एफिसी 2:12 - डोटेली नयाँ करार

¹² याद अर, तमनले तइ बेला ख्रीष्टलाइ चिन्या थ्यानु रे तमन परमेश्वरका छान्या मान्सन इस्राएल देशका रुपमि उनरा थ्यानु, रे परमेश्वरले यहुदि मान्सनलाइ प्रतिज्ञा अर्या असल कुरणीमि लगइ तमन सहभागी भयानु, रे तमन बिना आसा रे संसारमी बिना परमेश्वर बसन्थ्या।

एफिसी 2:12 ပူးပေါင်းရင်းမြစ်များ

लूका 1:72

उनले हामरा पुर्खालाइ कृपा धेकाउनाइलाइ, रे आफ्नो पबित्र करार याद अद्दाइलाइ,

यूहन्नाले लेख्या सुसमाचार 10:16

मेरा और भेडा लगइ छन, जो यइ गोठका होइन। तिननलाइ लगइ मइले ल्याउनु पडिरइछ, रे तिननले मेरो डाको पछेण्न्या हुन, रे तिनन एकै बगाल हुनाहान, रे तिनरो एकै ग्वालो हुन्छ।

यूहन्नाले लेख्या सुसमाचार 15:5

म तेइ अंगुरको बोट हु तमन हाँङा हौ। जो ममि रहन्छ, म उइमि रहनउ रे उइले भौत फल फलाउछ। क्याकि म बठेइ अलग होइबर तमन केइलगइ अद्द सक्दानउ।

यूहन्नाले लेख्या सुसमाचार 4:22

तमन सामरि मान्स परमेश्वरलाइ चिन्नानु रे पइलगइ आराधना अरन्छौ, हाम यहुदि मान्स त परमेश्वरलाइ चिनिबर आराधना अद्दाउ, क्याकि मान्सको मुक्ति यहुदि मान्सन बठेइ आउँछ।

प्रेरित 2:39

क्याकि प्रतिज्ञा तमरा निउति, तमरा सन्तानकि निउति रे दुर-दुर रया सबका निउति हो, हरेक जइलाइ प्रभु हामरा परमेश्वरले बोलाउनाहान।”

प्रेरित 28:20

तबइकिलाइ मइले तमनसित भेटीबर कुरणीकानी अद्दाइ तमनलाइ बोलाया हु। म यइ साङलामि बादिरइछु क्याकि म हामरा ख्रीष्टमी बिश्वास अद्दउ, जइकी निउति इस्राएल देशका मान्सनले आसा अर्याथ्यो।”

प्रेरित 3:25

तमन सब तिनै अगमबक्तानका रे तइ बाचाका सन्तान हौ, जइ बाचा परमेश्वरले तमरा पुर्खा अब्राहामसित यिसो भणबर बाचा अर्यो, ‘तेरा सन्तान बठेइ म धर्तीमि भया सब जातिलाइ आशिस दिन्या हु।’

रोमी 9:8

अथवा प्राकृतिक रुपमि जन्म्या परमेश्वरका सन्तान होइन, तर करारका सन्तान मान्तर अब्राहामका सन्तान माणिन्या हुन।”

गलाती 4:8

पइल्ली जब तमनले परमेश्वरलाइ पछयाणा थ्यानु, तब तमन तिन देबताका अधिनमी थ्या, जइको केइ अस्तित्व हुनइन।

एफिसी 2:19

तबइकिलाइ तमन गैर-यहुदि मान्सन आब बिदेशी रे परदेशी होइनु, तर तमन परमेश्वरका पबित्र जनसित संगि नागरिक हौ, रे तमन परमेश्वरका परिबारका सदस्य हौ।

एफिसी 4:18

क्याकि तिननले बुज्ज सक्या आथिन रे तिनरा जिद्द रे अज्ञानताका लाग्दा परमेश्वरले दिन्या जीवन तिननमि आथिन।

कलस्सी 1:21

बितेका समयमि दुष्ट काम अरिबर, तमन परमेश्वर बठेइ टाडा भया रे आफना मनमि बिरोधी भयाथ्या।

कलस्सी 1:27

परमेश्वरले तिन गैर-यहुदि मान्सनलाइ यइ सम्पतिको रे महिमामय रहस्यकि कुरणी भण्नाइ निर्णय अर्यो जो उनसित सब मान्सनकि निउति छ। यो रहस्य ख्रीष्ट आफइ हुन: जो तमनमि छन। उन महिमाका निउति हामरा एक मान्तर आसा हुन।

