ रे मान्सनका बिचमि मिलाप अराउन्या सेवा दिया छ।

२ कोरिन्थी 6:3

परमेश्वरका साजेदारका रुपमि, हामरा सेवामि दोस जनमिलौ भणबर हाम कसइका मार्गमि बाधाको कारण बन्नाइन।

२ कोरिन्थी 7:1

तबइकिलाइ हे प्रिय हो, हामसित यिन प्रतिज्ञा भया हुनाले हरेक किसमको ननिका काम अद्द छाड, जइले हामरो शरीर रे आत्मालाइ अशुद बनाउन्छ, परमेश्वरको आदर अरिबर हामले पूरारुपमी पबित्र जीवन बिताउन्या प्रयास अददु पणन्छ।

एफिसी 1:23

हाम बिश्वासि ख्रीष्टका शरीर भाग जसाइ हौ, ख्रीष्टले आफ्नो सक्ति सारा संसारमी प्रयोग अर्या जसेइ उनले आफ्नो पुरा सक्ति संसारमी प्रयोग अददाहान।

एफिसी 4:16

हाम सब ख्रीष्टमी बिश्वास अद्दया उनरा शरीरका अंग जसाइ हु, जसेरि एक मान्सका शरीरका अंग उइका सब जोर्नी बठेइ जोडिया हुनाहान, रे जब शरीरका जम्माइ अंग ठीकसित काम अददाहान, तब शरीर बडन्छ रे बलियो हुन्छ, तसेरि जब ख्रीष्टले हाम हरेकलाइ दिया काम अददाउ, हाम बलिया रे परिपक्व हुनाउ रे एक अर्खालाइ भौत प्रेम अददाउ।

एफिसी 4:29

तमनका मुख बठेइ खराब कुरणी जन निकलउ, बरु मान्सनकि निउति काम लाग्देइ कुरणी भण, जइले तिननलाइ बिश्वासमि बलियो हुनाइ सहयोग अरन्छ। तब तमन जी लगइ भणन्छौ सुणन्या मान्सनकि निउति असल होउ।

एफिसी 4:4

हाम सब बिश्वासि एकइ शरीरका अंग जसाइ हौ, रे हाम सबले एकइ पबित्र आत्मा पायाछौ, जसेरि तमनलाइ एकइ आसा दियाथ्यो, जब तमन परमेश्वरका मान्सन हुनाइ बोलाया थ्या।

कलस्सी 1:24

क्याकि मइले तमनलाइ सुसमाचार प्रचार अर्या हुनाले म अइल तमरा निउति कष्ट भोग्दाछु, रे म आफनाइ इच्छाले ख्रीष्टको तर्फ बठेइ यिन कष्ट भोग्दाछु, ताकि मण्डलिलाइ सहयोग अद्द सकु, जो उनरो शरीर जसाइ हुन।

कलस्सी 1:28

हाम और मान्सलाइ ख्रीष्टको बारेमि भण्नाउ, रे परमेश्वरले दियाको सारा बुद्दीसित हरेकलाइ सिकाउनाउ रे चेतावनी दिनाउ ताकि परमेश्वरको अगाडी खड़ा हुन्या बेला सम्म हाम सब मान्सनलाइ ख्रीष्टमी परिपक्व बनाउन सकु।

कलस्सी 4:17

पक्‍का अर कि तमनले प्रभु बठेइ पाया सेवाको काम पुरा अर भणबर अर्खिप्पसलाइ भणिदिय।

१ तिमोथी 1:12

मलाइ बल दिन्या हामरा प्रभु येशू ख्रीष्टलाइ म धन्यबाद दिनउ, क्याकि उनले मलाइ बिश्वासयोग्य माणिबर आफ्ना सेवामि नियुक्त अर्याछ।

२ तिमोथी 4:11

लूका मान्तर मसित छ। जब तु आउछइ, मर्कुसलाइ लगइ आफसित लेइबर आ, क्याकि उइले याँ मेरा काममी सहयोग अद्दया हो।

२ तिमोथी 4:5

तर जी भया लगइ तुइले सदाइ आफइलाइ नियन्त्रण अददु पणन्छ, रे दुःख भोग्दु पणन्छ। तुइले सुसमाचार प्रचार अद्दाइ कडा मिहेनत अददु पणन्छ रे परमेश्वरको सेवक भया हुनाले परमेश्वरले दिया सब काम पुरा अददु पणन्छ।

हिब्रु 13:17

तमरा अगुवाको आज्ञा पालना अर, रे तिनरा अधिनमी बस। क्याकि तिनरो काम तमरो आत्माको पहरा दिनु हो। तिननले तमरा बारेमि परमेश्वरलाइ लेखा दिनु पड्डया हो। तिनरो आज्ञापालन अर ताकि यइ काम तिननले आनन्दसित अरुन। उदास भइबर होइन, तब तमनले केइ फाइदा पाउन्या होइनु।

हिब्रु 6:1

ख्रीष्टका बारेमि हामले सिक्या प्राथमिक शिक्षालाइ मान्तर नमाणिबर बिश्वासमि परिपक्क्व हुन्या शिक्षा तिर लागउ। हाम प्राथमिक शिक्षा तिर जनफर्कु जो जग जसोइ हो, त्यो भण्याको मृत्यु तिर लइजान्या पाप अद्द छाडिबर परमेश्वरतिर फर्कन्या रे परमेश्वरमि बिश्वास अद्द्या बारेमिको शिक्षा हो।