कलस्सी 2:5 - डोटेली नयाँ करार

⁵ क्याकि म तमन बठेइ टाडा छु, पइलगइ म तमरो बारेमि सोचि राख्दउ। म आनन्दित छु कि तम एक भयाछौ रे जसेरि जिउनु पणन्थ्यो तसेरि जीयाका छौ रे ख्रीष्टमी तमरो पक्‍का बिश्वास धेकिबर म भौत खुशी छु।

कलस्सी 2:5 ပူးပေါင်းရင်းမြစ်များ

प्रेरित 2:42

तिनन येशू ख्रीष्टका छान्या शिष्याका शिक्षा, संगति रे प्रभु भोजमि उपस्थित हुन्थ्या रे एकहठ्ठा भइबर भोज खान्थ्या रे प्रार्थनामि भक्तिसित लागिरन्थ्या।

प्रेरित 20:21

यहुदि मान्सन रे गैर-यहुदि मान्सनलाइ पाप अद्द छाडिबर परमेश्वरतिर फर्क रे हामरा प्रभु येशू ख्रीष्टमी बिश्वास अर भण्नेइ कुरणीको गवाही मइले दिइराइछु।”

१ कोरिन्थी 11:34

यदि कोइ भोको छ भण्या तइले आफ्ना घरमि खाओस, ताकि जब तमन जम्मा हुन्छौ तब तमन ठीक किसिमले ब्यबहार अद्द सक, रे परमेश्वरले तमरो न्याय अद्द्या आथिन। और कुरणिका बारेमि म आया पछा निर्देसन दिउलो।

१ कोरिन्थी 14:40

तर तमनले मण्डलिमि अद्दया सब काम शिष्टतासित रे सुब्यवस्थीत किसिमले हुनु पणन्छ।

१ कोरिन्थी 15:58

तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।

१ कोरिन्थी 16:13

होशियार बस, बिश्वासमि दृढ होइरउ। साहसि होउ, रे बिश्वासमि बलिया होउ।

कलस्सी 2:1

तमनले यो जाण भण्न्या म चाहानौ कि कसेरी तमन रे लाउडिकिया सहरमि भया रे मसित भेट नभया सबका खातिर म कठोर परिश्रम अद्दउ।

१ थेसलोनिकि 2:17

क्याकि बिश्वासि भाइन हो, हृदय बठेइ होइन तर सरीरमि तमनसित थोक्काइ समयका निउति बिछोड भयका हुनाले, भौत ठुलो इच्छाले हामले तमनलाइ आमने-सामने भेट्या हरेक प्रयास अर्या छौ।

१ थेसलोनिकि 3:8

क्याकि यदि तमन प्रभुमि दरिला रया भण्या हामरो जीवन अर्थपूर्ण हुन्छ।

हिब्रु 3:14

यदि हामले हामरो पइल्ली अर्या बिश्वासमि हाम छाड्डीबार सम्म बलिया भया भण्या हाम ख्रीष्टसित सज्जा हकदार हुन्या हौ।

हिब्रु 6:19

हामसित भया यो आसा बलियो छ रे हल्लाउन सकिनइन। यइले हामलाइ परमेश्वर बठेइ टाडा लइजानइन, बरु यइले हामलाइ परमेश्वरका वाँ मन्दिर भितरका माहा पबित्र ठाउँमि ल्याउन्छ।

१ पत्रुस 5:9

तमरो दृढ बिश्वाससित तइको बिरोध अर। याद अर कि संसार भरि भया बिश्वासीनले लगइ इसोइ कष्टको अनुभव अददु पण्या छ।