कलस्सी 1:5

तमरो बिश्वास रे प्रेम स्वर्गमि तमरि निउति राखिया आसामि आधारित छ। तमनले पइल्ली यइका बारेमि सुण्याछौ। जो येशू ख्रीष्टका बिसयमिको सत्य सन्देश सुसमाचारमि छ।

१ थेसलोनिकि 4:13

बिश्वासि भाइन हो, जो पइल्ली मरिसक्या छन तिन बिश्वासिनलाइ कि हुन्या हो तइ बिसयमि हाम तमनले जाण्याको चाहानाउ अददाउ, रे तमनले आसा नहुन्या मान्सनकि जसेरि सोक अद्दु पड्डइन।

१ थेसलोनिकि 4:5

तर तमन परमेश्वरलाइ नचिन्न्या अविश्वासीकी जस्या आफना शरीरका दुष्ट इच्छाको दास जन बन।

२ थेसलोनिकि 2:16

हामरा प्रभु येशू ख्रीष्ट आफइ रे परमेश्वर हामरा पिता जइले हामलाइ प्रेम अद्दाहन रे जइले आफना अनुग्रह बठेइ अनन्तको उत्साह रे पक्‍का आसा दिन्यासित हाम प्रार्थना अददाउ।

१ तिमोथी 1:1

म, पावल यो चिठ्ठी लेख्दाछु। म परमेश्वर हमरा मुक्तिदाता रे येशू ख्रीष्टको अधिकार बठेइ येशू ख्रीष्टकी निउति छान्या शिष्या हु जइमि हाम आसा राख्दाउ।

हिब्रु 11:34

आगाले तिननलाइ पोलेइन, तरबारले तिननलाइ काटेइन, तिनन कमजोर थ्या तर आब बलियो भया, युद्दमि बीर भया, रे तिननले आफ्नो सत्तुरका फौजलाइ भगायो।

हिब्रु 6:18

तबइकिलाइ परमेश्वरले हामलाइ प्रतिज्ञा अर्याछ रे उन कसम खानाहान। यिन दुइ कुरणी परिबर्तन हुन सक्दाइन, क्याकि यो सम्भब आथिन कि परमेश्वर झुट बोल्सक्दाहान। तबइकिलाइ हाम जो परमेश्वरका नजिक सुरक्षा पाउनाइ निउति आयाछौ, हामरा अगाडी भया आसालाइ पाउनाइ ठुलो हौसला पाउन सक्दाउ।

हिब्रु 8:6

तर ख्रीष्ट, हामरा प्रधान पुजारि लाइ दिइया पुजारि को काम तिनन और प्रधान पुजारि को काम भण्ना और ठुलो छ। क्याकि उनले जइ करारको मध्यस्थकर्ताको काम अर्याछ, त्यो पुरानो करार भण्ना असल छ, रे असल कुरणीको प्रतिज्ञामि आधारित छ।

१ पत्रुस 1:21

क्याकि ख्रिष्टले अर्या कामका लाग्दा, तमन अइल परमेश्वरमि बिश्वास अरन्छौ। रे तमनले आफ्नो बिश्वास रे आसा परमेश्वरमि राख्याछौ, क्याकि उनले ख्रीष्टलाइ मृतक बठेइ जिउना बनायो रे उनलाइ ठुलो महिमा दियो।

१ पत्रुस 1:3

हामरा प्रभु येशू ख्रीष्टका पिता रे परमेश्वरलाइ प्रसंसा होउ। परमेश्वरको हाम प्रतिको महान कृपाले उनले हामलाइ एक नयाँ जीवन दिया छ। क्याकि परमेश्वरले येशू ख्रीष्टलाइ मर्या बठेइ जिउना बनाया छ, उनले हामलाइ निर्धक्‍कसित बाँच्न सक्षम बनाया छ; त्यो भण्याको उनले हामलाइ प्रतिज्ञा अर्या कुरणी पाउन्या पुरा आसा अददु हो।

१ पत्रुस 3:15

तर तमरो हृदयमि ख्रीष्टको निउति श्रद्धा होस, रे उनलाइ प्रभुको रुपमि आदर अर। रे सब बिश्वासिन साजेदार हुन्या आसाको बारेमि कसइले लगइ सोध्यो भण्या जबाफ दिनाइ निउति सदाइ तयार होउ।

१ यूहन्ना 3:3

रे हरेक मान्स जइले यो आसा अरन्छ कि उ ख्रीष्ट जसो पाप बिनाको हुन्या हो उइले आफइलाइ पाप बठेइ दुर राख्दु पणन्छ।