कलस्सी 2:18 - डोटेली नयाँ करार

^18-19 ख्रीष्ट शरीरका सीर हुन, ख्रीष्ट बठेइ शरीरका सब अंग जोडिया रे तिनरो हेरचाह हुन्छ। तबइकिलाइ यो परमेश्वरको इच्छा अन्सार बड्नछ। कसइलाइ लगइ तमन आफइलाइ स्वर्गदुतको आराधना अरिबर अयोग्य बनाउन जन दिय। इसा मान्सन दर्सन धेक्दाहान, रे मानब सोचका लाग्दा तइ दर्सनले उनमी मुर्खताको घमण्ड आउछ। तिननले ख्रीष्टलाइ त्याग्या छन।

कलस्सी 2:18 ပူးပေါင်းရင်းမြစ်များ

मत्ती 24:24

क्याकि झुटा ख्रीष्ट रे झुटा अगमबक्ता आउन्या रे चिन्ह रे अदभूत काम धेकाउन्या छन, सक्या सम्म उन मान्सलाइ धोका दिन्या हुन, जइलाइ परमेश्वरले चुनीराइछ।

रोमी 1:25

क्याकि तिननले परमेश्वरका बारेमिको सत्यलाइ इन्कार अर्यो, रे तिननले झुटमि बिश्वास अर्यो, रे सृष्टिकर्तालाइ छाडिबर बरु सृष्टिको आराधना रे सेवा अर्यो। उनरो सदाइ प्रसंसा हुनु पणन्छ। आमेन।

रोमी 16:18

क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

१ कोरिन्थी 13:4

जइ मान्सनले औरलाइ प्रेम अरन्छ, त्यो सहनशील रे दयालु हुन्छ। तिननले डाहा अद्दाइनन, न त गौरब अददाहान।

१ कोरिन्थी 3:3

तमन अइल लगइ संसारका मान्सन जसा छौ। क्याकि जब तमरा बिचमि झगडा रे इख हुन्छ, तब तमन यइ संसारका मान्सन जसा हउ भणबर धेकाउनइन ब? रे तमन यइ संसारका मान्सनले जसेरि जीवन बिताउछौ, जो प्रभुका होइन्न।

१ कोरिन्थी 4:18

तमनमि हइ कसइले यो सोच्चाहान कि म तमनलाइ भेट्टाइ आउन्या होइन, तबइकिलाइ तिनन घमण्डि भया छन।

१ कोरिन्थी 4:6

बिश्वासि भाइन हो, मइले आफनो रे अपोल्लोसका बारेमि भण्या छु, ताकि तमनले हामलाइ उदाहरणका रुपमि लिन सक, रे तमनले यइको अर्थ जाण्न सक, जइले इसो भणन्छ, “पबित्र सास्त्रमि लेखिया भण्ना बड्ता जन अर।” यदि तमनले एकलाइ आदर अरन्छौ, रे अर्खालाइ तुच्छ सोचन्छौ भण्या, यो असल होइन।

१ कोरिन्थी 8:1

आब मुर्तिलाइ चडाया खान्या कुरणीका बारेमि तमनले सोध्या प्रस्नको उत्तर यो हो: हाम जाण्नाउ, कि हाम सबलाइ यिन कुरणिका बारेमि था छ। यिन सब कुरणी जाण्या हुनाले हाम घमण्ड अददाउ, तर प्रेमले हामलाइ औरकि निउति सहयोग बनाउन्छ।

१ कोरिन्थी 9:24

तमनलाइ था छ, कि दौडमि दकुड्डया भौत हुनाहान, तर इनाम एकइले मान्तर पाउन्छ। तबइकिलाइ तमन इनाम पाउन्या हिसाबले दौड।

२ कोरिन्थी 11:3

तर जसेरि सैतान स्यापका रुपमि आफना चलाकिले पइल्ली आइमाइ हव्वालाइ छल्यो, तसेरि तमरा बिचारले छ्लल्या हो रे तमनले ख्रीष्टको आदरमि आफ्नो पुरा रे सुद्द भक्ति अद्द छाड्डया हौ भणबर मलाइ डर लाग्या छ।

२ कोरिन्थी 12:20

क्याकि म आउन्ज्या मइले इच्छा अरे अनसार तमनलाइ नभेटलो, रे तमनले लगइ मलाइ आफले इच्छा अर्या अनसार भेट्टउनानु कि भण्न्या मलाइ डर लाग्या छ। सायद ताँ झगडा, डाहा, क्रोध, स्वार्थ, बदख्याइ, निन्दा, चर्चा, अभिमान रे गोलमाल हुन्छ होलो।

एफिसी 4:17

तबइकिलाइ प्रभुले मलाइ दिया अधिकारसित म तमनलाइ यो भण्नउ कि अबिश्वासी मान्सन जसेरि तिनरा ब्यर्थका बिचारमी उद्देश्यहिन जीवन जन बिता।

एफिसी 5:6

यिन मान्सन बठेइ मुर्ख जन बन जो यिन पाप अद्दाइ बाहाना बनाउन्या कोशिस अददाहान, क्याकि यिन कुरणिका लाग्दा परमेश्वरको क्रोध आज्ञा नमान्या मान्सनमि पणन्छ।

