कलस्सी 3:20 - डोटेली नयाँ करार

²⁰ चेलाचेली हो, आफना इजा बुवाको प्रत्येक कुरणीमि आज्ञापालन अर। क्याकि यइ कुरणीले प्रभु खुशी हुनाहान।

कलस्सी 3:20 ပူးပေါင်းရင်းမြစ်များ

मत्ती 19:19

आफना इजा बाको सम्मान अरेइ, आफना शत्तुरलाइ आफलाइ जसेइ प्रेम अरेइ।”

एफिसी 5:24

जसेरि मण्डलि ख्रीष्टका अधिनमी छ, तसेरि स्वानी लगइ हरेक कुरणीमि आ-आफ्ना बैकानका अधिनमी बस।

फिलिप्पी 4:18

मइले जो पाउनु हो तइ भण्न्ना बड्ता पाइराइछु। मइले इपाफ्रोडिटस बठेइ तमनले पठाया उपहार पाया। तमनले पठाया उपहार मेरा निउति पुजारिले परमेश्वरलाइ चडाया मिठो बास आउन्या भेटी रे बलिदान जसोइ हो। जो परमेश्वरलाइ भौत खुशी पडद्या रे ग्रहणयोग्य छ।

कलस्सी 1:10

हाम प्रार्थना अददाउ कि तमनले प्रभुलाइ सम्मान दिन्या ब्यबहार अद्द सक, रे प्रभुलाइ सब कुरणीमि प्रसन्न पाड्डया सक, रे तमनले लगातार सब किसिमका निको काम अद्द सक, रे परमेश्वरका बारेमि आजी बड्ता बुज्ज सक।

कलस्सी 3:22

दास हो, तमनले आफ्ना संसारका मालिकले भण्या सब कुरणी माण रे मालिकलाइ आँखाका अगाडी मान्तर असल काम अरिबर खुशी बनाउन्या होइन, बरु तिननले नधेक्या बेला लगइ इमानदार भइबर प्रभुसित डराइबर असल काम अद्द्या अर।

तितस 2:9

बिश्वासि दासलाइ भण कि सदाइ आफना मालिकको आज्ञापालन अर। तिननलाइ त्यो अददाइ भण जइ कुरणीले तिनरा मालिकलाइ खुशी बनाउन्छ, आफना मालिकका मुख-मुख जन लागुन।