प्रेरित 6:1 - डोटेली नयाँ करार

¹ तिन दिनमि प्रभु येशू ख्रीष्टका छान्या शिष्याको संख्या बड्डोइ जान्नाथ्यो, तब हिब्रु भासा बोल्या मान्सनका बिरुद्दमि ग्रीक भासा बोल्या यहुदि बिश्वासीनले गनगन अर्यो, क्याकि दिन दिनइ खानाइ रे रुप्या बाणन्ज्या तिनरि बिधवा स्वानीनको वास्ता भएइन भण्न्या ग्रीक भासा बोल्या यहुदि बिश्वासीनको भणाइथ्यो।

डोटेलि

¹ तइ समयमि सिस्‍यानको संख्‍या बड्‍डइ जान्‍ज्‍या, ग्रिक भासा बोल्‍या रे हिब्रु भासा बोल्‍या यहुदिनका बिचमि भुणाभुण चल्‍ल लाग्‍यो। दिनदिनि खान्‍या कुरा बाणन्‍ज्‍या तिनुनका बिधुवानको वास्‍ता भएन भन्‍न्‍या ग्रिक भासा बोल्‍या यहुदिनको भुणाइ थ्‍यो।

प्रेरित 6:1 ပူးပေါင်းရင်းမြစ်များ

मत्ती 23:13

“तमन भयानक समस्यामि छौ! तमन मोशाको कानुन सिकाउन्यावाला रे फरिसि मान्सनको समुह हो, कपटि! तम मान्सलाइ स्वर्गका राज्यमि जानाइलाइ अनुमति दिनानु, क्याकि तमन न त आफ पसन्छौ, न त औरलाइ पस्स दिन्छौ।

प्रेरित 11:20

तर तिननमि हइ कोइ-कोइ बिश्वासिन साइप्रस टापु रे कुरेनि सहरका मान्सन थ्या। तिननले एन्टिओखिया सहरमि आइबर ग्रीक भासा बोल्या यहुदिलाइ लगइ प्रभु येशूका बारेमि बचन प्रचार अर्यो।

प्रेरित 11:26

जब तिनले उनलाइ भेट्यो तब उनलाइ एन्टिओखिया सहर लेइबर आया, तब शाउल रे बारनाबास दुएय पुरा एक बर्ष सम्म एन्टिओखिया सहरमि भया मण्डलिका मान्सनसित तिनन संगति अद्दाइ रया, रे भौत मान्सलाइ येशू ख्रीष्टको बारेमि सिकायो। ख्रीष्टका शिष्यालाइ पइल्ली बेर एन्टिओखिया सहरमि ख्रीष्टियन भणियो।

प्रेरित 11:29

तब सब शिष्याले आ-आफ्नो क्षमता अनसार यहुदिया जिल्लामि बस्या बिश्वासि भाइनलाइ सायता अद्द्या बिचार अर्यो।

प्रेरित 2:41

तब जइ-जइले पत्रुसको कुरणीमि बिश्वास अर्यो, तिननले बप्तिस्मा लियो, रे तसइ दिन लगभग तीन हजार मान्सन तिनरा संख्यामि थपिया।

प्रेरित 2:45

तिननले आफना सम्पत्ति रे मालसामान बेचिबर जइ-जइलाइ जी-जी कुरणीको खाँचो पणन्थ्यो सबलाइ तिन बाडी दिन्थ्या।

प्रेरित 2:47

रे सदाइ परमेश्वरको प्रसंसा अरन्थ्या। रे और मान्सनले लगइ तिननलाइ मन पडाउन्थ्या। उद्दार पाउन्यालाइ प्रभुले दिन दिनइ तिनरो संख्यामि थपिदिन्थ्या।

प्रेरित 4:35

रे येशू ख्रीष्टका छान्या शिष्यालाइ दिन्थ्या, रे जइ-जइलाइ जी-जी कुरणीको खाँचो पड़न्थ्यो, त्यो सबलाइ बाड़िदिन्थ्या।

प्रेरित 4:4

पइ सन्देश सुण्न्यामि हइ भौतले येशूमि बिश्वास अर्यो, रे बिश्वास अद्द्या मान्सनको संख्या लगभग पाँच हजार बैकान मान्सन भया।

प्रेरित 5:14

प्रभु येशूमि बिश्वास अद्दया बैकान रे स्वानि दुएइको भिड झिक बड्ता थपिन पस्यो,

प्रेरित 5:28

“हामले तमनलाइ येशू ख्रीष्टका नाउँमि कसइलाइ केइ जन भण भणबर कडा चेतावनी दिइराइथ्या, तर तमनले आफना शिक्षाले जम्माइ यरुशलेम सहर भरिसक्या, रे तइ मान्सको हत्याको दोस जबरजस्ती हाममि लाउन खोज्जा छौ।”

