कलस्सी 2:23 - डोटेली नयाँ करार

²³ इसो लागन्छ कि यिन नियमले एक बुद्दिमान बाटो धेकाउनाहान जो ठीक छ, तिनरो झुटो नम्रता रे आफ्ना शरीरलाइ कठोर ब्यबहार अरिबर तिननले आफलाइ परमेश्वरतिर समर्पित अददाहान। तर वास्तवमि यिन नियमले मान्सनलाइ तिनरा खराब इच्छालाइ नियन्त्रण अद्दाइलाइ सहयोग अद्दाइन्न।

कलस्सी 2:23 ပူးပေါင်းရင်းမြစ်များ

रोमी 13:14

तर तमरो कबच प्रभु येशू ख्रीष्ट होउन, रे पापी स्वभावको इच्छा पुरा अद्दया कुरणीमि ध्यान जन दिय।

एफिसी 5:29

क्याकि कसइ मान्सले कभइ आफ्ना शरीरलाइ घृणा अद्दइन, तर तइको कदर अरिबर तइको पालन पोषण अरन्छ, ख्रीष्टले मण्डलिसित तसोइ अददाहान।

कलस्सी 2:18

ख्रीष्ट शरीरका सीर हुन, ख्रीष्ट बठेइ शरीरका सब अंग जोडिया रे तिनरो हेरचाह हुन्छ। तबइकिलाइ यो परमेश्वरको इच्छा अन्सार बड्नछ। कसइलाइ लगइ तमन आफइलाइ स्वर्गदुतको आराधना अरिबर अयोग्य बनाउन जन दिय। इसा मान्सन दर्सन धेक्दाहान, रे मानब सोचका लाग्दा तइ दर्सनले उनमी मुर्खताको घमण्ड आउछ। तिननले ख्रीष्टलाइ त्याग्या छन।

कलस्सी 2:22

यिन सब नियम ब्यबहार अद्दा-अद्दाइ बेकार भइबर जानाहान। क्याकि यिन कुरणी मान्सका आदेस रे शिक्षामि आधारित छन।

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

१ तिमोथी 4:3

तिनन झुटा शिक्षकले गलत किसिमले सिकाउनाहान कि ब्या अददु रे कसइ किसिम खाना खानु गलत हो। तर परमेश्वरले यिन खान्या चिज उनमी बिश्वास अद्दया रे सत्य शिक्षालाइ जाणन्छ मान्सनकि निउति बनायो जइले धन्यबाद दिबर खानाहान।

१ तिमोथी 4:8

क्याकि शारीरिक कसरतले तमरो शरीरलाइ सहायता अद्या हो, तर परमेश्वरको भक्ति हरेक किसमले फाइदाको हुन्छ, क्याकि यिन कुरणीले यइ जीवनमी रे आउन्या जीवनमी लगइ फाइदा हुन्छ।