फिलिप्पी 3:14

म पुरुस्कार पाउनाइ निउति निसाना तिर अगाडी बड्डउ। पुरुस्कार भण्या परमेश्वरले मलाइ स्वर्गमि बोलाउना छन, क्याकि येशू ख्रीष्ट मेरी निउति मर्या।

कलस्सी 2:23

इसो लागन्छ कि यिन नियमले एक बुद्दिमान बाटो धेकाउनाहान जो ठीक छ, तिनरो झुटो नम्रता रे आफ्ना शरीरलाइ कठोर ब्यबहार अरिबर तिननले आफलाइ परमेश्वरतिर समर्पित अददाहान। तर वास्तवमि यिन नियमले मान्सनलाइ तिनरा खराब इच्छालाइ नियन्त्रण अद्दाइलाइ सहयोग अद्दाइन्न।

कलस्सी 2:4

म यो भण्नाउ कि कसइले तमनलाइ झुटा शिक्षामि बिश्वास अद्दाइलाइ धोका जन दिय।

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

१ तिमोथी 1:7

तिन झुटा शिक्षक मोशाको कानुन सिकाउन्यावाला हुनचाहानान। तर तिनन साच्ची बुज्ज सक्दाइनन कि तिननले औरलाइ कि सिकाउन खोज्जा छन, रे तिनन दृढ बिश्वाससित कि बोल्ला छन।

१ तिमोथी 4:1

पबित्र आत्माले प्रस्ट भण्नाहान कि यिन अन्तका दिनमि केइ मान्सनले ख्रीष्टको शिक्षामि बिश्वास अद्दया आथिन। तिननले भूत आत्मा बठेइ आया शिक्षालाइ ग्रहण अद्दया हुन, जइले तिनन बहकाउन्या हो रे झुटा शिक्षामि बिश्वास अद्दया हुन जो सैतान बठेइ आउन्छ।

२ पत्रुस 2:14

तिनन आफले हेर्द्देइ हरेक स्वानी सित व्यभिचार अद्द चाहानाहान। तिनन पाप अद्दाइ मौका खोज्ज कभइ छाड्डाइन। तिननले तिन मान्सनलाइ धोका दिनाहान जइले ख्रीष्टलाइ पुरा रुपमि बिश्वास अद्दाइन रे तिनन लगइ पापमि लाउनाहान। तिनरो भौत चिजको बढ्दो इच्छाका लाग्दा, परमेश्वरले तिननलाइ सजाय दिन्या हुन।

१ यूहन्ना 2:26

म तमनलाइ तिनन मण्डलि छाडिबर गया मान्सनका बारेमि चेतावनी दिन्नाछु जइले तमनलाइ झुटा शिक्षा बठेइ छल अद्दा छन।

प्रकाश 12:9

त्यो ठुलो अजिङ्गर तइका सबइ दुतसित धर्तीतिर खितियो। त्यो अजिङ्गर त्यो स्याप हो जो पइल्ली बठेइ छ जइलाइ सैतान भणिन्छ। यइ संसारका मान्सनलाइ भणकाउन्या यइ हो।

प्रकाश 13:14

पइला राक्षसको सक्ति बठेइ अचम्मका कामका लाग्दा भौत मान्सनले दोसरा राक्षस बठेइ धोका पायो रे प्रभाबित भया। दोसरा राक्षसले मान्सनलाइ तरबारले घाइते भया तर निको भया पइलो जनावरको आराधना अददाइ मुर्ति बनाउनाइ भण्यो।

प्रकाश 13:8

रे यइ धर्तीमि बास अद्द्या सब मान्सनले उनलाइ आराधना अर्यो। उनरो आराधना नअद्द्या केवल तिनन मान्सन थ्या जइका नाउ यइ संसारको सृष्टि हुनाहइ पइल्ली तइ किताबमी लेखिया आथिन, जइमि अनन्त जीवन पाया मान्सनको नाउ लेखिया छ। त्यो किताब थुमाको किताब हो जइलाइ बलिदानका रुपमि मारिया थ्यो।

प्रकाश 19:10

जब मइले सुण्या, म तइ एक जनाका साम्ने झुके जइले मसित कुरणी अददाथ्यो, क्याकि म उनरो उपासना अद्द जान्नाथ्या। तर तिनले मलाइ भण्यो, मेरो उपासना जन अर। तमले परमेश्वरको मान्तर आराधना अददु पणन्छ। क्याकि म लगइ तम जसोइ परमेश्वरको एक सेवक हुँ रे एक स्वीकार भया तमरा सबइ संगि बिश्वासि भाइन जसोइ जइले यो स्वीकार गर्छन कि येशू उनरा प्रभु हुन। येशूले प्रकट अर्या सत्यले मान्सनलाइ परमेश्वरको सन्देश घोषणा अद्द सक्षम बनाउन्छ।

प्रकाश 3:11

म छटाइ आउन्ना छु। तमनले ममि दृढ़ भइबर बिश्वास अरि राख ताकि तमरो मुकुट कसइले लइजान जन सकउ।