कलस्सी 4:10 - डोटेली नयाँ करार

¹⁰ मेरा संगि कैदी अरिस्तार्खसले तमनलाइ अबिबादन पठाया छन। बारनाबासको भान्ज मर्कुसले अबिबादन पठाया छन। तमनले मर्कुसका बिसयमि पइल्ली चिठ्ठी पाइसक्याछौ। उन तमरा वाँ आया भण्या उनलाइ स्वागत अर।

कलस्सी 4:10 ပူးပေါင်းရင်းမြစ်များ

प्रेरित 12:12

यिन कुरणी जाणिबर कि परमेश्वरले तिनलाइ बचायो भणि पत्रुसले था भया पछा, तिन मर्कुस भणिन्या यूहन्नाइ इजा मरियमका घर गया। ताँ भौत बिश्वासि मान्सन जम्मा होइबर प्रार्थना अद्दाथ्या।

प्रेरित 12:25

जब यहुदिया देशमि यहुदि बिश्वासीनको सहयोग अद्दाइ रुप्या दिया पछा बारनाबास रे शाउल आफना काम पुरा अरिबर यरुशलेम सहर बठेइ एन्टिओखिया सहरमि फर्क्या। तिननसित मर्कुस भणिन्या यूहन्ना लगइ थ्या।

प्रेरित 13:13

पावल रे तिनरा साथी भाइन पाफोस सहर बठेइ जहाजमि चड़िबर सुरुमि पामफिलिया जिल्लाको पर्गा सहरमि पुग्या, रे मर्कुस भणिन्या यूहन्ना तिनन बठेइ छुटिबर यरुशलेम सहर फर्क्या।

प्रेरित 13:5

सलामिस सहरमि आइपुग्या पछा तिननले यहुदि सभाघरमी परमेश्वरको सुसमाचार प्रचार अद्द पस्या। तिननलाइ सायता अद्दाइ मर्कुस भणिन्या यूहन्ना तिननसित थ्या।

प्रेरित 19:29

सहरका और भौत मान्सनले कला हाल्या आवाज सुण्यो रे ताँ गइबर तिननसित मिलिबर माकेडोनिया प्रदेस बठेइ आया पावलका साथी गायस रे अरिस्तार्खसलाइ समाइबर रङ्गशाला भितर घसाडिबर लैया।

प्रेरित 20:4

तब बेरिया सहरमि बस्सया पुरसको चेलो सोपात्रोस, थेसलोनिके सहर बठेइ अरिस्तार्खस रे सिकन्दस, डर्बि सहरका गायस, लुस्त्रा सहर बठेइ तिमोथी रे एसिया प्रदेशका तुखिकस रे त्रोफिमस तिनसित गया।

प्रेरित 27:2

एड्रामिटेनोस सहर बठेइ एसिया प्रदेशका भौत बन्दरगाह भइबर जान्या एक जहाजमि चडिबर हामले यात्रा सुरु अर्या। माकेडोनिया प्रदेसको थेसलोनिके सहरका अरिस्तार्खस नाउँ भया एक जानो मान्स हामसित थ्यो।

प्रेरित 4:36

आब साइप्रस टापुको लेवि कुलका योसेफ, जइलाइ येशू ख्रीष्टका छान्या शिष्याले “बारनाबास” भणि नाउँ राखराइथ्यो (जइको अर्थ उत्साहको चेलो),

रोमी 16:2

परमेश्वरका मान्सनले एक अर्खालाइ स्वागत अर्या जसेरि तमनले तिनलाइ प्रभुमि स्वागत अर रे तिनलाइ तमन बठेइ चाइय्या सहयोग अर, क्याकि तिन आफइले भौत मान्सनलाइ रे मलाइ लगइ सहयोग अरेइ छन।

रोमी 16:7

एन्ड्रोनिकस भाइ रे युनियस बइनि, मेरा संगि यहुदि मान्सन रे पइल्लिका मेरा संगि कैदीलाइ, अबिबादन दिय। तिनन येशू ख्रीष्टका छान्या शिष्या बठेइ भौत सम्मानित छन, रे तिननले म भण्ना अगाडी ख्रीष्टमी बिश्वास अरिसक्याथ्यो।

२ तिमोथी 4:11

लूका मान्तर मसित छ। जब तु आउछइ, मर्कुसलाइ लगइ आफसित लेइबर आ, क्याकि उइले याँ मेरा काममी सहयोग अद्दया हो।

फिलेमोन 1:23

इपाफ्रास जो मसित झेलमि छ क्याकि तिन येशू ख्रीष्टका बारेमि प्रचार अरन्थ्या। उनले अबिबादन भण्या छ।

फिलेमोन 1:24

तसेरि मर्कुस, अरिस्तार्खस, डेमास रे लूका जो मसित प्रभुको काम अददाहान, उनरो तमलाइ अबिबादन छ।

१ पत्रुस 5:13

तमन जसाइ परमेश्वर बठेइ चुनिया बेबिलोन सहरको बिश्वासीनले तमनलाइ अबिबादन पठाया छन। मर्कुसले लगइ तमनलाइ अबिबादन पठाया छन। जो मेरो चेलो जसोइ छन।