प्रेरित 6:2

तब बारइ जाना येशू ख्रीष्टका छान्या शिष्याले यरुशलेम सहरमि भया और बिश्वासिनलाइ मण्डलिमि बोलाइबर भण्यो, “हाम येशू ख्रीष्टका छान्या शिष्यालाइ आफ्ना समयमि परमेश्वरको बचन सिकाउनामी बिताउनाउ, नकी ख्वाउन्या-प्याउन्या सेवा अद्द्या काममि।

प्रेरित 6:7

यिसेरी परमेश्वरको बचन बड्डोइ गयो, रे शिष्याको संख्या यरुशलेम सहरमि बड्यो। यहुदि पुजारिनले लगइ येशू ख्रीष्टमी बिश्वास अरिबर यो सन्देसलाइ स्वीकार अर्यो।

प्रेरित 9:29

रे साहससित प्रभु येशूका बारेमि प्रचार अद्द पस्या, शाउलले ग्रीक भासा बोल्या यहुदि अगुवानसित वाद-बिबाद अर्यो, तर तिननले शाउललाइ माद्दाइ खोज्यो।

प्रेरित 9:39

तब पत्रुस उठीबर तिननसित गया। ताँ पुग्या पछा तिननले तिनलाइ घरको मल्ला कोठामी लैय्या। बिधवान सब तइका नजिकै कल्लिबर रुन पसिन, रे तिन जिउना हुनज्या डोरकासले बनाया पोसाक रे और लत्ता धेकायो।

प्रेरित 9:41

पत्रुसले तइलाइ आफना हातले समाइबर जुडुक्क उठायो, पइ प्रभु येशूका मान्सन रे बिधवानलाइ बोलाइबर तइलाइ मर्या बठेइ जिउनी बनाया धेकायो।

रोमी 12:7

यदि अरुलाइ सेवा अदद्या बरदान मिल्या छ भण्या, सेवा काममी, सिकाउन्याले सिकाउन्या काममी,

१ कोरिन्थी 10:10

हामले गनगन अद्दु पड्डइन जसेरि तिनन मध्ये कतिले अर्यो, रे परमेश्वरले पठाया स्वर्गदुतले तिननलाइ मार्यो।

२ कोरिन्थी 11:22

कि तिनन हिब्रु हुन? म लगइ हु। कि तिनन अब्राहामका सन्तान हुन? म लगइ हु। कि तिनन इस्राएल देशका मान्सन हुन? म लगइ हु।

फिलिप्पी 3:5

जब म जन्म्या आठ दिन भयाथ्यो, तब परमेश्वरले आज्ञा अर्या अनसार मेरो खतना भया हो। म जन्मिया बठेइ इस्राएल देशको हु, बेन्यामीन कुलको हु, मेरा पुर्खा सब हिब्रु हुन तबइकिलाइ म एक हिब्रु हु, फरिसि मान्स भइबर मइले मोशाको कानुन कडाइसित पालन अर्या छु।

१ तिमोथी 5:3

तिन बिधवालाइ आदर धेका जइसित तिनरो खाचो पुरा अद्द्या रे हेरचाह अद्द्या कोइ आथिन।

१ तिमोथी 5:9

जब कोइ बिधवा साठी बर्ष भण्ना मल्तिरकि छ, रे उ एकइ बैकान कि स्वानी छ भण्या तइलाइ मान्तर तमनले बिधवाको सुचीमि राख्द सकन्छौ।

हिब्रु 13:1

प्रभुका अनुयायीले अद्द्या एक अर्खाको हेरबिचार अरि राख।

याकुब 1:27

पिता परमेश्वरका सामने सुद्द रे पबित्र धर्म यइ हो: टुहुरा रे बिधवालाइ उनरा कष्टमी हेरचाह अद्दु, आफलाइ संसारको खराब ब्यबहार बठेइ प्रभाव पड्ड नदिनुहो।

याकुब 4:5

क्याइ तमन यो माणन्छौ, कि पबित्र सास्त्रले व्यर्थमि इसो भणन्छ, हाममि परमेश्वरले राख्या आत्माकी निउति उनले भौत ठुलो इच्छासित चाहाना अद्दाहान?

याकुब 5:9

बिश्वासि भाइन हो, एक-अर्खाको बिरोधमी गनगन जन अर, नतित तमन दोषि ठहरिन्या हो। हेर, प्रभु आउनाइलाइ तयार छन रे सबको न्याय अद्द्या हुन।